ကြမ်းပေါ်ကျသွားတဲ့ အစားအစာတွေကို စားဖို့ မသင့်တော်

အစားအစာတွေ ကြမ်းပေါ် လွတ်ချသွားတဲ့ အချိန်တွေ ကြုံဖူးကြမှာပါ။ တစ်ခါတလေ ကောက်ပြီး စားလိုက်တာမျိုးတွေ ရှိသလို ကလေးငယ်တွေဆိုရင်လည်း ကောက်ပြီး စားတတ်ကြပါတယ်။ ကြမ်းပေါ်ကျသွားတဲ့ အစားအစာတွေဟာ စားဖို့အတွက် မသင့်တော်တော့ပါဘူး။ ကျသွားတဲ့ အစားအစာတွေဟာ စားဖို့အတွက် ၅စက္ကန့်အတွင်းဆိုရင်တော့ စိတ်ချရတဲ့ အနေအထားလို့ ပြောလို့ရကြောင်း သုတေသန တစ်ခုက ဆိုပါတယ်။

Source: UPI.com

၅စက္ကန့်အတွင်း စားလို့ရတယ်ဆိုတာက အစားအစာတွေ ကြမ်းပေါ်ချတာနဲ့ ချက်ချင်း ပြန်ယူစားရင် ရတယ်လို့ ဆိုလိုတာပါ။ ဘာကြောင့်လဲဆိုရင် ဘတ်တီးရီးယားတွေက ကြမ်းကနေ အစားအစာကို ကူးပြောင်းဖို့ အချိန်လိုအပ်ပါတယ်။ ၅စက္ကန့်ကျော်သွားရင်တော့ ဘတ်တီးရီးယားတွေ ရှိမရှိဆိုတာ မသေချာတော့ပါဘူးလို့ Donald Schaffner က ပြောထားပါတယ်။

ဘတ်တီးရီးယား ကူးပြောင်းသွားခြင်းဟာ ကြမ်းပြင်ရဲ့ အမျိုးအစားပေါ်မှာလည်း မူတည်ကြောင်း သိရပါတယ်။ ကြမ်းပြင်အမျိုးအစား၊ အစားအစာအမျိုးအစားနဲ့ ရှိနေနိုင်တဲ့ ဘတ်တီးရီးယားတွေ မတူတာကြောင့် ပြန်စားလို့ ရခြင်း မရခြင်းဟာ မသေချာပါဘူး။ ဘတ်တီးရီးယားတွေ ကူးလာတယ်ဆိုတာ အစိုဓာတ်ကနေ တဆင့် ကူးလာတာ ဖြစ်လို့ စိုစိစိ ဖြစ်နေတဲ့ အနေအထားတွေမှာဆိုရင်တော့ လုံး၀ မစားတာ ကောင်းပါတယ်။