ပါဝင်ပစ္စည်းများ

• ကြက်ရင်ပုံသား - ၁၅ ကျပ်သား
• ကြက်ဥ - ၁လုံး
• ကြက်သွန်နီ - ၁လုံး
• ပန်းငရုတ်ပွ - ၁လုံး
• ဥနီ (သို့) ခရမ်းချဉ်သီး - ၁လုံး
• နာနာတ်သီး - ၁ စိတ်
• ချင်းအမျှင် - အနည်းငယ်
• ကြက်သွန်မြိတ် - ၃ ပင်ခန့်
• ချိုချဉ်ဆော့စ်ရည် - ၅ဇွန်း

ပြုလုပ်နည်း

1. ကြက်သားကို အနေတော် အတုံးလေးတွေ တုံးပြီး အရသာ အနည်းငယ်နယ်ပါ ။
2. ကြက်သွန်နီကို  လေးစိတ် ခွဲပြီး အလွှာတွေကို ဖွင့်ထုတ်ပြီး ခွာပါ ။
3. အခြား အသီးအနှံ တွေကို ကြက်သွန်နီ အရွယ် ပမာဏလောက် လှီးထားပါ ။ ကြက်သွန်မြိတ်ကို ၁ လက္မ အရွယ် ပိုင်းဖြတ်ပါ ။
4. အရသာ နယ်ထားတဲ့ ကြက်သားကို ကြေအောင် ခေါက်ထားတဲ့ ကြက်ဥ အရည်ထဲ နစ်ပြီး ဂျုံမှုန့်တွေထဲ ကပ်လူးပေးပါ ။
5. ဆီပူပူမှာ ရွှေရောင်ရအောင် ကြော်ယူပြီး ဆီစစ်ထားပါ ။
6. အခြား သန့်တဲ့ ဒယ်အိုး တစ်လုံးကို ဆီအနည်းငယ်ဖြင့် အပူပေးပါ ။
7. ဆီပူလာလျှင် ချင်းမျှင်လေးတွေကို ဆီသတ်ပြီး အသီးအရွက်တွေ ထည့်ကြော်ပါ ။
8. အနည်းငယ် နွမ်းသွားလျှင် ဆယ်ယူထားတဲ့ ကြက်သားကြော်တွေ ထည့်ပေးပါ ။
9. ချိုချဉ် ဆော့စ်ရည် လောင်းထည့်ပါ ။ ကြက်သွန်မြိတ်လေး ဖြူးပေးပါ ။