ငါးကြင်း နဲ့ရေချိုပုစွန်ထုပ် ကိုရောပြီးချက်ရင် ပိုပြီးအရသာထူးတာ မို့ဒန့်သလွန်သီး ၊ ရုံးပတီသီး တို့နဲ့အားဖြည့်ထားတဲ့ ထူးခြားတဲ့ မြန်မာ့ဟင်းလျှာစစ်စစ်လေးပေါ့….မြန်မာ့ရိုးရာ ဟင်းခတ်အမွှေး အကြိုင်တွေကိုဘဲသုံးပြီးချက်ထားတာမို့ထမင်းဖြူလေးနဲ့တွဲဖက်ပြီးတည်ခင်းမယ်ဆိုရင် ပိုပြီးထမင်းမြိန်စေပါတယ်။ ထူးခြားတာက..ငါးကြင်းကို အရိုးထုတ်ရျွ်အသားလွှာပြီးချက်တာဆိုတော့ စားသုံးတဲ့အခါ အားရပါးရရှိပြီး..ဒန့်သလွန်သီးကိုနူးအောင်ချက်ရျွ် ရုံးပတီသီးကိုတော့စိမ်းစိမ်းလေးအုပ်ချက်ထားတာပါဘဲ…ကဲ..ရိုးရှင်းပြီးအရ သာထူးခြားတဲ့မြန်မာ့ရိုးရာဟင်းလျှာလေးကိုစချက်ကြရအောင်…ညှော်ကြမယ့်ဗျို ့…
ပါဝင်ပစ္စည်းများ
- ငါးကြင်း
- ပုစွန်ထုပ်
- နနွင်းမှုန့်
- ဆား
- ငါးငံပြာရည်
- ငရုတ်ကောင်းမှုန့်
- နံနံပင်
- ဒန့်ဒလွန်သီး
- စပါးလင်
- ကြက်သွန်ဖြူ
- ကြက်သွန်နီ
- ချင်း
- ငရုတ်ပွခြောက်
- ရုံးပတီသီး
- ငရုတ်သီးစိမ်း
- ပဲဆီ
ပြုလုပ်နည်း
- ငါးကြင်းကို အရိုးထုတ် အသားလွှာပြီး ဆား၊ နနွင်း၊ ငါးငံပြာရည်တို့နှင့် အရသာသွင်းပါ။
- ကြက်သွန်ဖြူ၊ ကြက်သွန်နီ၊ ချင်း၊ ငရုတ်ပွခြောက်တို့ဖြင့် ဟင်းအနှစ်ထောင်းပါ။
- အိုးထဲသို့ ဆီအနည်းငယ်ထည့်၍ နနွင်းမှုန့်၊ စပါးလင်း၊ ဟင်းအနှစ်တို့ကို ဆီသတ်ပြီး ခရမ်းချဉ်သီထည့်ပါ။
- အနှစ်ကျက်လျှင် အရသာသွင်းထားသော ငါးကြင်းနှင့် ပုဇွန်ထုပ်ကို ထည့်ပါ။
- ဆီပြန်လျှင်ရေသန့်အနည်းငယ်ထည့်၍ ဒန့်ဒလွန်သီးထည့်ပါ။
- ငါးကြင်းနှင့် ပုဇွန်ထုပ်ကျက်လျှင် ရုံးပတ်တီသီ၊ နံနံပင်၊ ငရုတ်သီးစိမ်အုပ်၍ သုံးဆောင်နိုင်ပါသည်။
