နေ့စဉ်လိုလို ဝယ်ယူပြီး စားသောက်နေတဲ့ ဂေါ်ဖီပန်းပွင့်ကို အရသာရှိရှိသာစားသုံးတတ်ကြပေမယ့်လည်း သူ့မှာပါဝင်တဲ့ ကျန်းမာရေးဆိုင်ရာ အကျိုးကျေးဇူးတွေကိုတော့ သတိမထားတတ်ကြပါဘူး။ ကျန်းမာရေးအကျိုးကျေးဇူးတွေ အများကြီးရှိတယ်ဆိုလို့ ပိုပြီးစားမယ်လို့ စဉ်းစားတာလည်းကောင်းပေမယ့် တစ်ခုတော့သတိထားရပါမယ်။ အဲ့ဒါကတော့ မျက်လုံးနဲ့မမြင်နိုင်တဲ့ ဘတ်တီးရီးယားတွေ၊ ပိုးသတ်ဆေး၊ ပေါင်းသတ်ဆေးတွေရှိနိုင်လို့ မစားခင်မှာသေချာအထူးဂရုတစိုက် ဆေးကြောဖို့ပါပဲ။

ဒါဆိုရင် ဖြူဖြူဖွေးဖွေး ဂေါ်ဖီပန်းပွင့်က လူသားတွေရဲ့ကျန်းမာရေးကို ဘယ်လိုအကျိုးကျေးဇူးတွေပေးနိုင်သလဲ သိရအောင်လို့ အခုပဲဖော်ပြပေးလိုက်ရပါတယ်။

၁။ ကင်ဆာကာကွယ်ပေးသည့်အစွမ်းသတ္တိများ

ခန္ဓာကိုယ်အတွင်းက ကင်ဆာဖွံ့ဖြိုးမှုကို တိုက်ထုတ်ပေးတဲ့ အစွမ်းသတ္တိ ဂေါ်ဖီပန်းပွင့်မှာပါဝင်ပါတယ်။ ဒါကြောင့် အချို့ချို့သော ကင်ဆာရောဂါများပေါ်ပေါက်မှုကို ကာကွယ်ပေးနိုင်ပါတယ်။

၂။ ဗီတာမင်များသိုလှောင်ရာဂေါ်ဖီပန်းပွင့်မှာ ကိုလက်စထရောမြင့်တက်မှုကို တားဆီးပေးပြီး ခန္ဓာကိုယ်အတွင်း သွေးလည်ပတ်အားတိုးစေသည့် ဗီတာမင်စီ၊ ကေ တို့လို့ ဗီတာမင်များလည်း ပါဝင်နေပါတယ်။

၃။ သတ္တုဓာတ်များ

ပရိုတင်း၊ မဂ္ဂနီဆီယမ်၊ ဖော့စ်ဖောရပ်စ်၊ ပိုတက်ဆီယမ် စသဖြင့် အစွမ်းသတ္တိများ ဂေါ်ဖီပန်းပွင့်တွင် ပေါင်းစပ်ပါဝင်နေလို့ ကျန်းမာကြံ့ခိုင်တဲ့ ကိုယ်ခန္ဓာရရှိဖို့ အကောင်းဆုံးရွေးချယ်မှုပါပဲ။

၄။ အလွန်များပြားသည့် ဖိုက်ဘာပါဝင်မှု

ဖိုက်ဘာက အစာခြေဖျက်မှုအားကောင်းစေပြီး အချိန်ကြာကြာ ပြည့်အင့်နေစေပါတယ်။ ဒါပေမယ့်လည်း ဂေါ်ဖီပန်းပွင့်စားသုံးခြင်းက အချို့လူများကို လေတက်ခြင်း၊ ဖောရောင်ခြင်းတို့ကို ဖြစ်စေနိုင်ပါတယ်။

၅။ ဦးနှောက်အတွက်ကောင်းကျိုးများခြင်း

ဦးနှောက်ဖွံ့ဖြိုးမှုကို အားဖြည့်ပေးတဲ့ ဗီတာမင်ဒီက ဂေါ်ဖီပန်းပွင့်တွင်ပါဝင်လို့ ဦးနှောက်မှတ်ဉာဏ်နှင့် သင်ယူနိုင်စွမ်းအားကို တိုးတက်စေပါတယ်။