စတော်ဘယ်ရီသီးရဲ့ ကျန်းမာရေး အကျိုးကျေးဇူး

စတော်ဘယ်ရီသီးက အရသာရှိပြီး စားလို့ကောင်းရုံတင်မကပါဘူး၊ ကျန်းမာရေး အကျိုးကျေးဇူးတွေလည်း အများကြီးရှိပါတယ်။

ဗီတာမင် C ၊ ဗီတာမင် K ၊ ဖော်လစ် အက်ဆစ်၊ မဂ္ဂနီဆီယမ်၊ မဂ္ဂနီ၊ ပိုတက်ဆီယမ် စတဲ့ ဓာတ်တွေလည်း အများကြီးပါဝင်နေပါတယ်။

အဲ့ဒီအပြင် စတော်ဘယ်ရီ တစ်ခွက်လုံးစာမှ ၄၉  ကယ်လိုရီဘဲ ပါဝင်တာကြောင့် Diet လုပ်နေသူတွေလည်း စားလို့ရပါတယ်။

ကမ္ဘာပေါ်မှာ စတော်ဘယ်ရီ အမျိုးကွဲပေါင်း ၆၀၀ လောက်ပါဝင်ပြီး Antioxidants တွေအများဆုံးပါဝင်တဲ့ အသီးအနှံတွေထဲမှာ ပါဝင်နေပါတယ်။

သွေးတိုးကို ထိန်ုးညှိပေး

သွေးတိုးရှိသူတွေ စားပေးသင့်ပါတယ်။ ပုံမှန်စားပေးရင် သွေးတိုးကို ကာကွယ်ပေးပြီး ခန္ဓာကိုယ်တစ်ခုလုံး အောက်စီဂျင် ဖြန့်ဝေပေးမှုကို ထိရောက်စေပါတယ်။

နှလုံးရောဂါ ဖြစ်ပွားနိုင်ချေကို လျော့ချပေး

အမျှင်ဓာတ်၊ Phytochemicals တွေနဲ့ ဗီတာမင်ဓာတ်တွေပါဝင်မှုများတာကြောင့် သွေးအတွင်း ကိုလက်စထရော တွေကို ထိန်းညှိပေးပြီး နှလုံးကြွက်သားတွေကို သက်တောင့်သက်သာဖြစ်စေပါတယ်။

အသားအရေကို လှပစေ

စတော်ဘယ်ရီသီးမှာ Antioxidants မျိုးစုံပါဝင်နေပါတယ်။ ဗီတာမင် စီလည်းပါဝင်တာကြောင့် အသားရေနဲ့ ခန္ဓာကိုယ်ကို Free Radicals တွေကြောင့် ပျက်စီးမှုကနေ ကာကွယ်ပေးပါတယ်။ အဲ့ဒီအပြင် အသားအရေ တင်းရင်းနေအောင် လုပ်ဆောင်ပေးတဲ့ Collagen တွေ ထုတ်လုပ်မှုကိုလည်း အားပေးပါတယ်။

ကင်ဆာရောဂါကို တိုက်ဖျက်ပေး

စတော်ဘယ်ရီကို ပုံမှန်စားပေးရင် ရင်သား၊ ဆီးကျိတ်၊ အစာအိမ်ဟောင်းနဲ့ အသားအရေ ကင်ဆာတွေ မဖြစ်အောင် ကာကွယ်ပေးပါတယ်။

စတော်ဘယ်ရီသီးမှာပါဝင်တဲ့ ဗီတာမင် စီဓာတ်က ကင်ဆာရောဂါကို ကာကွယ်ပေးပြီး ကိုယ်ခံအားကို မြှင့်တင်ပေးပါတယ်။