Events & Reviews

METRO Wholesale Myanmar မှ သီလဝါကုန်လှောင်ရုံ တည်ဆောက်မှုလုပ်ငန်း စတင်

September 14, 2017

METRO Wholesale Myanmar မှ သီလဝါကုန်လှောင်ရုံ တည်ဆောက်မှုလုပ်ငန်း စတင်

Share this on:

ရန်ကုန်၊ မြန်မာ။ စက်တင်ဘာလ ၁၄ ရက်နေ့ – နိုင်ငံတကာလက်ကားရောင်းဝယ်ရေး နှင့် အစားအစာပိုင်းဆိုင်ရာတွင် အထူးကျွမ်းကျင်သော ကုမ္ပဏီများထဲမှတစ်ခုဖြစ်သည့် METRO Cash & Carry ၏ မြန်မာနိုင်ငံဆိုင်ရာ လုပ်ငန်းခွဲဖြစ်သော METRO Wholesale Myanmar သည် သီလဝါအထူးစီးပွားရေးစက်မှုဇုန်တွင် ကုန်လှောင်ရုံ စတင်တည်ဆောက်သည့် အထိမ်းအမှတ် အဖြစ် တရားဝင်ပန္နက်ရိုက် အခမ်းအနားကို ယနေ့ ပြုလုပ်ကျင်းပခဲ့သည်။

IMG_1

METRO Wholesale Myanmar ၏ Deputy CEO ဖြစ်သူ Ms. Tiparayat Kaewsringarm မှ “မြန်မာနိုင်ငံအတွက် အရည်အသွေးမြင့်ပြီး စိတ်ချရတဲ့ကုန် ပစ္စည်းတွေ၊ ဝန်ဆောင်မှုလုပ်ငန်းတွေ နဲ့ပါ ပံ့ပိုးပေးသွားမှာဖြစ်တဲ့ METRO Cash & Carry ရဲ့ လုပ်ငန်းစဉ်ကို ယနေ့အခမ်းအနားနဲ့ အစပျိုးနိုင်ခဲ့ပြီဖြစ်ပါတယ်။ METRO Cash & Carry အနေနဲ့ မြန်မာနိုင်ငံဈေးကွက်ကို ဝင်ရောက်လာခြင်းအားဖြင့် မြန်မာနိုင်ငံရဲ့ ခရီးသွားလာရေးကဏ္ဍကိုလည်း တိုးတက်ကောင်းမွန် လာစေမယ်လို့ ယုံကြည်ပါတယ်။ စားသုံးသူတွေအတွက် အစားအစာ ဘေးကင်းလုံခြုံရေး နဲ့ sustainability ရှိဖို့ ပြောင်းလဲမှုတွေ ပြုလုပ်ပေးနိုင်ရန် ရည်ရွယ်ထားပါတယ်။ ဒီရည်မှန်းချက်တွေ ပြည့်ဝဖို့ METRO Cash & Carry က နိုင်ငံတကာမှာကျင့်သုံးလျက်ရှိတဲ့ supply chain စီမံခန့်ခွဲရေးဆိုင်ရာ အကောင်းဆုံး လုပ်ထုံးလုပ်နည်းတွေကို မြန်မာနိုင်ငံမှာ အသုံးပြုမိတ်ဆက် ပေးသွားမှာ ဖြစ်ပါတယ်” ဟု ဆိုသည်။

IMG_3

ပန္နက်ရိုက်အခမ်းအနားကို မြန်မာ့ရိုးရာထုံးတမ်းစဉ်လာများအတိုင်း လုပ်ဆောင်ခဲ့ပြီး ဘုန်းတော်ကြီးများမှ ပရိတ်တရားများရွတ်ဆိုကာ ကောင်းချီးသြဘာပေးခဲ့ကြသည်။ ၂၈,၃၆၈ စတုရန်းမီတာမြေအကျယ်တွင် ဆောက်လုပ်သွားမည်ဖြစ်သော ကုန်လှောင်ရုံအား ၂၀၁၈ ခုနှစ်တွင် ပြီးစီးရန် မျှော်မှန်းထားသည်။ ကုန်လှောင်ရုံအား ခေတ်မီသိုလှောင်ရေးဆိုင်ရာ ပစ္စည်းထားသိုမှုအထောက်အပံ့ပစ္စည်းများ တပ်ဆင်ထားမည်ဖြစ်ပြီး သယ်ယူပို့ဆောင်ရေးစနစ်များကိုလည်း အဆင့်မြင့်သော နိုင်ငံတကာ အရည်အသွေးစံနှုန်းများအတိုင်း ဆောင်ရွက်သွားမည်ဖြစ်သည်။ ပစ္စည်းများလတ်ဆတ်ပြီး အရည်အသွေးကောင်းမွန်စေရန်အတွက် လိုအပ်သည့် အအေးဓာတ်ကို ချိန်ညှိပေးနိုင်သည့် အအေးခန်းများလည်း ကုန်လှောင်ရုံတွင်ပါရှိသည်။ ထို့အပြင် လတ်ဆတ်သော အသား၊ ငါး၊ အသီးအရွက်များကို အဖက်ဖက်တွင် အရည်အသွေး ပြည့်မှီစေရန် processing နှင့် cleaning ဓာတ်ခွဲခန်းများထားရှိပေးသွားမည်ဖြစ်ပြီး ကုန်ပစ္စည်းများသိုလှောင်ရန်နေရာ နှင့် ရုံးခန်းအစရှိသည့် အပိုဆောင်းဝန်ဆောင်မှုများ ပါရှိမည်ဖြစ်သည်။

METRO Cash & Carry ၏ နိုင်ငံတွင်း ဖက်စပ်လုပ်ဆောင်မှုသည် နိုင်ငံတကာမှ ဖြန့်ချိရေးဆိုင်ရာ အခြေခံကျသောစနစ်များ နှင့် ပြည်တွင်းရှိ ကုန်ပစ္စည်းထုတ်လုပ်သူများ ၏ ကျွမ်းကျင်မှုများကို အချိန်ကိုက်စွာ ချိတ်ဆက်ပေးနိုင်ခဲ့သည် ဟု ဆိုသမှတ်ပြုခဲ့ကြသည်။ ယခုကဲ့သို့ ကြိုးပမ်းအားထုတ်ခြင်းကို ထောက်ပံ့အားပေးသည့်အနေဖြင့် သက်ဆိုင်ရာအစိုးရအဖွဲ့များမှ တာဝန်ရှိသူများ၊ သီလဝါအထူးစီးပွားရေးဇုန် ကော်မတီအဖွဲ့ဝင်များ နှင့် စီးပွားရေးမိတ်ဖက်များမှ အခမ်းအနားသို့ တက်ရောက်ချီးမြှင့်ခဲ့ကြသည်။

METRO Wholesale Myanmar သည် ပြည်တွင်းရှိ လူ့စွမ်းအားအရင်းအမြစ် ဖွံ့ဖြိုးတိုးတက်ရေး အတွက်လည်း အထောက်အကူပြုရန် ရည်သန်ထားပြီး ပြည်တွင်းမှ အရည်အချင်းပြည့်မီသော ဝန်ထမ်းများ ခန့်အပ်သွားရန် ဦးစားပေးစီစဉ်ဆောင်ရွက် လျက်ရှိသည်။ ကုန်လှောင်ရုံလည်ပတ်မှု အတွက် တိုက်ရိုက် အလုပ်အကိုင်ပေါင်း ၃၀၀ နှင့် ဆက်စပ်အလုပ်အကိုင်ပေါင်း ၁၀၀၀ နီးပါး ဖန်တီးပေးနိုင်မည်ဖြစ်သည်။ ထို့အပြင် ပြည်တွင်းဖြစ်ကုန်ပစ္စည်းများကိုသာ အသုံးပြုသွားမည့် METRO Wholesale Myanmar သည် နိုင်ငံ၏ စိုက်ပျိုးမွေးမြူရေးကဏ္ဍကို ပိုမိုတိုးတက်စေရုံသာမက ကုမ္ပဏီ၏ နိုင်ငံတကာ sourcing channels များမှတဆင့် တင်ပို့ကုန်ကဏ္ဍအတွက် အခွင့်အရေးများစွာကိုလည်း ဖန်တီးပေးသွားနိုင်မည်ဖြစ်သောကြောင့် နိုင်ငံ၏ စီးပွားရေးတိုးတက်မှုကိုလည်း အထောက်အကူ ပြုပေးနိုင်မည်ဖြစ်သည်။

METRO Cash & Carry ၏ လက်ကားဖြန့်ချိရေး platform မှတဆင့် အစားအသောက်များ၊ အစားအသောက်မဟုတ်သော အရည်အသွေးမြင့်ကုန်ပစ္စည်းများ နှင့် ဝယ်သူစိတ်တိုင်းကျ အထူးဝန်ဆောင်မှုများကို လုပ်ငန်းရှင်စားသုံးသူများဖြစ်သော ဟိုတယ်များ၊ စားသောက်ဆိုင်များ၊ အစားအစာတည်ခင်းဧည့်ခံပေးသော ဝန်ဆောင်မှုလုပ်ငန်းများ၊ ပုဂ္ဂလိက လက်လီဖြန့်ချိသူများနှင့် ရုံးများကို ပို့ဆောင်ပေးသွားမည် ဖြစ်သည်။ METRO Cash & Carry သည် ပြည်တွင်းရှိ လုပ်ငန်းရှင်စားသုံးသူများမှ လိုအပ်လျက်ရှိသော အစားအစာလုံခြုံဘေးကင်းရေး၊ ပစ္စည်းအရည်အသွေး မှန်ကန်မှု၊ အချိန်တိကျမှု၊ ယုံကြည်စိတ်ချရမှု နှင့် အရည်အသွေးမြင့် ကုန်ပစ္စည်းများ စသည်တို့ကို ဖြည့်ဆည်းပေးနိုင်ရန် ရည်ရွယ်သည်။

METRO Cash & Carry အကြောင်း

METRO Cash & Carry သည် နိုင်ငံတကာလက်ကားရောင်းဝယ်ရေး နှင့် အစားအစာ လက်လီရောင်းချရေးတွင် ထိပ်တန်းမှ ဦးဆောင်လျက်ရှိသော METRO ၏ အကြီးဆုံးလုပ်ငန်းခွဲဖြစ်သည်။
METRO Cash & Carry သည် နိုင်ငံပေါင်း ၂၅ နိုင်ငံတွင် ကိုယ်တိုင်ကိုယ်ကျဝယ်ယူနိုင်သော လက်ကားအရောင်းဆိုင်ပေါင်း ၇၅၀ ကျော် ကို ကိုယ်စားပြုသည်။ ကမ္ဘာတစ်ဝန်းတွင် လုပ်ကိုင်လျက်ရှိသော ဝန်ထမ်းပေါင်း ၁ သိန်းကျော်ရှိပြီး ၂၀၁၅/၂၀၁၆ ဘဏ္ဍနှစ်တွင် ယူရို ၂၉ ဘီလီယံခန့် ရောင်းချနိုင်ခဲ့သည်။
သတင်းအချက်အလက်များပိုမိုသိရှိရန် : https://www.metro-cc.com/
Contact: [email protected]
Office address : Wing B, Ground Floor, Building A3, Star city, Thanlyin Township, Yangon.

Review

User Rating

4.7 (3 Votes)