ခေါက်ဆွဲ - Noodle Dishes | Recipes | မုန့်ဟင်းခါး - Mone Hin Gha

ထားဝယ်မုန့်တီ (ခေါ်) ထားဝယ်ရိုးရာ မုန့်လတ်သုပ်

February 27, 2016

ထားဝယ်မုန့်တီ (ခေါ်) ထားဝယ်ရိုးရာ မုန့်လတ်သုပ်

Share this on:

ထားဝယ်ဒေသမှာတော့ ထားဝယ်ရိုးရာ မုန့်လတ်သုပ်ကို အထူးသဖြင့် နေမကောင်းဖြစ်ပြီး နာလန်ထစလူတွေက ဆိုင်ကိုပြေးပြီး အားရပါးရ စားကြတာလေ၊ စားပြီးတာနဲ. ချွေးတွေထွက်ပြီး လန်းဆန်းနေကောင်း သွားကြပါတယ်။ ရှူးရှူးရှဲရှဲ နှင့် အရသာ အရမ်းရှိပါတယ်။

ပါဝင်ပစ္စည်များ

  • ငါးကျွှဲရင် (သို့) ငါးကြင်းအကောင်ကြီး
  • ပအုန်းရည်
  • ကြက်သွန်နီဥ
  • ကြက်သွန်မြိတ်
  • ငံပြာရည်
  • အချိုမှုန်.
  • ငရုပ်သီးအစိမ်း
  • ငရုပ်အကျက်မှုန်.
  • မုန်.ဖတ်
  • သံပုရာသီး
  • မုခွေယား (ထားဝယ် စာကလေးခွေ) သို့ စာကလေးခွေ

ပြုလုပ်နည်း

  1. ထားဝယ်ရိုးရာ မုန့်လတ်သုပ် လုပ်နည်းက ငါးကျွဲရင်လို ငါးမျိုးနဲ့ ချက်တယ်။ ရန်ကုန်မှာတော့ အသားများတဲ့ ငါးကြင်း အကောင်ကြီးသားနဲ့ ချက်ကြတယ်။
  2. ငါးကြင်းခုတ်သား များများကို “ ပအုန်းရည်” နဲ့ ပြုတ်ပါတယ် ။ ပအုန်းရည် ဆိုတာက ထန်းရည်ကို အချဉ်ဖောက်ထားတာပါ။
  3. မုန့်လတ်သုပ် ချက်ပြုရာတွင်လည်း ငါးကို ပအုန်းရည် နဲ့ ပြုတ်ပြီး ငံပြာရည် နဲနဲ ထည့်တယ်။ ထားဝယ်မှာက ငါးပိထည့်တာများတယ်။
  4. ငါးပြုတ်ရည်ဆူရင် ငါးတွေကို ဆယ်ပြီး အရိုးများ ဖယ်ရှားရ်ျ အသားအတုံး ကြီးကြီးလေးတွေ ဖဲ့ပါတယ် ။( ကြေရင် မကြိုက်လို.ပါ ။ )
  5. ဖဲ့ ပြီးသားငါးတွေ ပြုတ်ရည်ထဲ ထည့်ပြီး ကြက်သွန်နီဥ လေးငါးစိတ် စိတ်ထားတာတွေ ခပ်များများထည့်ပါတယ်။
  6. ဟင်းခတ်မှုန့် ထည့်ပြီးရင် ဟင်းရည်အနဲ့က မွှေးကြိုင်ပြီး အရသာ အရမ်းရှိနေပါပြီ။
  7. စားမယ်ဆိုတော့မှ ပန်းကန်ထဲ မုန့်ဖတ် သင့်ရုံထည့်၊ မုန့်ဖတ်ဖြူဖြူပေါ်မှာ ငံပြာရည် နဲ့ အချိုမှုန့် နဲနဲထည့် ၊ ကြက်သွန်နီ ပါးပါးလှီးပြီး ရေဆေးထားတာ နဲနဲထည့် ၊ ငရုပ်သီးအစိမ်း သေးသေးလေးတွေ ဆစ်ထားတာကို လိုသလောက်ထည့်ပြီး “မုခွေယား(ထားဝယ်စာကလေးခွေ) သို. စာကလေးခွေ နှစ်ခုလောက် ခြေပြီးထည့်ပါ ။
  8. ပြီးမှမုန်.ဖတ်ပေါ်မှာ ခုနက ပြုတ်ပြီး မီဖို ပေါ်တင်ထားတဲ့ မုန့်လတ်သုပ် ဟင်းရည်ကို ဆမ်းထည့်ပါ။ ငရုပ်သီး အကျက်မှုန်.တော့ ကြိူက်သလို ထည့်နိုင်ပါတယ် ။
  9. အချဉ်ကြိူက်ရင် သံပုရာသီးလေးညစ် ထည့်စားနိုင်ပါတယ် ။
*ပအုန်းရည် ဆိုတာက ထန်းရည်ကို အချဉ်ဖောက် ထားတာပါ။ ပအုန်းရည်က ငါးပိလက်သုပ် လုပ်စားရင်လည်း သံပုရာရည်၊ ရှောက်ရည်အစား ထည့်လို့ရပါတယ်။ မွှေးတေးတေး အနံ့လေးနဲ့ ပိုစားလို့ ကောင်းပါတယ်။

Credit: ထားဝယ်စာပေ နှင့် ရိုးရာယဉ်ကျေးမှု အဖွဲ.

Review

User Rating

3.7 (10 Votes)