ရှုးရှဲ ကော်ရည် ခေါက်ဆွဲ

Share this on:

မိုးအေးအေးမို့ အအေးမိသလို လေးလံပြီး ကော်ရည်ခေါက်ဆွဲကို ငပိထောင်း စပ်စပ်ပေါ်မှာ သံပုရာရည် ညှစ်ပြီး စားခြင်တဲ့ စိတ် ပေါ်တာနဲ့ ကြီးကြီးနောကို နားပူလိုက်တာနဲ့ မဆိုင်းမတွနဲ့ အိမ်မှာပစ္စည်း မစုံပေမဲ့ ရှိတဲ့ အဆာပလာတွေနဲ့ အင်မတန် ကောင်းတဲ့ ကော်ရည်ခေါက်ဆွဲ ဖြစ်အောင် ချက်ပေးရှာတယ် ။   ကြီးနောရဲ့ ကော်ရည်က ကျဲကျဲလေး ဆိုတော့ အီလည်းမအီ ၊ ဟင်းရည်ကြီးဘဲ အရွက်တွေ ခပ်သောက်ရင်လည်းကောင်း ၊ အရည်နဲနဲဘဲ ထည့်ပြီး ငပိထောင်းနဲ့ဘဲ ချဉ်စပ်သုတ်စားလည်းကောင်း ၊ အရည်များများ ငပိထောင်းများများဆိုရင်လည်းကောင်း ၊  စားပြီးတာနဲ့ ချွေးတွေထွက်ပြီး လူကပေါ့သွားတာဘဲ ။  စေတနာတွေ မေတ္တာတွေနဲ့ အမြဲတမ်း ချက်ပေးတဲ့ ကြီးနောရဲ့ လက်ရာကတော့ ဘာနဲ့မှ မတူပါဘူး ။   လူသား အားလုံးလည်း ဘယ်နေရာမဆို မေတ္တာတွေ စေတနာတွေကို ရှေ့တမ်းထားပြီး လုပ်ကိုင်ရင် အရာရာ အားလုံးက ကောင်းမှာပါ ။  ကဲ မိသားစုကို  စေတနာတွေ မေတ္တာတွေ အပြည့်နဲ့ ရှုးရှဲ ကော်ရည် ခေါက်ဆွဲလေး ချက်ကြည့်လိုက်ပါအုံးနော် ။

ကော်ရည် ခေါက်ဆွဲ၂

ကော်ရည် ခေါက်ဆွဲ၁

ကော်ရည် ခေါက်ဆွဲ၃

ကော်ရည် ခေါက်ဆွဲ၅

ပါဝင်ပစ္စည်း

  • ကြက်သား ၁ ကောင် + ကြက်ရုိုးများ
  • ခေါက်ဆွဲ
  • ဂေါ်ဖီ (ပါးပါးလှီးရ်ျ ရေနွေး ဖျေားထားပါ)
  • ပဲပင်ပေါက် (ရေနွေး ဖျေားထားပါ)
  • မှိုခြောက် (၄စိတ် စိပ်ရ်ျ ရေစိမ်ထားပါ)
  • ပဲပြားခြောက် (ရေစိမ်ပြီး ခပ်ထူထူ လှီးရ်ျ ထည့်ပါ)
  • တရုတ်နံနံ (ပါးပါးလှီးထားပါ)
  • ကြက်သွန်မိတ် (ပါးပါးလှီး ထားပါ)
  • ကြက်သွန်ဖြူကြော်
  • ရှုးရှဲ ငပိထောင်း
  • သံပုရာသီး
  • ဂျင်း လက်၂ ဆစ်ခန့် (ထုထားပါ)
  • ကြက်သွန်ဖြူ ၈ မွှာ (တပြားရုိုက် ထားပါ)
  • ပဲငံပြာရည် အကျဲ အနည်းငယ်
  • ပဲငံပြာရည် အပျစ် အနည်းငယ်
  • ကော်မှုန့် (ရေအေးနှင့် ဖျော်ထားပါ)
  • ကြက်ဥ ၅ လုံး (ခလောက်ထားပါ)
  • Five Spice Powder အနည်းငယ်
  • ဆား အနည်းငယ်

ပြုလုပ်နည်း

  1. ကြက်သား တကောင်လုံးကို ၄ခြမ်း ခြမ်းရ်ျ ရေဖြင့် သန့်စင် ဆေးကြောပြီး  ပဲငံပြာရည် အပျစ် နှင့် နယ်ထားပါ ။  
  2. အိုးကြီးကြီးထဲတွင် ကြက်ရုိုးများကို ရေ ၊ ဂျင်း ၊ ကြက်သွန်ဖြူ ၊ ဆား နှင့် ပြုတ်ပါ ။
  3. ကြက်ရုိုးရည်များ ဆူလျင် ၄ခြမ်း ခြမ်းထားသော ကြက်ကို ထည့်ရ်ျ ပြုတ်ပါ ။
  4. ကြက်သား အသားနူးလျင် အအေးခံ ၊ အသားနွှာရ်ျ အရုိုးများကို ကြက်ရုိုး ပြုတ်ရည်ထဲသို့ ထည့်ရ်ျ ရေထပ် ထည့်ပြီး ဆက်ပြုတ်ရ်ျ ဆူသည်အထိ တည်ပါ ။
  5. ပြီးလျင် မှိုခြောက် ၊ ပဲပြားခြောက်ကို ထည့်ပါ ။
  6. ပဲငံပြာရည်အပျစ် နှင့် အကျဲ အနည်းငယ်စီ ထည့်ပါ ။
  7. မှိုခြောက် ၊ ပဲပြားခြောက် နူးလာလျင် ကော်ရည်ကို ကျဲကျဲလေး ရေအေးနှင့် ဖျော်ပြီး ထည့်ပါ ။ အသေအချာ ဟင်းရည်အိုးကို မွှေပေးပါ ။
  8. ပြီးလျင် ခေါက်ထားသော ကြက်ဥကို ဇကာပေါက် သေးသေးထဲမှ တဆင့် အိုးထဲသို့ ညာဘက်မှ ဝိုက်ရ်ျ အိုးထဲသို့ နဲနဲစီ ထည့်ပါ ။
  9. ပြီးလျင် Five Spice Powder အနည်းငယ် ဖြူးရ်ျ အရသာ အပေါ့အငံမြည်းပါ ။
  10. ပန်းကန်ထဲတွင် ခေါက်ဆွဲကို ထည့်ပြီး ကြက်သား ၊ ဂေါ်ဖီ ၊ ပဲပင်ပေါက် ၊ ကြက်သွန်ဖြူကြော် ၊ ကြက်သွန်မိတ် ၊ တရုတ်နံနံ ၊ ရှုးရှဲ ငပိထောင်း ပေါ် သံပုရာသီး ညှစ်ပြီး မိမိ ကြိုက်နှစ်သက်ရာများကို ထည့်ပြီး ကော်ရည်ကို လောင်းရ်ျ အရသာ ကောင်းသည့် ကော်ရည် ခေါက်ဆွဲကို သုံးဆောင် နိုင်ပါပြီ ။
My Food Myanmar

Review

User Rating

3.4 (11 Votes)