ကြက်ဟင်းခါးသီးဆိုတဲ့ အသီးဟာ အမြင်မလှ အရသာ ခါးပေမယ့် အကျိုးများစေပါတယ်။ ကြက်ဟင်းခါးပင်ဟာ ခြောက်သွေ့စိုစွတ်တဲ့ ရာသီဥတုကို ကြိုက်ပြီး အာရှနိုင်ငံတွေမှာတော့ လူသိများလှပါတယ်။ ကြက်ဟင်းခါးသီးကို အမေရိကအလယ်ပိုင်းနဲ့ တောင်ပိုင်းအာဖရိကတွေမှာ ပေါက်ရောက်လေ့ ရှိပါတယ်။

ကြက်ဟင်းခါးသီးပင်ဟာ နွယ်ပင် အမျိုးအစားဖြစ်ပြီး စင်ခံပြီး စိုက်ပျိုးလေ့ ရှိပါတယ်။ ကြက်ဟင်းခါးသီးကို အမှည့်ခင် ဆွတ်ပြီး စားရပါတယ်။ ကြက်ဟင်းခါးသီးကို မချက်ပြုတ်ခင် ဆားရည်နဲ့ စမ်းပြီး ညှစ်ထုတ်ရင် အခါးသက်သာစေပါတယ်။ ဆန်ဆေးရည်နဲ့လည်း စိမ်ပြီး ဆေးလို့ရပါတယ်။ ပုဇွန်ခြောက်မှုန့်နဲ့ ကြော်စားရင် အင်မတန် ကောင်းတဲ့  ဟင်းလျာတစ်ခွက် ရပါတယ်။

bitter+melon

ကြက်ဟင်းခါးသီးမှာ ဗီတာမင်အေ၊ ဘီဝမ်း၊ ဘီတူး၊ ဘီသရီး၊ ဗီတာမင်စီ၊ သံဓာတ်၊ ကယ်လ်ဆီယမ်၊ ဖော့ဖရက်၊ ကော့ပါး၊ ပိုတက်စီယမ်၊ မက်ဂနိ တို့ ပါင်ပါတယ်။ အမျှင်ဓာတ် ကြွယ်ဝပြီး အင်ဆူလင် ဓာတ်ပေါင်းတစ်မျိုးဖြစ်တဲ့ Polypeptide P ဓာတ်လည်း ပါဝင်ပါတယ်။ ကယ်လ်ဆီယမ် ပါဝင်မှုဟာ ဟင်းနုနွယ်ထက် ၂ဆ ပိုများပါတယ်။

ကြက်ဟင်းခါးသီးဟာ ရောဂါကြီးသုံးခုကို အဓိက ကာကွယ်ပေးပါတယ်။ ဆီးချို၊ သွေးချိုရောဂါ၊ HIV ရောဂါနဲ့ ခုခံအားနဲ့ ပတ်သက်တဲ့ရောဂါများ ကုသရာမှာ အသုံးဝင်ပါတယ်။ ကြက်ဟင်းခါးသီးရဲ့ အရည်ဟာ သွေးဆိပ်သင့်ခြင်းကြောင့် ဖြစ်တဲ့ ယားယံတာတွေကို သက်သာစေပါတယ်။  အသည်းကို သန့်စေတဲ့ အတွက် အယ်ကိုဟောဓာတ်များတဲ့ လူတွေ  စားသင့်ပါတယ်။ ကိုယ်ခံအားကို ကောင်းမွန်စေနိုင်ပြီး  ခန္ဓာကိုယ်ရဲ့ ရောဂါ တွန်းလှန်နိုင်စွမ်းကို ကောင်းမွန်စေပါတယ်။ အရေပြားနာတွေကို သက်သာစေပြီး အူမကြီးနဲ့ အစာအိမ် လှုပ်ရှားမှုကို ကူညီပေးပါတယ်။

သတိထားရမှာက ကြက်ဟင်းခါးသီးဟာ သွေးတက်စေတတ်တာကြောင့် သွေးတိုးသမားတွေ သတိထား စားသုံးသင့်ပါတယ်။

Credit: Good Health