ဂျပန် ခေါက်ဆွဲပြုတ်

Share this on:

Ramen (ရမန်) လို့ ခေါ်တဲ့ ဂျပန်ခေါက်ဆွဲပြုတ် လုပ်စားကြမယ် ။

ဂျပန်ခေါက်ဆွဲပြုတ်.1

 

ပါဝင်ပစ္စည်းများ

  • ဂျုံခေါက်ဆွဲ
  • ၀က်သား
  • ကြက်သွန်မြိတ်
  • ကြက်သွန်ဖြူ
  • ဂျင်း
  • Ready Made ငါးအသားချောင်း (ဒါမှမဟုတ် ဂဏန်းအသားချောင်း)
  • မှို
  • မုန်ညင်းပု
  • ပဲပင်ပေါက်
  • ပဲငံပြာရည် အကြည်
  • ဟင်းချက် အရက်ချို (Mirin @ Cooking Sake)
  • ဆားအနည်းငယ်
  • နှမ်းဆီ

ပြင်ဆင်ပြုလုပ်နည်း

  1. ခေါက်ဆွဲချက်စားတော့မယ်ဆိုရင် အရင်ဦးဆုံး ၀က်သားနှ စ်ဆယ်သားခန့်ကို ဆား တစ်ဇွန်းခန့် နယ်ပြီး တစ်ညလောက် ရေခဲသေတ္တာထဲမှာ ဆားဝင်အောင် နှပ်ထားပါ ။
  2. နောက်တစ်နေ့မှ ၀က်သားကို ထုတ် ၊ ပါးပါးလှီးပြီး အိုးထဲမှာ ၀က်သားကိုထည့် ၊ ဂျင်းလက်တစ်ဆစ် ၊ ကြက်သွန်ဖြူ သုံးတက် ၊ ကြက်သွန်မြိတ် အနည်းငယ်ကို လှီးပြီးထည့် ပြီးရင် တစ်လီတာခွဲခန့် ထည့်ပြီး မီးပြင်းပြင်းနဲ့ တည်ပေးပါ ။  ဆူလာပြီဆိုရင် အပေါ်ယံက ၀က်သားအဆီ အမြုပ်တွေကို ခပ်ထုတ်ပစ်ပါ ။   ပြီးရင် မီးမျှင်းမျှင်းလေးနဲ့ တစ်နာရီ ခွဲ လောက် တည်ပေးပါ ။
  3. အဲဒီလို တည်ထားတုန်းမှာ ခေါက်ဆွဲကို ပြုတ်ထားရပါမယ် ။  မှို ၊ မုန်ညှင်းပု ရေနွေးဖျော ထားရပါမယ် ။  မုန်ညင်းပုကို   ရေနွေးဖျောပြီး ရေထွက်သွားအောင် ရေညှစ်ပစ်ပါ ။   ကြက်သွန်မြိတ်ကို ပါးပါးလှီးထားပါ ။   ကြက်ဥ ကြိုက်ရင် ကြက်ဥ ပြုတ်လည်း ထည့်နိုင်ပါတယ် ။   ဂဏန်းအသားချောင်း ကိုလည်း ကျက်အောင် လုပ်ထား ရပါမယ် ။
  4. ပြီးရင် ၀က်သားကိုဆယ်ပြီး အအေးခံပြီးတာနဲ့ ပါးပါးလေးတွေဖြစ်အောင် လှီးထားပါ ။  ခုနက တည်ထားတဲ့ ၀က်သား ပြုတ်ရည် ထဲကို ပဲငံပြာရည် အကြည် လေးဇွန်း ၊ ဟင်းချက်အရက်နှစ်ဇွန်း ၊ ဆား တစ်ဇွန်း ၊ နှမ်းဆီ တစ်ဇွန်း ထည့်ပြီး မီးမျှင်းမျှင်းနဲ့ တည်ပါ ။
  5. ပြီးတာနဲ့ ပန်းကန်ထဲမှာ ခေါက်ဆွဲကိုထည့် ၊ အသားပြုတ်ရည်ထည့် အပေါ်ကနေ ၀က်သားပြား ၊ ကြက်သွန်မြိတ် ၊ မှို ၊ အရွက် ၊ ပဲပင်ပေါက် ၊ ကြက်ဥပြုတ်ကို တင်ပြီး သုံးဆောင်လို့ရပါပြီ ။
အချဉ်ကိုတော့  ဂျင်းအချဉ်နဲ့ တွဲဖက်ပြီး စားပါတယ် ။ အသားကိုတော့ ကြိုက်နှစ်သက်ရာ အသားနဲ့ လုပ်နိုင်ပါတယ် ။

Credit: Sango's Curries

Review

User Rating

2.4 (5 Votes)