အခုလို ပူအိုက်တဲ့ရာသီဥတုမှာ စတော်ဘယ်ရီ Smoothie လေးတစ်ခွက် ဖျော်သောက်လိုက်မယ်ဆိုရင်တော့ အပူဒဏ်ကို တစ်ဝက်လောက် လျော့ချပေးလိုက်သလို ခံစားရမှာပဲဖြစ်ပါတယ်။ လိုအပ်တဲ့ ပါဝင်ပစ္စည်းတွေကလည်း အလွယ်တကူရှာဝယ်လို့ရတဲ့အပြင် ပြုလုပ်နည်းကတော့ လွယ်ကူရိုးရှင်းတာကြောင့် မိမိအိမ်မှာ လွယ်လင့်တကူ ဖျော်သောက်လို့ရမှာပဲဖြစ်ပါတယ်။
ပါဝင်ပစ္စည်းများ
- စတော်ဘယ်ရီသီး
- နွားနို့ ၁၅၀ မီလီလီတာ
- အအေးခံထားသော ငှက်ပျောသီး တစ်လုံးနှင့် တစ်ဝက်
- သရက်သီးမှည့် အနည်းငယ်
- အုတ်ဂျုံ ၂၅ ဂရမ်
ပြုလုပ်နည်း အဆင့်ဆင့်
၁။ သစ်သီးများကို အနေတော် အရွယ်အစားခန့် လှီးဖြတ်ထားလိုက်ပါ။
၂။ အနေတော် အတုံးတုံးထားသော သစ်သီးများကို သစ်သီးဖျော်စက်ထဲထည့်လိုက်ပါ။
၃။ ဖျော်စက်ထဲသို့ အုတ်ဂျုံနှင့် နွားနို့ ထပ်ထည့်ပြီး ဖျော်စက်ကို မွှေပေးလိုက်ပါ။
၄။ မွှေပြီးတဲ့အခါမှာတော့ အခုလိုပဲ စားချင်စရာကောင်းတဲ့ စတော်ဘယ်ရီ Smoothie လေး ရရှိလာပါပြီ။
စတော်ဘယ်ရီသီး၊ ဒါမှမဟုတ် မြေပဲ၊ ချောကလက်တို့ထပ်ထည့်ကာ အလှဆင်ပြီးနောက် အရသာရှိရှိ သုံးဆောင်နိုင်ပါပြီ။
မိမိအိမ်မှာ ကိုယ်တိုင်ကိုယ်ကျ ဖျော်သောက်တာဖြစ်တဲ့အတွက် ဆေးသကြားနဲ့ ဓာတုပစ္စည်းများ ပါဝင်မှာကိုတော့ လုံးဝစိတ်ချထားလို့ရပါတယ်။ ကျန်းမာရေးအတွက် ကောင်းမွန်ပြီး အသားအရေလည်း စိုပြေလှပစေတဲ့အပြင် ပူအိုက်တဲ့နွေရာသီအတွက် အဖော်မွန်ကောင်းလို့လည်း ယူဆနိုင်တာကြောင့် တစ်ချက်ခုတ် သုံးချက်ပြတ်ပဲပေါ့။ ဖျော်ရည်အေးအေးလေးတွေကို နှစ်သက်ခုံမင်တဲ့ Foodies လေးတွေ အကြိုက်တွေ့မယ်လို့ မျှော်လင့်မိပါတယ်နော်။
Source: kitchenbowl.com
