ဒီကမ္ဘာလောကမှာ ကယ်လိုရီလုံးဝမပါဝင်တဲ့ အစားအသောက်ဆိုတာ မရှိပေမယ့်လည်း ကိုယ်အလေးချိန်တက်လာမှာကို ပူစရာမလိုဘဲ လွတ်လွတ်လပ်လပ် စိတ်ကြိုက်စားသောက်နိုင်မယ့် အစားအစာတွေတော့ ရှိပါတယ်။

အာဟာရပညာရှင် Dr. Lisa Young ရဲ့ ပြောစကားအရ အခုဖော်ပြပေးမယ့်အစားအစာတွေကို စားပေမယ့်လည်း ဝိတ်မတက်မယ့်အကြောင်းအရင်းတွေကတော့ ရေဓာတ်တွေအပြည့်ပါဝင်ခြင်း၊ ကယ်လိုရီပါဝင်မှုနည်းပါးခြင်း၊ ပြည့်အင့်မှုကို ဖြစ်စေနိုင်တဲ့ ဖိုက်ဘာပါဝင်ခြင်း တို့ပဲဖြစ်ပါတယ်။

ဒီအစားအစာတွေက ပရိုတင်းသိပ်ပြီးမပါဝင်ပေမယ့်လည်း ဗီတာမင်၊ Antioxidants ၊ အခြားအာဟာရဓာတ်တွေပါဝင်လို့ သင့်ကျန်းမာရေးကို အကျိုးကျေးဇူးတွေ အများကြီးပေးစွမ်းနိုင်မှာပါ။

တရုတ်နံနံကြီး

၉၅ ရာခိုင်နှုန်းလောက်က ရေဓာတ်တွေဖြစ်လို့ ကျန်းမာရေးကို အထောက်အပံ့မဖြစ်နိုင်ဘူးလို့တော့ မတွေးလိုက်ပါနဲ့။ ပိုတက်ဆီယမ်၊ ဖောလစ်၊ ဖိုက်ဘာ နှင့် ဗီတာမင်ကေ ၃၀ ရာခိုင်နှုန်းပါဝင်ပြီး ခြောက်ကယ်လိုရီသာပါဝင်လို့ လတ်လတ်ဆတ်ဆတ်စားသုံးပေးပါ။

ကိုက်လံ

ကိုက်လံတစ်ပွဲမှာ ကယ်လိုရီပမာဏ ၃၃ သာပါဝင်ပြီး ငါးတွေကိုစားသုံးတဲ့အခါမှာ ရရှိနိုင်တဲ့ အိုမီဂါသရီးဖက်တီးအက်စစ် ပါဝင်ပါတယ်။ ဆလပ်ရွက်တွေလိုပဲ ကိုက်လံဟာလည်း ဗီတာမင်တွေ ဖောလစ်တွေ ကြွယ်ဝပါသေးတယ်။

ဘလူးဘယ်ရီ

အခြားအသီးအနှံများထက် Antioxidant ပါဝင်မှုပိုမိုများပြားပြီး ဘလူးဘယ်ရီတစ်ခွက်မှာ ဖိုက်ဘာ ၁၄ ရာခိုင်နှုန်းနဲ့ ကယ်လိုရီပမာဏ ၈၅ သာပါဝင်ပါတယ်။

သခွားသီး

ရေဓာတ်အများဆုံးပါဝင်တဲ့ သခွားသီးတွေမှာ ကယ်လိုရီ ၁၆ ပမာဏသာပါဝင်ပါတယ်။ သခွားသီးရဲ့ အခွံနဲ့အစေ့တွေမှာ အသီးရဲ့ အာဟာရဓာတ်အများဆုံးပါဝင်ပြီး မျက်လုံးအတွက်ကောင်းမွန်တဲ့ Beta-carotene လို့ လူသိများတဲ့ ဗီတာမင်အေပုံစံတစ်မျိုးနဲ့ ဖိုက်ဘာတို့ပါဝင်လို့ သခွားသီးစားတိုင်း အခွံမခွာပါနဲ့။

ခရမ်းချဉ်သီး

Lycopene လို့ခေါ်တဲ့ နာတာရှည်ရောဂါတွေကို တိုက်ဖျက်ပေးနိုင်တဲ့ Carotenoid ပါဝင်တဲ့အပြင် ဗီတာမင်အေ၊ စီ၊ ဘီတူး၊ ဖောလစ်၊ ခရိုမီယမ်၊ ပိုတက်စီယမ်နဲ့ ဖိုက်ဘာတို့လည်း ရောစပ်ပါဝင်ပါသေးတယ်။ ကယ်လိုရီပမာဏကလည်း ၂၅ သာရှိလို့ စိတ်ချလက်ချစားသုံးနိုင်မှာပါ။

ရှောက်ခါးသီး (ဂရိတ်ဖရု)

ဖိုက်ဘာမြင့်မားသည့်အတွက် သွေးချိုပမာဏကို ထိန်းချုပ်ပေးခြင်းဖြင့် ဆာလောင်မှုကို ထိန်းသိမ်းထားပေးနိုင်တဲ့ ဂရိတ်ဖရုသီးတွေဟာ အချိန်ကြာကြာပြည့်အင့်နေစေမှာပါ။ ကင်ဆာ၊ နှလုံးပြဿနာတွေ စတာတွေကို လျော့ချပေးနိုင်တဲ့ ဗီတာမင်စီလည်း ပါဝင်ပြီး အစာခြေဖျက်အားကိုလည်း ကောင်းစေပါတယ်။

ပန်းဂေါ်ဖီစိမ်း

အစိမ်းစားစား၊ ပြုတ်စားစား အာဟာရဓာတ်အပြည့်ရှိပါတယ်။ ကင်ဆာဖြစ်စေနိုင်တဲ့ ရေဒီယိုသတ္တိလှိုင်းတွေကို တိုက်ထုတ်ပေးနိုင်ပါတယ်။ ဗီတာမင်အေ၊ စီ၊ အီး နှင့် ကေ တို့အပြင် ပန်းဂေါ်ဖီစိမ်းတစ်ခွက်မှာ ကယ်လိုရီပမာဏ ၃၁ သာရှိပါတယ်။

သခွားမွှေးသီး

လိမ္မော်သီး၊ ဂရိတ်ဖရုသီး၊ သစ်တော်သီး၊ သရက်သီးတို့ထက် မျက်လုံးအားကောင်းစေတဲ့ ဗီတာမင်စီ ပို၍ပါဝင်ပါတယ်။ ဒါ့အပြင် ၉၀ ရာခိုင်နှုန်းက ရေဓာတ်တွေဖြစ်ပြီး ကယ်လိုရီ ၅၅ ပမာဏသာပါပါတယ်။

ဂေါ်ဖီပန်းပွင့်

နာတာရှည်ရောဂါတွေကို တိုက်ဖျက်ပေးနိုင်တဲ့ Antioxidants နှင့် Phytochemicals တို့ပါဝင်ပြီး ဖောလစ်၊ ဖိုက်ဘာနှင့် ဗီတာမင်စီ၊ ကေတို့ အလွန့်အလွန်ကြွယ်ဝပါတယ်။

အနက်ရောင်ဘယ်ရီသီးများ

အခြားဘယ်ရီသီးများလိုပဲ ဗီတာမင်စီအမြောက်အမြားပါဝင်ပြီး အစာခြေဖျက်မှုကို အားကောင်းစေပါတယ်။ အသားအရေကို တင်းတင်းရင်းရင်း ရှိစေလို့ ငယ်ရွယ်နုပျိုတဲ့အသားအရေကို ရရှိစေပါတယ်။

ဆလပ်ရွက်

ဆလပ်ရွက်တွေက ပရိုတင်းအများကြီးတော့ မဖြစ်စေပေမယ့် ဖေလစ်၊ သံဓာတ်၊ ဗီတာမင်အေ၊ စီ တို့လို ဗီတာမင်တွေ၊ အာဟာရဓာတ်တွေကိုတော့ ဖြည့်ဆည်းပေးနိုင်ပါတယ်။

လိမ္မော်သီး

ဗီတာမင်စီတွေသာမက အသားအရေပျက်စီးမှုမှကာကွယ်ပေးပြီး ပြန်လည်တောက်ပလာစေပါတယ်။ ကယ်လိုရီပါဝင်မှုမှာလည်း ၈၀ သာဖြစ်ပြီး ကိုလက်စထရောနှင့် သွေးချိုပမာဏလျော့ချဖို့ ကူညီပေးပါတယ်။

စတော်ဘယ်ရီ

လိမ္မော်သီးတစ်လုံးမှာပါဝင်တဲ့ ဗီတာမင်စီပမာဏထက် စတော်ဘယ်ရီသီးတစ်ပန်းကန်မှာ ပါဝင်မှုက ပိုမိုများပြားပါတယ်။ ဒါအ့ပြင် ပိုတက်စီယမ်၊ ဖိုက်ဘာကြွယ်ဝပြီး အဆီ၊ ဆိုဒီယမ်၊ ကိုလက်စထရောတို့ မပါဝင်လို့ နှလုံးအတွက် အထူးကောင်းမွန်ပါတယ်။