အကြောပြတ်ခြင်းဟာ ရောဂါမဟုတ်ပေမယ့် ကျန်းမာရေး ပြဿနာလို့ ပြောရပါမယ်။ အကြောပြတ်ခြင်းဟာ ဗိုက်၊ ရင်သား၊ တင်ပါးနဲ့ ပေါင် စတဲ့ နေရာတွေမှာ ဖြစ်တတ်ပါတယ်။
ကိုယ်ဝန်ဆောင်တွေမှာ ဖြစ်တာ အများဆုံးပါ။ ကိုယ်ဝန်ရင့်လာချိန်မှာ ဖြစ်တတ်ကြပါတယ်။
အခြား ဖြစ်စေတဲ့ အကြောင်းအရာတွေကတော့ ရုတ်တရက် ဝလာတာ၊ ပိန်သွားတာ၊ ဆေးတွေ ကြာကြာလိမ်းတာ၊ ဆီးချိုရောဂါ
ကြောင့် ဖြစ်တာ၊ ကိုယ်ခန္ဓာ အချိုးအစား ပြောင်းလာချိန်တွေမှာ ဖြစ်တတ်ကြပါတယ်။ Collagen (ကိုလာဂျင်) တွေ ပုံမှန်မဟုတ် ဖြစ်လာလို့၊ အရေပြားရဲ့ အလည်ထပ် Dermis မှာ သွားဖြစ်ပါတယ်။ Glucocorticoid ဟော်မုန်းနဲ့ ဆိုင်ပါသေးတယ်။
(Dr တင့်ဆွေ ဆောင်းပါးမှ ကောက်နုတ်ချက်)
အကြောပြတ်ခြင်းဟာ အရေပြားပေါ်မှာ ဖြစ်တတ်တဲ့ အမာရွတ်နဲ့ သဘောတရားခြင်း ဆင်ပါတယ်။ ပျောက်ကင်းအောင် ကုသဖို့ အချိန်ယူရပါမယ်။ လွယ်လွယ်ကူကူနဲ့ လျှော့ချချင်တယ်ဆိုရင်တော့ အိမ်တွင်းနည်းလေးတစ်ခုကို ပြောပြပါမယ်။
လိုအပ်တဲ့ ပစ္စည်းတွေကတော့
– ပန်းသီးရှာလကာရည် စားပွဲတင်ဇွန်း ၃ဇွန်း
– ခရမ်းချဉ်သီး ဖျော်ရည် စားပွဲတင်ဇွန်း ၄ဇွန်း
ပြင်ဆင်ပုံ
ပန်းသီးရှာလကာရည်နဲ့ ခရမ်းချဉ်သီး ဖျော်ရည်ကို ရောလိုက်ပါ။
သောက်သုံးပုံ
တစ်နေ့ကို တစ်ခွက်သောက်ပေးပါ။ အနည်းငယ် ၂လလောက်ထိတော့ သောက်ရပါမယ်။
ကိုယ်ဝန်ဆောင်တွေကတော့ မသောက်ပါနဲ့။ အခြားနည်းလမ်းကတော့ Dr တင့်ဆွေရဲ့ အကြံဉာဏ်ပါ။ ရေနဲ့ အာဟာရဓါတ်ပြည့်ဝနေတဲ့ အရေပြားဆိုရင် အကြောပြတ်တာဟာ အဖြစ်နည်းတယ်။ ရေသောက် မနည်းစေနဲ့။ မျှတတဲ့ အစားအစာစားပါ။ အသား-ငါး၊ အသီးအရွက်-အသီးအနှံ၊ ပဲတွေ စုံအောင်စားရတာမျိုးပြောတာပါ။ လှုတ်ရှား ရုံးကန်နိုင်ဘို့ Energy အား ဖြစ်စေတဲ့အစာ၊ ကြီးထွားဘို့၊ ပျက်တာတွေပြုပြင်ဘို့ Protein (ပရိုတင်း)၊ နည်းနည်းစီနဲ့ နေ့တိုင်း မပါမဖြစ်တာတွေက ဆီ၊ ဗီတာမင်တွေနဲ့ ဓါတ်ဆားတွေဖြစ်တယ်။
ဗီတာမင် A နဲ့ E ကို သောက်သင့်တယ်။ သူနည်းနေရင် ပြော့ဖတ်ဖတ် ဖြစ်နေတာမို့ (ပိုတက်ဆီယံ) ပါ ဖြည့်ပေးဘို့ လိုတယ်။ အကြောပြတ်ပြီးသူတွေအတွက်ပါ ကောင်းပါတယ်။
