မနက်စာအတွက် စားဖို့ တွေးမယ်ဆိုရင် ထမင်းကြော်နဲ့ ကြက်ဥကို အတော်များများ စားကြပါတယ်။ အစာခံတယ်။ ဗိုက်ပြည့်တယ်။ ချက်ပြုတ်ရလွယ်ကူတယ်။ ညဘက် အလုပ်လုပ်ရင်း ဗိုက်ဆာလာတာပဲ ဖြစ်ဖြစ်၊ တီဗွီကြည့်ရင်း တစ်ခုခု စားချင်လာတဲ့အခါ ခေါက်ဆွဲပြုတ်နဲ့ ကြက်ဥနဲ့ စားတတ်ကြပါတယ်။ ကြက်ဥမှာ ကိုလက်စထရောတွေ ပါဝင်တာများပေမယ့် အာဟာရဖြစ်စေတဲ့ ပရိုတိန်းတွေလည်း အများကြီးပါဝင်ပါတယ်။

တစ်ချို့တွေကတော့ ဝိတ်ထိန်းတဲ့အနေနဲ့ နေ့တိုင်းစားတဲ့ အစားစာတွေမှာ ကြက်ဥကို ရှောင်ပြီး စားကြပါတယ်။ သုတေသနပညာရှင်တွေကတော့ ဘယ်လောက်များများ ကြက်ဥကို စားသင့်တယ်ဆိုတာတော့ ရှင်းရှင်းလင်းလင်း မပြောပေမယ့် ကျန်းမာပြီး ဝိတ်လည်း ထိန်းအောင် အချိုးညီညီ စားသုံးနိုင်တယ်လို့တော့ ပြောကြပါတယ်။

သုတေသနာ ပညာရှင်တွေ တွေ့ရှိချက်အရ အစားအစာထဲကနေ ပါတဲ့ ကိုလက်စထရောတွေဟာ စုစုပေါင်း ကိုယ်ထဲမှာ ရှိတဲ့ စုစုပေါင်း ကိုလက်စထရောတွေရဲ့ သွေးလယ်ဗယ်ကို သက်ရောက်မှု အနည်းငယ်သာ ရှိစေတယ်လို့ ဆိုပါတယ်။ LDL ကိုလက်စထရောကို မထိန်းနိုင်ရင် ဝလာမှာပါပဲ။ ဒါပေမယ့် LDL ကိုလက်စထရောနဲ့ ကြက်ဥစားပေးပြီး ပြန်ထိန်းလို့ ရပါတယ်။

အကြောင်းပြချက်ကတော့ အသည်းတွေဟာ ကိုလက်စထရောကို ထုတ်ပေးပြီး ကိုလက်စထရော အများကြီးပါတဲ့ အစားအစာတွေကို စားလိုက်ရင်တော့ အသည်းက ထုတ်ပေးနိုင်စွမ်း နည်းသွားပါတယ်။ ကိုလက်စထရောဟာ လူတွေရဲ့ အရေးပါတဲ့ အစိတ်အပိုင်းတစ်ခုပါပဲ။

ဒါကြောင့်မို့ ကြက်ဥ၊ ဘဲဥတွေ စားတဲ့အခါမှာ ဘယ်လိုမျိုး ကျန်းမာရေးနဲ့ ညီညွှတ်အောင် စားရမလဲဆိုတာ သိထားသင့်ပါတယ်။

  • ဝိတ်ထိန်းနေသူတွေ အဖို့ ကြက်ဥစားတဲ့အခါ ဆားထပ်ထည့်မစားပါနဲ့။ ဆားထည့်မစားခြင်းဖြင့် ကိုယ်ထဲက ဆိုဒီယမ် လယ်ဗယ်ကို ထိန်းထားနိုင်ပြီး Diet အတွက် ညှိပြီးသား ဖြစ်သွားပါမယ်။
  • ကြက်ဥတွေကို အကျတ်ပြုတ်တာ၊ တစ်ဝက်ပြုတ်တာတွေ စားနိုင်ပါတယ် ဒါပေမယ့် ထောပတ်တွေနဲ့ ရောမစားပါနဲ့
  • ကယ်လိုရီမြင့်တဲ့ အစားအစာတွေနဲ့ တွဲစားခြင်းကို ရှောင်ပါ။ ဥပမာ ဟမ်ဘာဂါ
  • ချက်ခြင်း စားပါ။ ပြုတ်ပြီးပြီးချင်းစားပါ။

Credit: zeenews