နွေရာသီကိုတဖြည်းဖြည်းနဲ့ ရောက်ရှိလာပြီဆိုတော့ အပူချိန်ကလည်း ဖြည်းဖြည်းချင်းမြင့်တက်လို့ လာနေပါပြီ။ ရေခဲမုန့်၊ ရေခဲချောင်း၊ အအေးအစုံအလင်တို့ကလည်း လက်မလည်လောက်အောင်ကို ရောင်းလို့ကောင်းနေတဲ့အချိန်လေးပေါ့။ ဒါပေမယ့်လည်း နွေရာသီလိုအပူချိန်ပြင်းပြတဲ့အချိန်မျိုးမှာ အအေးဓာတ်အလွန်များတဲ့အစားအစာတွေကို လွန်လွန်ကဲကဲစားသုံးမိခြင်းက သင့်ကျန်းမာရေးကို ဒုက္ခဖြစ်လာစေနိုင်ပါတယ်။
သည့်အတွက် ကျန်းမာရေးနဲ့လည်းညီညွတ်ပြီး အအေးဓာတ်ကိုပေးစွမ်းနိုင်တဲ့ သစ်သီးဖျော်ရည်တစ်ခုဖြစ်သည့် ဖရဲသီးဖျော်ရည်လေးလုပ်ပုံလုပ်နည်းကို တင်ဆက်ပေးချင်ပါတယ်။
ပါဝင်ပစ္စည်းများ
ဖရဲသီး (အစေ့ထုတ်ပြီး၊ စိတ်ပြီးသား) – ၂ ခွက်
Caster သကြား – လက်ဖက်ရည်ဇွန်း ၁ ဇွန်း
သံပယိုရည် – လက်ဖက်ရည်ဇွန်း ၂ ဇွန်း
ကြိတ်ထားသောရေခဲ – ခွက်တစ်ဝက်ခန့်
ပြုလုပ်ပုံအဆင့်ဆင့်
၁။ အတုံးတုံးလေးတွေစိတ်ပိုင်းထားသည့် ဖရဲသီးကို ကြိတ်စက်ထဲထည့်ပါ။
၂။ ဖရဲသီးအချိုပေါ်မူတည်ပြီး Caster သကြား လက်ဖက်ရည်ဇွန်း ၁ ဇွန်းကိုလည်း ပေါင်းထည့်ပါ။
၃။ သံပယိုသီးအရည်ကိုလည်း ထည့်ပေးပါ။
၄။ ပြီးလျှင်တော့ ကြိတ်ခြေထားသောရေခဲများကိုလည်း ထည့်သွင်းပေးပါ။
၅။ ပျစ်လာသည်အထိ မွှေပေးပါ။
၆။ ခွက်တစ်ခုထဲပြောင်းထည့်ပြီးလျှင် အရသာရှိရှိဖရဲသီးဖျော်ရည်တစ်ခွက် သောက်သုံးနိုင်ပါပြီ။
Credits : Health and Beauty Archives – Fab How
