ပွင့်ညွှန့်ကြော်

Share this on:

ရာသီပေါ် အပွင့်အညွှန့်လေးတွေကို လတ်လတ်ဆတ်ဆတ် ကြော်စားလို့ရအောင် မျှဝေပေးလိုက်ပါတယ်။

ပါဝင်ပစ္စည်းများ

  • ဖရုံပွင့် – ၁ စည်း (အပွင့်ထဲမှအဆံများ ထုတ်ထားပါ)
  • ဖရုံညွန့် – ၁ စည်း (အရိုးအရင့်များဖယ်ပြီး လက်၂ ဆစ်အရှည်လေးတွေ ဖြတ်ထားပါ)
  • ဘူးပွင့် – ၁ စည်း ( အပွင့်ထဲမှ အဆံများထုတ်ထားပါ)
  • ဘူးညွှန့် – ၁ စည်း (အရိုးအရင့်များဖယ်ပြီး လက်၂ ဆစ်အရှည်လေးတွေဖြတ်ထားပါ)
  • ငါးခြောက်မှုန့် – လက်ဖက်ရည်ဇွန်း ၂ ဇွန်း ခွဲ
  • ဆား – အနည်းငယ်
  • ကြက်သွန်ဖြူ – ၃ မြွှာ (ဓားပြားရိုက်ထားပါ)
  • နနွင်းမှုန့် – အနည်းငယ်
  • ကြက်သွန်နီကြော် – စားပွဲဇွန်း ၁ ဇွန်းခွဲ (အရွက်ကြော်ပေါ်မှဖြူးရန်)
  • ကြက်သွန်ဖြူကြော် – လက်ဖက်ရည်ဇွန်း ၁ ဇွန်း ခွဲ (အရွက်ကြော်ပေါ်မှဖြူးရန်)
  • ပဲဆီ – စားပွဲဇွန်း ၁ ဇွန်း

ပြုလုပ်နည်း

  1. ဒယ်အိုးထဲ ဆီထည့်ပြီးအပူပေးပါ။ နနွင်းမှုန့်နှင့် ကြက်သွန်ဖြူထည့်ပြီး ရွှေရောင်သမ်းပြီး အနံ့မွှေးလာသည်အထိ ကြော်ပါ။
  2. ငါးခြောက်မှုန့်ထည့်ပြီး အနည်းငယ် ကြွပ်လာသည်အထိ ကြော်ပါ။
  3. အညွန့်များ အရင်ထည့်ကြော်ပါ။ ခပ်ဖွဖွလေးမွှေပါ။
  4. အညွန့်များ အနည်းငယ်နွမ်းလာလျှင် အပွင့်များထပ်ထည့်ပါ။ အိုးကိုလှုပ်ပြီး ဒီအတိုင်း မွှေပေးပါ။ ၁-၂ မိနစ်လောက် ကြော်ပါ။
  5. ခြောက်ကပ်နေလျှင် ရေအနည်းငယ်တောက်ပေးပါ။ ကျန်ပစ္စည်းများ ထပ်ထည့်ပါ။ ဆားမြည်းပါ လိုတာထပ် ထည့်နိုင်ပါတယ်။ ပူပူလေး သုံးဆောင်လျှင် ပိုကောင်းပါတယ်။

Review

User Rating

3.3 (3 Votes)

author-avatar

Syi Lwin is a chef, food writer, food stylist, food developer and TV chef