နနွင်းနဲ့ သံပုယိုရည်ဟာ သင့်အတွက် ဆေးတစ်ခွက်လိုပါပဲ။ သင့်ကျန်းမာရေးအတွက်အထောက်အကူဖြစ်စေပြီး အဝလွန်ခြင်းကိုလျှော့ချပေးနိုင်ပါတယ်။
ကိုယ်ခံအားစနစ်ကို ကောင်းမွန်စေပြီး အအေးမိဖျားနာတာကို သက်သာစေပါတယ်။ ခန္ဓာကိုယ်ထဲက အဆိပ်အတောက်တွေကို ဖယ်ရှားပေးနိုင်ပြီး ဆီးဝမ်းမှန်စေပါတယ်။
Antioxidant နဲ့ ရောင်ရမ်းမှုကိုသက်သာစေတဲ့ ဂုဏ်သတ္တိတွေပါဝင်ပါတယ်။ ကယ်လိုရီပါဝင်မှုနည်းပြီး ဗီတာမင်နဲ့ သတ္တုဓာတ်ကြွယ်ဝစွာပါဝင်လို့ သင့်အတွက် ကျန်းမာရေးနဲ့ညီညွှတ်တဲ့ဖျော်ရည်တစ်ခွက်ဆိုလည်းမမှားပါဘူး။
နနွင်းနဲ့ သံပုယိုရည်ကို တရုတ်ရိုးရာ ဆေးတစ်ခွက်အဖြစ် ရှေးယခင်ကတည်းက အသုံးပြုခဲ့တာဖြစ်ပါတယ်။
ဘယ်လိုပြင်ဆင်ကြမလဲ
ပါဝင်ပစ္စည်း
ရေ တစ်ခွက်
နနွင်းမှုန့် လက်ဖက်ရည်ဇွန်း ၁/၄
သံပုယိုသီးတစ်ခြမ်း အရည်ညှစ်
ပျားရည် လက်ဖက်ရည်ဇွန်း ၁ ဇွန်း
ပြင်ဆင်ခြင်း
အရင်ဆုံး ရေကို ပွက်ပွက်ဆူအောင်သည်ပါ။ ပွက်လာရင် မီးဖိုပေါ်ကချပြီး သံပုယိုရည်နဲ့ နနွင်းထည့်လိုက်ပါ။ ပြီးရင် သေချာမွှေလိုက်ပြီး ပျားရည်ထည့်လိုက်ပါ။ ၃ မိနစ်ကနေ ၅ မိနစ်လောက်ထားပြီးသောက်လိုက်ပါ။
ဘယ်လိုသောက်မလဲ
မနက်ဖက်အစာမစားခင်မှာ တစ်ခွက်သောက်နိုင်သလို နေ့လည်စာမစားခင်မှာလည်း တစ်ခွက်သောက်နိုင်ပါတယ်။ သင့်မှာ ရောဂါအခံတစ်ခုခုရှိလို့ ဆေးဝါးကို ရေရှည်မှီဝဲနေရရင်တော့ ဒီဖျော်ရည်သောက်သင့်မသောက်သင့်ကို ဆရာဝန်နဲ့ တိုင်ပင်ပါ။
