အာလူးကို ကြိုက်ကြလားရှင့်။
အပြင်မှာတော့ အာလူးစားရင် ဝတယ်ပြောကြတယ်နော်။ ဝတယ်ပြောပြော ဘယ်သူတွေဘာပြောပြာ ကြိုက်တဲ့သူကတော့ စားတာပါပဲ။ အဲဒီထဲမှာ စာရေးသူကိုယ်တိုင်းလည်းပါပါတယ်။ အာလူးမှာလည်း ကျန်းမာရေးနဲ့ပတ်သတ်တဲ့ အကျိုးကျေးဇူးတွေ အများအပြားပါဝင်နေတာပါ။
အာလူးမှာ ဗီတာမင် B6 ၊ ပိုတက်ဆီယမ်၊ Copper ၊ ဗီတာမင် C၊ မဂ္ဂနီဆီယမ်၊ ဖော့စ်ရပ်စ် နဲ့ အမျှင်ဓါတ်တွေပါဝင်ပါတယ်။
အာလူးကိုပြုတ်စားမယ်ဆိုရင် ဗီတာမင်နဲ့ သတ္တုဓါတ်ကို အပြည့်အဝရရှိနိုင်ပါတယ်။ အထူးသဖြင့် ပိုတက်ဆီယမ် ဖော့စ်ရပ်၊ ဗီတာမင် B-complex နဲ့ ဗီတာမင် c ဓါတ်တွေပါ။
ကယ်လိုရီအနည်းငယ်ပဲပါတဲ့ အာလူး
အာလူးမှာ ကယ်လိုရီအနည်းငယ်ပဲပါတာပါ။ သူ့မှာ အမျှင်ဓါတ်တွေအများအပြားပါဝင်ပါတယ်။ သူ့မှာ ပင်ကိုယ်အားဖြင့် အဆီဓာတ်လုံးဝမပါပါဘူးရှင်။
ကိုယ်အလေးချိန်လျှော့ချရေး အစီစဉ်တွေမှာ အာလူးကိုထည့်သွင်းစားသုံးကြပါတယ်။
သူ့ချည်းပဲစားပေးရင်တော့
ဒါပေမဲ့ အာလူးကိုချည်းပဲ နေ့တိုင်းပုံမှန်စားရင်တော့ ကယ်လိုရီတက်လာနိုင်ပါတယ်။ ဘာလို့လဲဆိုတော့ အာလူးမှာ အရေးကြီးတဲ့ ဗီတာမင်ဓါတ်တစ်ချို့ မပါဝင်လို့ပါရှင့်။ ဒါ့ကြောင့် အသီးအနှံတွေနဲ့ရောပြီးစားပေးသင့်ပါတယ်။ ပင်ကိုယ်အရ အာလူးဟာ ကျန်းမာရေးကိုလုံး၀ မထိခိုက်စေပါဘူး။
