ပုဇွန် - Prawn | ခေါက်ဆွဲ - Noodles

ပုစွန် ၂ မျိုးနှင့် မျှစ်ကြော်

September 16, 2016

ပုစွန် ၂ မျိုးနှင့် မျှစ်ကြော်

Share this on:

ပုစွန်ကျော့နှင့် ပုစွန်ကျား ၂ မျိုးကို အသုံးပြုပြီး ချက်ထားတဲ့ဟင်းဖြစ်ပါတယ်။ ပုစွန်မှ ထွက်လာသော သဘာဝ အချိုအရသာနှင့် တွဲဖက်ပြီး ချက်ထားတာ စားလို့ အတော်ကောင်းလွန်းလို့ အဲဒီလို နေ့မျိုး ထမင်းအိုး ပြောင်ပါတယ် ။ ပရိသတ်ကြီးလည်း ချက်စားကြည့်လိုက်ပါအုံးနော်… ။

ပါဝင်ပစ္စည်းများ

  • မျှစ် – ၁၅ ကျပ်သား (မျှင်ထားပြီးသား)
  • ကိုင်းခရမ်းချဉ်သီး – ၅ လုံး (ခပ်ပါးပါး လှီးထားပါ)
  • ပုစွန်ကျော့ – ၁၅ ကျပ်သား (အခွံခွာထားပါ)
  • ပုစွန်ကျား – ၁ဝ ကျပ်သား (ခေါင်းကိုထားပြီး ကိုယ်ပိုင်းအခွံများခွာထားပါ)
  • ပင်စိမ်း – ၃ ပင် (ခပ်ကြမ်းကြမ်းလေးလှီးထားပါ)
  • (ဟင်းအနှစ် လုပ်ရန်)
  • နနွင်းမှုန့် – လက်ဖက်ရည်ဇွန်း တစ်ဝက်
  • ကြက်သွန်ဖြူ – ၃ မြွှာ(ထောင်းထားပါ)
  • ကြက်သွန်နီ – ၂ လုံး (ထောင်းထားပါ)
  • အသီးအရွက်ဆီ – ၃ ဇွန်းခွဲ စားပွဲဇွန်း
  • ဆား – လက်ဖက်ရည်ဇွန်း တစ်ဝက်
  • ငံပြာရည် – လက်ဖက်ရည်ဇွန်း ၁ ဇွန်း
  • ငရုတ်သီးစိမ်း – ၁ဝ တောင့် (ထက်ခြမ်းခြမ်းထားပါ)
  • ပင်စိမ်းရိုး – ၃ ရိုး
  • အရောင်တင်မှုန့် – လက်ဖက်ရည်ဇွန်း ၂ ဇွန်း

ပြုလုပ်နည်း

  1. အိုးထဲကို ဆီထည့်ပြီး ဆီပူလာလျှင် နနွင်းမှုန့် ၊ ကြက်သွန်နီ-ဖြူကို အရင်ဆီသတ်ပါ ။
  2. ကြက်သွန်ဖတ်များ နွမ်းလာလျှင် ဟင်းအနှစ်လုပ်ရန် ပစ္စည်းများ ထည့်ပါ ။
  3. မီးအနေတော်နှင့် ဆီသတ်ပါ ။ အိုးမကပ်အောင် မွှေပေးပါ ။
  4. အရောင်လှပြီး အားလုံး မွှေးလာလျှင် ခရမ်းချဉ်သီး ရောပါ ။ အခွံလိပ်လာပြီး ဆီပြန်လာတဲ့အထိ တည်ပါ ။
  5. ခရမ်းချဉ်သီးအနှစ်ထဲ ပုစွန်များရောပါ။ ခပ်ဖွဖွလေး မွှေပေးပါ ။
  6. ပုစွန်အရောင်ပြောင်းလာလျှင် မျှစ်ရောပါ ။ မျှစ်နူးအိလာတဲ့အထိ တည်ပါ ။
  7. အိုးချခါနည်း ပင်စိမ်းအုပ်ပါ။ အရသာကို ကိုယ့်စိတ်တိုင်းကျ ပြုပြင်နိုင်ပါတယ်။
  8. ထမင်းပူပူလေး ဖြင့်တွဲ စားသုံးပါက ပိုမိုကောင်းမွန်ပါတယ်။

Review

User Rating

0 (0 Votes)

author-avatar

Syi Lwin is a chef, food writer, food stylist, food developer and TV chef