ငါး - Fish | ဟင်း - Curry | အသီး - Fruits

ငါးကြင်းဖြူ ဗိုက်သား မရမ်းသီးချက်

March 8, 2016

ငါးကြင်းဖြူ ဗိုက်သား မရမ်းသီးချက်

Share this on:

မရမ်းသီးပေါ်ချိန်ဖြစ်လို့ ငါးကြင်းဖြူ ဗိုက်သားလေးတွေကို မရမ်းသီးနဲ့ ချဉ်စပ်ကလေး ချက်စားပါတယ် ။ ထမင်မြိန်စေတဲ့
ဟင်းလေးတစ်ခွက်မို့ ချက်နည်းလေး မျှဝေပေးပါမယ်နော် ။

လိုအပ်သော ပစ္စည်းများ

  • အကြေးထိုးပြီးသား ငါးကြင်းဖြူဗိုက်သားချည်း - ၂၅ ကျပ်သား
  • ခရမ်းချဉ်သီးအမှည့် - ၃ လုံး
  • ကြက်သွန်နီ
  • ကြက်သွန်ဖြူ
  • မရမ်းသီး ခပ်ကြီးကြီး - ၃ လုံး
  • ငရုတ်သီးစိမ်း - ၁၀ တောင့်ခန့်

ပြင်ဆင်ချက်ပြုတ်နည်း

  1. ငါးကြင်း ဗိုက်သားများကို ရေဆေးပြီး ဆား ၊ နနွင်း ၊ ယိုးဒယားငံပြာရည် ၊ သကြား စသည်တို့ဖြင့် နယ်ပြီး marinate လုပ်ထားပေးပါ ။
  2. မရမ်းသီးကို ရေဆေး ဖင်ဖြတ်ပြီး ခပ်ထူထူလေးများ ရအောင် လှီးထားပါ ။
  3. ငရုတ်သီးစိမ်းများ ရေဆေး ထားပါ ။
  4. ကြက်သွန်ဖြူနီများကို အရောင်တင်မှုန့် ထည့်ပြီ ညက်အောင်ထောင်းထားပါ ။ - မီးအပူချိန်ကို mild heatလောက်ပဲထားပါ
  5. ဒယ်အိုးထဲကို မိမိစိတ်ကြိုက်ပမာဏရှိတဲ့ ပဲဆီ စစ်စစ်ထည့်ပြီး ကြက်သွန်ဖြူ ၊ နီအရောထောင်းကို ခပ်ခြောက်ခြောက် အနေအထား ရသည်အထိ ဆီသတ်ပေးပါ ။
  6. အနှစ်များ ခြောက်လာပြီ ဆိုတာနဲ့ ပါးပါးလှီးထားတဲ့ ခရမ်းချဉ်သီး အမှည့်များကို အနှစ်များ လိပ်သည်အထိ ချက်ပေးပါ ။
  7. ခရမ်းချဉ်သီးများ မြန်မြန်ကျေချင်လျှင် ဆားထည့်ပြီး အဖုံးအုပ်ထားကာ မကြာမကြာမွှေပေးပါ ။
  8. ခရမ်းချဉ်သီး အနှစ်များ လိပ်တက်လာလျှင် ငါးကြင်းသားများ ထည့်ပါ ။
  9. ဟင်းချက်ဇွန်းဖြင့် အရမ်းမွှေလျှင် ငါးများကြေသွားတတ်လို့ တူလေးနဲ့ပဲ အသာအယာမွှေပေးပါ ။
  10. ရေနွေးပူပူ အနည်းငယ်ထည့်ကာ အဖုံးအုပ်ထားပေးပါ ။
  11. ဆီပြန်လာလျှင် အရသာမြည်းပြီး အရသာများ ထပ်ထည့်ပေးပါ ။
  12. အရသာအဆင်ပြေပြီဆိုရင် မရမ်းသီးများ ငရုတ်သီးစိမ်းများကို ထည့်ပြီး အဖုံးအုပ်ထားကာ မီးပိတ်ပါ ။
  13. အဖုံးကို ချက်ခြင်း မလှန်ဘဲ သူ့အငွေ့နဲ့ သူ မရမ်းသီးများ ကျက်သွားပါစေ ။
  14. မိသားစုထဲမှာ ငါးမကြိုက်တတ်သူတွေပါရင် ဒီနည်းလေးအတိုင်း ချက်ကြွေးကြည့်ပါရှင်။
  15. ငါးနံ့ပျောက်ပြီး အအီပြေစေတဲ့ ဟင်းတစ်ခွက်ဖြစ်လို့ ထမင်းမြိန်စေမှာ အမှန်ပါပဲ။
Credit: Warr Tee

Review

User Rating

3 (3 Votes)