ဟင်း - Curry | ကြက်သား - Chicken

ခရမ်းချဉ်သီး ကြက်ပေါင်ချက်

September 16, 2016

ခရမ်းချဉ်သီး ကြက်ပေါင်ချက်

Share this on:

ကြက်ပေါင်ကို ခရမ်းချဉ်သီးနှင့်ချက်ထားတဲ့ အရသာလေးက တစ်မျိုးလေး စားလို့ကောင်းပါတယ်။ အီတလီခေါက်ဆွဲ (သို့) ထမင်း တို့ဖြင့်လည်း တွဲဖက်စားလို့ အဆင်ပြေပါတယ်။

ပါဝင်ပစ္စည်းများ

  • ကြက်ပေါင် – ၈ ခု (ဆူးချွန်လေးဖြင့်ထိုးထားပါ။ အသားမှုန့် နယ်ထားပါ)
  • ခရမ်းချဉ်သီး – ၅ လုံး (အစေ့ထုတ်ပြီး ခပ်ကြမ်းကြမ်းလေး လှီးတားပါ)
  • ကြက်သွန်နီ – ၅ လုံး (ထောင်းထားပါ)
  • ကြက်သွန်ဖြူ – ၄ မြွှာ (ထောင်းထားပါ)
  • ချင်း – ၁.၅ စင်တီမီတာ (ထောင်းထားပါ)
  • အရောင်တင်မှုန့် – လက်ဖက်ရည်ဇွန်း ၂ ဇွန်း ခွဲ
  • အသားမှုန့် – လက်ဖက်ရည်ဇွန်း ၂ ဇွန်း ခွဲ (၁ ဇွန်းခွဲ အသားနယ်နှပ်ရန်)
  • နနွင်းမှုန့် – လက်ဖက်ရည်ဇွန်း သုံးပုံတစ်ပုံ
  • ဆီ – စားပွဲဇွန်း ၂ ဇွန်းခွဲ
  • ဆား – အနည်းငယ်
  • ငံပြာရည် – လက်ဖက်ရည်ဇွန်း ၁ ဇွန်းခွဲ
  • စပါးလင် – ၁ ချောင်း (ထုပြီး ထုံးထားပါ)

ပြုလုပ်နည်း

  1. ကြက်ပေါင်ကို အသားမှုန့် ၁ ဇွန်းခွဲဖြင့်နယ် နှပ်ထာပါ။
  2. ဆီ အပူပေးပါ။ ဆီပူလျှင် ကြက်သွန်ဖြူ၊ နီ၊ နနွင်းမှုန့်၊ ချင်းနှင့် စပါးလင်များကို ဆီသတ်ပါ။ ကြက်သွန်များနွမ်းပြီး မွှေးလာလျှင် အရောင်တင်မှုန့်နှင့် ငံပြာရည်ထည့်ပြီး နှံ့အောင် မကြာခဏ မွှေပေးပါ။
  3. ရွှေရောင်သမ်းလာလျှင် ခရမ်းချဉ်သီး ထည့်ပါ။ ခရမ်းချဉ်သီးနွမ်းလာလျှင် ကြက်ပေါင်ထည့်ပါ၊ ကြက်ပေါင်မြှုပ်အောင် ရေထည့်ပြီး အဖုံးအုပ်တည်ပါ။
  4. မကြာခဏမွှေပေးပါ။ ရေခန်းလျှင် နောက် တစ်ရေထပ်တည်ပါ။ ကျန်ပါဝင်ပစ္စည်းများထည့်ပါ။
  5. ကြက်သားနူးပြီး အနှစ်ကျတဲ့အထိ တည်ပါ။ ဆားမြည်းပြီး လိုလျှင် ထပ်ထည့်ဖြည့်နိုင်ပါတယ်။

Review

User Rating

5 (1 Votes)