ကိုယ်အလေးချိန်ကျချင်တယ်ဆိုရင် ကိုယ်နေ့စဉ်စားနေတဲ့အစားအစာတွေကို ဂရုစိုက်စားသုံးဖို့လိုပါတယ်။ အဆီတွေ လောင်ကျွမ်းဖို့ လေ့ကျင့်ခန်း လုပ်ရုံသာမက အထောက်အကူပြုတဲ့ အစားအစာတွေကို စားသုံးနိုင်ဖို့ မျှဝေပေးချင်ပါတယ်။
ဂရိတ်ဖရု (သို့) ကျွဲကောသီး
ဂရိတ်ဖရုက မြန်မာပြည်မှာမရလို့ ကျွဲကောသီးကို ညွှန်းလိုက်ပါတယ်။ ကျွဲကောသီးက အဆီကို ချေဖျက်နိုင်တဲ့ အစားအစာဖြစ်ပါတယ်။ ကယ်လိုရီတွေကို လောင်ကျွမ်းစေပါတယ်။
Green Tea
လက်ဖက်ကြမ်း အအေးပဲဖြစ်ဖြစ် အပူပဲဖြစ်ဖြစ် အဆီ လောင်ကျွမ်းစေတဲ့ ဂုဏ်သတ္တိတွေပါဝင်နေပါတယ်။ သူ့မှာ Antioxidant တွေပါဝင်ပြီး တစ်နေ့တာလုံးအတွက် ဇီဝဖြဖြစ်စဉ်ကို မြင့်တင်ပေးနိုင်ပါတယ်။ တစ်နေ့ကို ရေနွေးကြမ်း ၂ ခွက်ကနေ ၃ ခွက်ထိသောက်ပေးပါ။
ငရုတ်သီး
ပူစပ်စပ် ငရုတ်သီးကို မြန်မာတို့ နှစ်ခြိုက်စွာစားသုံးကြပါတယ်။ တစ်ချို့ဆို ငရုတ်သီးမပါရင် ထမင်းစားမမြိန်တာမျိုးတောင်ရှိပါတယ်။ ငရုတ်သီးက အဆီကို လျင်မြန်စွာလောင်ကျွမ်းစေရုံသာမက ကယ်လိုရီလည်း လောင်ကျွမ်းစေပါတယ်။ ငရုတ်သီးကို အစိမ်းပဲစားစား အကျက်ပဲစားစာ အခြောက်မှုန့်ပဲစားစာ ကိုယ်ကြိုက်တဲ့ ဟင်းလျာတွေမှာ ထည့်စားနိုင်ပါတယ်။
ဂျင်း
ဂျင်းကို နေ့စဉ် စားသုံးပေးသင့်ပါတယ်။ အဆီလောင်ကျွမ်းစေတဲ့ ဂုဏ်သတ္တိတွေပါဝင်ပြီး ကယ်လိုရီတွေလောင်ကျွမ်းစေပါတယ်။ ဒါ့အပြင် ဆာလောင်မွတ်သိပ်တာကို လည်း ထိန်းထားနိုင်ပါတယ်။ ဂျင်းကို ရေနွေးနဲ့ ဖျော်ပြီး ရေနွေးကြမ်းအဖြစ် သောက်သုံးနိုင်ပါတယ်။
Blueberries
Blueberries သီးတွေမှာ Antioxidant တွေကြွယ်ဝစွာပါဝင်ပြီး ဝမ်းဗိုက်က အဆီတွေကို ဖယ်ရှားပေးနိုင်ပါတယ်။ အဝလွန်ခြင်းကိုလည်း ကာကွယ်ပေးပါတယ်။
ပန်းသီး
ပန်းသီးမှာ အမျှင်ဓါတ်တွေ ဗီတာမင် C တွေ Antioxidant တွေကြွယ်ဝစွာပါဝင်ပါတယ်။ ဒါ့ကြောင့် ကိုယ်အလေးချိန်ကျစေပါတယ်။ တစ်နေ့ကို ပန်းသီး ၁ လုံးပုံမှန် စားပေးသင့်ပါတယ်။
ပန်းမုန်လာစိမ်း
ပန်းမုန်လာစိမ်းက အဆီကိုလောင်ကျွမ်းစေတဲ့ ဟင်းရွက်တစ်မျိုးဖြစ်ပါတယ်။ ဗီတာမင် C , A, K ,B6 နဲ့ မဂ္ဂနီဆီယမ်ဓါတ်တွေပါဝင်ပါတယ်။ တစ်ပတ်ကို ပန်းမုန်လာစိမ်း ၄ ကြိမ် ၅ ကြိမ်လောက်စားပေးသင့်ပါတယ်။
