အသီးအရွက်တွေက အသားအရေ စိုပြေလှပဖို့ စားပေးသင့်တဲ့ အစားအစာတွေဖြစ်ပါတယ်။ အသားအရေ စိုပြေလှပဖို့ အဓိက စားသုံးပေးသင့်တဲ့ အစားအစာတွေကို ဝေမျှချင်ပါတယ်။
ဘလူးဘယ်ရီ
ဘလူးဘယ်ရီ အသီးမှာ antioxidants တွေ၊ အမျှင်ဓာတ်တွေ၊ ဗီတာမင် A နဲ့ C တို့ပါဝင်ပါတယ်။ ဒီဓာတ်တွေက သင့်အသားအရေကို စိုပြေလှပဖို့ ကူညီပေးနိုင်ပါတယ်။
ပန်းသီး
ပန်းသီးက အသားအရေ လှပဖို့အတွက် အကောင်းဆုံး အသီးထဲမှာပါဝင်ပါတယ်။ ငယ်ရွယ်တဲ့ အသားအရေအတွက်ဆိုရင် အနီရောင်ပန်းသီးကို ရွေးချယ်ပေးသင့်ပါတယ်။ အနီရောင်ပန်းသီးမှာ collagen ဓာတ်တွေအများကြီးပါဝင်တာကြောင့် အသားအရေအတွက် ကောင်းပါတယ်။
ဖရဲသီး
နွေရာသီဆိုရင်တော့ ရေငတ်တာနဲ့ ဖရဲသီးများများ စားလေ့ ရှိပါတယ်။ ဖရဲသီးမှာ ရေဓာတ် ၉၀ ရာခိုင်နှုန်းပါဝင်ပြီး အသားအရေကို စိုပြေစေပါတယ်။
ငှက်ပျောသီး
ငှက်ပျောသီးမှာ ပိုတက်ဆီယမ်ဓာတ်တွေ ကြွယ်ဝစွာပါဝင်ပြီး ဒါဟာ အသားအရေ ကြည်လင် လှပဖို့ အရေးကြီးပါတယ်။ အသားအရေ ခြောက်ကပ်တာဟာ ပိုတက်ဆီယမ်ဓာတ် ချို့တဲ့တာဖြစ်တာကြောင့် ငှက်ပျောသီးကို နေ့တိုင်းစားပေးသင့်ပါတယ်။
နာနတ်သီး
နာနတ်သီး က ကျန်းမာရေးအတွက် ကောင်းမွန်တဲ့ အသီးအဖြစ် နှစ်ပေါင်းများစွာ နိုင်ငံတော်တေ်ာများများရဲ့ တိုင်းရင်းဆေးတွေထဲမှာ သတ်မှတ်ထားကြပါတယ်။ သူ့မှာ Bromelain ဆိုတဲ့ အင်ဇိုင်းဓာတ်ပါဝင်တာကြောင့် မျက်နှာဖောင်းတာတို့ ရောင်ရမ်းတာတို့ကို သက်သာစေပါတယ်။
စတော်ဘယ်ရီ
စတော်ဘယ်ရီ အနီရောင်တွေမှာ Ellagic အက်ဆစ်ဓာတ်တွေ ပါဝင်ပြီး UV ကြောင့် အသားအရေ ပျက်စီးတာနဲ့ အရေးအကြောင်းတွေကို ပျောက်စေပါတယ်။
သင်္ဘောသီး
သင်္ဘောသီး မှာ ဗီတာမင် အေ နဲ့ Papain အင်ဇိုင်းဓာတ်တွေ ပါဝင်တာကြောင့် ဆဲလ်အသေတွေကို ဖယ်ရှားရာမှာ အထောက်အကူပြုပါတယ်။
ကီဝီသီး
ကီဝီသီးမှာ ဗီတာမင် စီတွေ အများကြီး ပါဝင်ပြီး လန်းဆန်းတက်ကြွှမှု ကို ဖြစ်စေပါတယ်။
ချယ်ရီသီး
ချယ်ရီသီးမှာ Antioxidants ပါဝင်မှုက တခြား အသီးတွေထက်ပိုများတာကြောင့် ပျက်စီးနေတဲ့ ဆဲလ်တွေကို ကုသပေးနိုင်ပါတယ်။ ဒါကြောင့် ရုပ်ရင့်တာတွေကို ကာကွယ်ပေးနိုင်ပြီး အရွယ်တင်နုပျိုစေပါတယ်။
