ပါဝင်ပစ္စည်းများ
- ဖက်ထုတ်ရွက်
- Butter (ထောပတ်)
- ကြက်သား
- ကြက်သွန်နီ
- ကြက်သွန်မိတ်
- Cheddar Cheese
- ငရုတ်ကောင်း
- ဆား၊ သကြား
- ဆီ – အနည်းငယ်
- ကြက်ဥ
ပြင်ဆင်ပြုလုပ်နည်း
အသင့်ဝယ်ထားတဲ့ ဖက်ထုတ်ရွက်လေးတွေကို Butter (ထောပတ်) ပါးပါးသုတ်ပါ။
ထောပတ်သုတ်ထားသော ဖက်ထုတ်ရွက် ၄ ရွက်ကို ညီညာစွာထပ်ပါ ။ ပြီးနောက် ဘာမှမသုတ်ထားသော အရွက်ကို အပေါ်ဆုံးမှ ထပ်အုပ်ပါ။
အစာသွပ်ရန် ၅ လွှာတချပ်စီ အဆင်သင့် ပြင်ထားပါ။
နူးအောင်ပြုတ်ထားသော ကြက်သားကိုဖျင်ပါ။ ကြက်သွန်နီကို အတုံးသေးသေးလှီးပါ။ ကြက်သွန်မိတ်ပါးပါးလှီးပါ။ Cheddar Cheese ကိုခြစ်ပါ။ ပြီးလျှင်ငရုတ်ကောင်း၊ ဆား၊ သကြား၊ ဆီအနည်းငယ် သင့်အောင်ထည့် နယ်ထားပါ။
အသင့်ပြင်ထားသော ဖက်ထုပ်ချပ်ပေါ် မွှေခေါက်ထားသော ကြက်ဥသုတ်ပြီး အစာတင်ပါ။ ပုံပါအတိုင်း တြိဂံပုံဖိခေါက်ပါ။
မီးအလယ်လတ်နှင့်ရွှေအိုရောင်ရအောင်ကြော်ပါ။ ကြက်သွန်မိတ်၊ ငရုတ်ဆီနှင့် တွဲဖက်၍ မိသားစုပျော်ရွှင်စွာစားသောက်နိုင်ပါပြီ။
Credit: Mgmg Kyawthwin
