ဆာလောင်နေတဲ့ ကမ္ဘာကြီး (Hungry Planet) ဆိုတဲ့ စာအုပ်မှာ ဓာတ်ပုံဆရာ Peter Menzel နဲ့ Faith D’Aluisio တို့က ကမ္ဘာအနှံ့မှာနေထိုင်တဲ့ မိသားစုတွေတစ်ပတ်အတွင်း ဘာတွေစားကြသလဲ၊ တစ်ပတ်အစားအစာအတွက် ပိုက်ဆံ ဘယ်လောက်သုံးလဲဆိုတာကို ဓာတ်ပုံရိုက်ဖော်ပြခဲ့ကြပါတယ်။
ဓာတ်ပုံဆရာ ၂ ယောက်က နိုင်ငံပေါင်း ၂၄ နိုင်ငံ၊ မိသားစုပေါင်း ၃၀ လောက်နဲ့တွေ့ဆုံ မှတ်တမ်းတင်ခဲ့ကြပါတယ်။
ဘူတန်ကနေ ဘော်စနီးယားကနေ မက်ဆီကို စသည့် တစ်ကမ္ဘာလုံးအနှံ့ မိသားစုတွေ တစ်ပတ်အတွင်းဘာတွေ စားလဲဆိုတာ မှတ်တမ်းတင်ခဲ့ကြတာပါ။
ဒီစာအုပ်က လွန်ခဲ့တဲ့ ၁၀ နှစ်ကျော်ကထွက်ရှိခဲ့တဲ့ စာအုပ်ဖြစ်တာကြောင့် ဖော်ပြထားတဲ့ ဈေးနှုန်းတွေကတော့ ပြောင်းလဲနိုင်ပါတယ်။
ဂျပန်။ Kodaira မြို့မှာရှိတဲ့ Ukita မိသားစု။
တစ်ပတ်ကို စားသောက်စရိတ်: အမေရိကန်ဒေါ်လာ ၃၁၇.၂၅ ဒေါ်လာ ကုန်ကျပါတယ်။
ကြိုက်နှစ်သက်တဲ့ အစားအစာ: Sashimi၊ အသီးအနှံ၊ ကိတ်မုန့်၊ အာလူးကြော်။
အီတလီ။ Sicily ကျွန်းမှာရှိတဲ့ Manzo မိသားစု။
တစ်ပတ်ကို စားသောက်စရိတ်: အမေရိကန်ဒေါ်လာ ၂၆၀ ဒေါ်လာ ကုန်ကျပါတယ်။
ကြိုက်နှစ်သက်တဲ့ အစားအစာ: ငါး၊ Pasta၊ Hot Dogs၊ ငါးအသားချောင်း။
အာဖရိက အလယ်ပိုင်းမှာရှိတဲ့ Chadနိုင်ငံ : Breidjing Camp မှာရှိတဲ့ Aboubakar မိသားစု။
တစ်ပတ်ကို စားသောက်စရိတ်: အမေရိကန်ဒေါ်လာ ၁ ဒေါ်လာ
ကြိုက်နှစ်သက်တဲ့ အစားအစာ: သိုးသားပြုတ်ဟင်းချို
ကူဝိတ်။ ကူဝိတ်မြို့ရှိ Al-Huggan မိသားစု
တစ်ပတ်ကို စားသောက်စရိတ်: အမေရိကန်ဒေါ်လာ ၂၂၁.၄၅
ကြိုက်နှစ်သက်တဲ့ အစားအစာ: ကြက်သားဒန်ပေါက်
အမေရိကန်ပြည်ထောင်စု။ မြောက်ကယ်ရိုလိုင်းနားက Revis မိသားစု
တစ်ပတ်ကို စားသောက်စရိတ်: အမေရိကန်ဒေါ်လာ ၃၄၁.၉၈
ကြိုက်နှစ်သက်တဲ့ အစားအစာ: Spahetti၊ အာလူး၊ ကြက်သား နှမ်းချက်။
မက်ဆီကို။ Cuernavaca က Casales မိသားစု
တစ်ပတ်ကို စားသောက်စရိတ်: အမေရိကန်ဒေါ်လာ ၁၈၉
ကြိုက်နှစ်သက်တဲ့ အစားအစာ: ပီဇာ၊ ဂဏန်း၊ Pasta နဲ့ ကြက်သား
တရုတ်။ ဘေဂျင်းက Dong မိသားစု
တစ်ပတ်ကို စားသောက်စရိတ်: အမေရိကန်ဒေါ်လာ ၁၅၅.၀၆
ကြိုက်နှစ်သက်တဲ့ အစားအစာ: ဝက်သားချိုချဉ်ကြော်
ပိုလန်။ Sobczynscy မိသားစု
တစ်ပတ်ကို စားသောက်စရိတ်: အမေရိကန်ဒေါ်လာ ၁၅၁.၂၇
ကြိုက်နှစ်သက်တဲ့ အစားအစာ: မုန်လာဥနီ၊ နံနံပင်တို့နဲ့ ချက်ထားတဲ့ ဝက်လက်
