တချို့သူတွေက ငှက်ပျောသီးကို စိမ်းမှ ကြိုက်ကြသလို၊ တချို့ကလည်း မှည့်ပြီး အဝါရောင်သန်းနေမှ ကြိုက်ကြတာလည်း ရှိပါတယ်။

ငှက်ပျောသီးတွေမှာ ပိုတက်ဆီယမ်ဓာတ်ကြွယ်ဝစွာပါဝင်နေပေမယ့် တခြား အာဟာရဓာတ်တွေကတော့ ငှက်ပျောသီးရဲ့ သက်တမ်း (မှည့်၊မမှည့်သေးတာ)အပေါ်မူတည်ပြီး ကွာခြားမှု ရှိပါတယ်။

မမှည့်သေးတဲ့ ငှက်ပျောသီးမှာ သကြားဓာတ်နည်းပါး

သင့်မှာ ဆီးချို ရောဂါရှိတယ်ဆိုရင်တော့ မှည့်နေတဲ့ ငှက်ပျောသီးထက် မမှည့်သေးတဲ့ ငှက်ပျောသီးကို စဉ်းစားသင့်ပါတယ်။ ငှက်ပျောသီးက မှည့်နေရင် ကစီဓာတ်တွေကနေ သကြားဓာတ်ကို ပြောင်းလဲလာပါတယ်။

ဗြိတိန်နိုင်ငံက အာဟာရ ပညာရှင် Rhianon Lambert က “မမှည့်သေးတဲ့ငှက်ပျောသီးမှာ ကာဗွန်ဟိုက်ဒရိတ် ပါဝင်မှုက ၈၀ ကနေ ၉ ဝ% လောက်ရှိနေပြီး ငှက်ပျောသီးမှည့်သွားရင် ဒီဓာတ်တွေက သကြားဓာတ်ကို ပြောင်းလဲသွားပါတယ်”လို့ ပြောပါတယ်။

မှည့်တဲ့ ငှက်ပျောသီးတွေက အစာခြေဖို့ ပိုပြီးလွယ်ကူ

အစာခြေစနစ်နဲ့ ပတ်သက်ပြီး ပြဿနာရှိတတ်သူတွေကတော့ မှည့်နေတဲ့ ငှက်ပျောသီးကို စားသင့်ပါတယ်။

အညိုရောင်သန်းနေတဲ့ငှက်ပျောသီးက Antioxidants ပိုများ

ငှက်ပျောသီးက အညိုရောင်သန်းလာတာက ငှက်ပျောသီးမှာပါဝင်နေတဲ့ ကစီဓာတ်တွေက သကြားဓာတ်အဖြစ်ပြောင်းသွားပြီး သူတို့က ပိုပြီး ချိုလာပါတယ်။ ဒါ့ကြောင့် ငှက်ပျောသီးနဲ့ မုန့်ဖုတ်မယ်ဆိုရင် ဒီလို ငှက်ပျောသီးတွေကို အသုံးပြုကြတာပါ။

အညိုရောင်သန်းနေတဲ့ငှက်ပျောသီးတွေမှာ Antioxidants ဓာတ်တွေပိုများများလာပါတယ်။