သောက်ဆမ်း - Soup Curry | ငါး - Fish

ငါးနှပ်ငါး ချဉ်စပ် သောက်ဆမ်း

June 22, 2016

ငါးနှပ်ငါး ချဉ်စပ် သောက်ဆမ်း

Share this on:

ခံတွင်းတွေ့စေမယ့် ချဉ်ငံစပ် သောက်ဆမ်းလေ

ပါဝင်ပစ္စည်းများ

  • ငါးနှပ်
  • မရမ်းပြားခြောက်
  • စပါးလင်တစ်ပင်
  • ရှမ်းနံနံ
  • ကြက်သွန်ဖြူ
  • ကြက်သွန်နီ
  • ငရုပ်သီးစိမ်း
  • ဆနွင်း
  • မျှင်ငပိ
  • ဆား
  • အသားမှုန့်
  • စပါးလင်

ပြင်ဆင်ပြုလုပ်နည်း

  1. ငါးနှပ်ကို သန့်စင်ပြီး ပိုင်းထားပါ ။  မရမ်းပြားခြောက်ကို ရေနွေးနဲ့ စိမ်ထားပါ ။  စပါးလင်တစ်ပင် ၊ ရှမ်းနံနံတို့ကို အနေတော် လှီးဖြတ်ထားပါ ။ 
  2. ကြက်သွန်ဖြူ ၊ ကြက်သွန်နီ ၊ ငရုပ်သီးစိမ်းတို့ကို ထောင်းထားပါ ။ ကြက်သွန်ဖြူ ၊ ကြက်သွန်နီတို့ကို ဆီအနည်းငယ်နဲ့ ဆီသတ်ပါ ။ ဆနွင်း၊ မျှင်ငပိအရည်ဖျော်ထည့် ၊ မရမ်းပြားရည်နဲ့ ရေဖန်ခွက် တစ်ခွက်စာလောက်ထည့်ပြီး ဆူအောင်တည်ပါ ။ ဆား ၊ အသားမှုန့် ၊ စပါးလင်တို့ထည့်ပြီး ငါးကိုထည့်ပါ ။
  3. ပွက်ပွက်ဆူလို့ အရသာအနေတော်ဖြစ်ရင် ငရုပ်သီးစိမ် ၊ ရှမ်းနံနံတို့ထည့်ပြီးရင် ရပါပြီ ။ ရာသီစာ တန်ဖိုးနည်းပြီး ထမင်းမိန်တဲ့ ဟင်းတစ်ခွက်ပါ ။
(ငါးကိုပိုင်းပြီး ဘာမှမနယ်ပါဘူး ။ ဟင်းရည်ထဲအရသာအရင်ထည့်ပြီး ပွက်ပွက်ဆူမှ ငါးကိုထည့်ပါတယ် ။ အရမ်းမမွှေရပါဘူး ။ ငါးကနူးညံ့လို့ မွှေရင်ကြေကုန်ပါတယ် ။ ဟင်းရည်ကို ကိုယ်လိုသလောက်လေးပဲထည့်ပါ ။ မျှင်ငပိကိုပိုထည့်ပါ မရမ်းပြားအချဉ်က မျှင်ငပိနဲ့မှ လိုက်ဖက်ပါတယ်။)
Credit: Naing Naing

Review

User Rating

4.4 (5 Votes)