ပုဇွန်ခွက်ကြော်သုပ်

Share this on:

ညနေခင်းအစာပြေ ပုဇွန်ခွက်ကြော်သုပ်စားတယ် ။ သူက ခေါက်ဆွဲလေးနဲ့ ရောသုပ်မှ ပိုစားကောင်းမယ်ထင်လို့ ခေါက်ဆွဲလေးနဲ့ သုပ်ထား ပါတယ် ။

Noodle and prawn salad 2

ပါဝင်ပစ္စည်းများ

  • ပုဇွန်စပ်ထုပ် - တပိဿာ
  • ပဲတီပင်ပေါက် - တပိဿာ
  • ကြက်သွန်နီ - ၂၀လုံး (ပါးပါးလှီး)
  • ကြက်သွန်ဖြူ
  • သခွားသီး - ၅လုံး (အချောင်းလေးတွေလှီး)
  • ဇလပ်ရွက် - ၅၀၀ဘိုး (ခတ်ထူထူလှီး)
  • ခေါက်ဆွဲ - တပိဿာ
  • ငြုတ်ဆီ
  • ထန်းလျက်
  • မကျီးရည်
  • ငြုတ်စိမ်း
  • နံနံပင်
  • ပဲကျက်မူန့်
  • ငြုတ်ကျက်မူန့်
  • ပဲနောက်ရည်
  • ဂေါ်ဖီ
  • ယိုးဒယားမယ်အကြော်မူန့် - ၁၀ထုပ်
  • ကြက်ဥ - ၂လုံး
  • ငြုတ်စိမ်းမူန့်
  • နနွင်းမူန့်
  • သကြား
  • ဆား
  • ကြက်သားမူန့်

ပြင်ဆင်ပြုလုပ်နည်း

  1. ပုဇွန်စပ်ထုပ်လေးတွေကို အခွံမခွာဘဲ ထိပ်ချွန်ကို ဖြတ်ပြီး အစာအိတ်အမဲကိုထုတ် ရေဆေးထားပါ ။
  2. ပဲတီပင်ပေါက်ကိုလည် ရေစစ်ပြီး ခတ်တိုတိုညှပ်ထားပါ ။
  3. ကြက်သွန်နီ ပါးပါးလှီး ၊  သခွားသီး အချောင်းလေးတွေလှီး ၊ ဇလပ်ရွက်ကို ခတ်ထူထူလှီး ထားပါ ။ ငြုတ်ဆီ ၊ ထညက် ၊ မကျီးရည်၊ ကြက်သွန်ဖြူ ၊ ငြုတ်စိမ်း ၊ နံနံပင်တို့နဲ့ ချိုချဉ်ငန်စပ် အချဉ်ရည်ဖျော်ထားပါ ။  ပဲကျက်မူန့် ၊ ငြုတ်ကျက်မူန့် နှင့် ကြက်သွန်ဖြူကို  ဆီချက် ချက်ထားပါ ။
  4. ခေါက်ဆွဲတပိဿာကို ပဲနောက်ရည်လူးပြီး ဂေါ်ဖီလေး ပါးပါးလှီးပြီး ဆီပူလှိမ့်ထားပါ ။ ယိုးဒယားမယ်အကြော်မူန့်တွေကို ဇလုံကြီးတလုံးထဲ ဖောက်ထည့် ၊ ကြက်ဥ၂လုံး ၊ ငြုတ်စိမ်းမူန့် ၊ နနွင်းမူန့် ၊ သကြား ၊ ဆား ၊ ကြက်သားမူန့် ၊   ရေနဲနဲချင်းထည့်ပြီး သမအောင်နယ်ထားပါ ။ မုန့်နှစ်ရည် မပျစ်မကျဲလေးရရင် ကြက်သွန်နီ ပါးပါးလှီးတာနဲ့ ပဲပင်ပေါက်တွေကိုထည့် သမအောင်နယ်လိုက်ရင် ကြော်ရန်အဆင်သင့်ရပါပြီ ။ ပုဂံပြားအပြန့်သေးပေါ် ပဲပင်ပေါက်မုန့်နှစ်ကို ဖြန့်တင်ပြီး ပုဇွန်အပေါ်ကတင် မုန့်နှစ်ရည်ကို ပုဇွန်ပေါ်ထပ်ဆမ်းပြီး ဆီပူပူမှာ အသာရှောချပါ ။ တဖက်နီရောင်သန်းရင် နောက်တဖက်လှန်ပြီး ၂ဖက်လုံး နီညိုရောင်သန်းတဲ့ ပုဇွန်ခွက်ကြော် ဆယ်လို့ရပါပြီ ။
  5. သုပ်စားမယ်ဆိုရင်တော့ ဇလုံထဲ ပုဇွန်ခွက်ကြော် တစ်ခုညှပ်ထည့် ခေါက်ဆွဲကြော်နည်းနည်းရယ် ဆီချက် ၊ ပဲကျက်မူန့် ၊   ငြုတ်ကျက်မူန့် ၊ သခွားသီး ၊ ကြက်သွန်နီ ၊ ဇလပ်ရွက် အချဉ်ရည်ရွဲရွဲဆမ်းပြီး သမအောင်နယ်ပြီး ပုဂံထဲထည့် စားရန် အသင့်ပါ ။ ထမင်းဖြူလေးနဲ့ ရေနွေးကြမ်းပူပူလေးနဲ့ဆို လိုက်မှလိုက် ။
Credit: Ohnmar Kyi

Review

User Rating

5 (1 Votes)