သကြားဓာတ်က ခန္ဓာကိုယ်မှာ လိုအပ်ပါတယ်။ ဒါပေမယ့် သကြားကို စွဲလမ်းနေပြီး အလွန်အကျွံစားသုံးမိရင် ခန္ဓာကိုယ်အတွက် မကောင်းပါဘူး။ သကြားက သွေးအတွင်း သကြားဓာတ်ကို တက်စေပြီး ကိုယ်အလေးချိန်ကိုလည်း တက်စေပြီး တခြား ကျန်းမာရေး ဆိုးကျိုးတွေလည်း ရှိပါတယ်။

တချို့ ဆေးဖက်ဝင် အစားအစာတွေက သကြားစားချင်စိတ်ကို ပျောက်ကင်းစေပါတယ်။

သစ်ကြမ်းပိုးခေါက်

သကြားစားချင်စိတ်ကို ထိန်းချုပ်ချင်ရင် သစ်ကြမ်းပိုးခေါက် ရေနွေးကြမ်းကို သောက်ပေးနိုင်ပါတယ်။ သစ်ကြမ်းပိုးခေါက်က သွေးအတွင်းသကြားဓာတ်ကို ထိန်းညှိပေးပြီး သကြားစားချင်စိတ်တွေကို သဘာဝနည်းအတိုင်းလျော့နည်းအောင်ကူညီပေးပါတယ်။

ရှားစောင်းလက်ပတ်

ရှားစောင်းလက်ပတ်မှာ Polysaccharides တွေပါဝင်တာကြောင့် သွေးအတွင်းသကြားဓာတ်ကို ထိန်းညှိပေးပြီး သကြားစားချင်စိတ်ကို လျော့နည်းစေပါတယ်။ ဆီးချိုသမားတွေအတွက်ဆိုရင် ရှားစောင်းလက်ပတ်က အင်ဆူလင်ကို မြှင့်တင်ပေးပါတယ်။ သကြားစားချင်တဲ့ဓာတ်ကို လျော့နည်းစေချင်ရင် ရှားစောင်းလက်ပတ်ဖျော်ရည်သောက်ပါ။

ကုံကုမံ (Saffron)

ကုံကုမံ (Saffron) က ဦးနှောက်ကနေ သကြားဓာတ်ကို စွဲလမ်းတာကို ထိန်းညှိပေးပါတယ်။ ချိုတဲ့ အစားအစာတွေစားချင်စိတ်ကို ပြေပျောက်စေပါတယ်။ လေ့လာချက်အရ ကုံကုမံ (Saffron) စားသုံးရင် သကြားစားချင်တဲ့စိတ် ၅၅ ရာခိုင်နှုန်း လျော့ကျသွားတာကို တွေ့ရပါတယ်။