ပေးရတာနဲ့တန်ပြီး ဝိုင်နဲ့ချိစ်အရသာစုံစုံလင်လင်သုံးဆောင်နိုင်မယ့်နေရာလေးတစ်ခု

ဒီတခါတော့ ၀ိုင်ချစ်သူတွေအကြိုက်တွေ့မယ့် နေရာလေးတစ်ခုနဲ့ မိတ်ဆက်ပေးချင်ပါတယ်။

ကျွန်မတို့တွေဟာ နေ့စဉ်နဲ့အမျှ အလုပ်တွေလုပ်ရင်း စိတ်ဖိစီးမှုတွေ ရှိနေကြတာမို့ အချိန်တစ်ခုပေးပြီး သူငယ်ချင်းတွေနဲ့ပဲဖြစ်ဖြစ် မိသားစုဝင်တွေနဲ့ပဲဖြစ်ဖြစ် အေးအေးဆေးဆေး အနားယူပေးဖို့လိုအပ်တယ်လေ။

ဝိုင်လည်းသောက်ရင်း၊ အနားလည်းယူရင်းနဲ့ အမှတ်တရ ဓာတ်ပုံကောင်းကောင်း လည်းရိုက်ချင်တယ်ဆိုရင်တော့ Veranda Bar က သင့်တော်တဲ့နေရာလေးတစ်ခုပါပဲ။ ဆိုင်ရဲ့နေရာလေးကိုပြောရမယ်ဆိုရင်တော့ အထက်ပန်းဆိုးတန်းလမ်းက Rose Garden Hotel ဒုတိယထပ်မှာပါ။

ကောင်တာတစ်ခုချင်းဆီမှာ ၀ိုင်နဲ့အတူ တွဲဖက်စားသုံးလို့ရတဲ့ ချိစ်တွေ၊ပေါင်မုန့်တွေ၊ အသားတွေ၊ အခွံမာသီးတွေ၊အသီးတွေ စသဖြင့် ထားရှိပြီး မိမိကြိုက်နှစ်သက်တာကို ဘူဖေးစနစ်နဲ့ သုံးဆောင်လို့ရပါတယ်။

မသိတာရှိရင်လည်း ဆိုင်က၀န်ထမ်းတွေကို မေးလို့ရတယ်။ သူတို့လေးတွေကလည်း စိတ်ရှည်လက်ရှည်လည်းရှင်းပြကြပါတယ်။

ချိစ်အမျိုးအစားက ၃၀ ကျော်လောက်ပါပြီး ၀ိုင်အမျိုးအစားကတော့ ၅ မျိုးပါဝင်ပါတယ်။ ၀ိုင်ဖြူ (၂) မျိုး၊ ၀ိုင်နီ (၂) မျိုးနဲ့ စပါကလင်ဝိုင် (၁) မျိုးပါ။

စာရေးသူကတော့ ၀ိုင်ဖြူတစ်မျိုး၊၀ိုင်နီတစ်မျိုးနဲ့၊စပါကလင်ဝိုင်ကို မြည်းစမ်းကြည့်ခဲ့ပါတယ်။ အရသာ သိပ်မပြင်းတာကြိုက်တယ်ဆိုရင် ၀ိုင်ဖြူနဲ့ စပါကလင်ဝိုင်က သင့်တော်ပါတယ်။

သဘောကျတာတစ်ခုက ၀ိုင်နီဆို ၀ိုင်နီနဲ့တွဲစားလို့ရတဲ့အစားအစာတွေကို တကူးတက စဉ်းစားစရာမလိုဘဲ ဒီကောင်တာတစ်ခုမှာပဲ ကြိုက်တာရွေးစားလို့ရတာကိုပါ။ ပေါင်မုန့်ကလည်း ကြွပ်ကြွပ်လေးနဲ့ အရသာရှိပါတယ်။ အဲဒီပေါင်မုန့်တွေနဲ့ တွဲပြီးစားလို့ရတဲ့ ချိစ်တွေကလည်း အရသာမတူပါဘူး။ နိုင်ငံခြားဆန်ဆန် အစားအစာဆိုပေမယ့်လည်း မြန်မာတို့ရဲ့ လျှာနဲ့လည်း အဆင်ပြေတဲ့ အရာသာရှိလို့ စားရတာလည်း အဆင်ပြေပါတယ်။

ဒါတင်မကသေးဘူးနော် စန္ဒယားနဲ့ Saxophone တူရိယာနှစ်မျိုးတီးခတ်ဖျော်ဖြေမှုကိုလည်း ညိမ့်ညိမ့်လေး ခံစားလို့ရပါသေးတယ်။ ၀ိုင်လေးတမြမြ၊တူရိယာသံလေးတညိမ့်ညိမ့်နဲ့ တကယ်ကို Relax ဖြစ်စေပါတယ်။

ကြိုတင်ဘွတ်ကင်လုပ်ရင်တော့ တစ်ယောက်ကို 19$ မြန်မာငွေနဲ့ဆို ၂၅၀၀၀နဲ့၃၀၀၀၀ ကြားကျသင့်မှာဖြစ်ပြီး ဘွတ်ကင်မလုပ်ထားရင်တော့ တစ်ယောက်ကို 24$ ကျသင့်မှာဖြစ်ပါတယ်။ ဘွတ်ကင်လုပ်ရင် ဈေးနှုန်းကပိုပြီးတန်တာမို့ ဘွတ်ကင်လုပ်ပြီးသွားဖို့ အကြံပြုလိုက်ပါတယ်နော်။ ပေးရတဲ့ ဈေးနဲ့ သူတို့ဖက်က ပြန်ပြီးပေးလာတဲ့ ၀န်ဆောင်မှု တကယ်တန်တယ်လို့ ဆိုရမှာပါပဲ။

ဒီလို ၀ိုင်အရသာ စုံစုံလင်လင်နဲ့ သုံးဆောင်နိုင်မယ့် ပွဲလေးကိုတော့ လတစ်လရဲ့ တတိယပတ် ကြာသာပတေးနေ့တိုင်း ည ၆း၀၀ နာရီကနေ ၉း၀၀ ထိ ပြုလုပ်လေ့ရှိပါတယ်။ လာရောက်သုံးဆောင်တဲ့ ဧည့်သည်တွေကို ၀ိုင်အရသာနဲ့ အရသာကို အပြည့်အ၀ ခံစားစေချင်တာကြောင့် လူဦးရေကို ကန့်သတ်ပြီး လက်ခံတာကြောင့် အမြန်ဆုံး ဘွတ်ကင်လုပ်လိုက်တော့နော်။