ပျစ်ပျစ်နှစ်နှစ် Curry ဟင်းကို ကြိုက်ကြသူများအတွက် နောက်ထပ်ဟင်းလျာလေးတစ်ခုကို ဖော်ပြပေးချင်ပါတယ်နော်။ ယခုဟင်းလျာလေးက အသီးအရွက်တွေနဲ့ပဲ ပြုလုပ်ထားတာဖြစ်လို့ သက်သက်လွတ်သမားများလည်း အရသာရှိရှိစားသုံးနိုင်မှာပါ။ ကျန်းမာရေးအတွက်ကောင်းမွန်တဲ့ အသီးအရွက်တွေနဲ့ ချက်ပြုတ်ထားတာဖြစ်လို့ အကောင်းဆုံးပါပဲ။

ပါဝင်ပစ္စည်းများ

ခရမ်းချဉ်သီး (တုံးတစ်ပြီးသား) – ၁၄ အောင်စ သံဘူး ၂ ဘူး

တို့ဖူး – ၁ တုံး

ရွှေဖရုံသီး (လှီးပြီးသား) – ၂ ခွက်အပြည့်

ရေ – ၁ ခွက်

Curry – လက်ဖက်ရည်ဇွန်း ၂ ဇွန်း

နနွင်းမှုန့် – လက်ဖက်ရည်ဇွန်း ၁ ဇွန်း

ကြက်သွန်အကြီး – တစ်ဝက် (လှီးပြီးသား)

ဗူးသခွား – အလတ်စားအရွယ် ၂ လုံး (ခြစ်ပြီးသား)

ဂျင်း – ၁ စိတ် (အခွံခွာ၊ ပါးပါးလှီးပြီးသား)

ငရုတ်ကောင်း

နံနံပင် (ရေဆေး၊ လှီးပြီးသား)

ဘာစမာတီဆန် အညိုရောင် – ၁ ဝက်ခန့်

ပြင်ဆင်ပုံအဆင့်ဆင့်

ထမင်းကို ကြိုက်နှစ်သက်ရာပုံစံနဲ့ ချက်ပြုတ်ပါ။

အရွယ်အစားကြီးတဲ့ ဒယ်အိုးကို မီးအနေတော်မှာ အပူပေးပြီး ခရမ်းချဉ်သီးတစ်ဘူး၊ Curry၊ နနွင်း၊ ကြက်သွန်နီ၊ ဂျင်းတို့ကို ရနံ့သင်းသည်အထိ သစ်သားယောင်းမနဲ့ ငါးမိနစ်ကြာမွှေပေးပါ။

ခရမ်းချဉ်သီး နောက်တစ်ဘူး၊ ရေတစ်ခွက်၊ တို့ဖူး၊ လှီးထားသည့် ရွှေဖရုံသီးတို့ကို ထပ်ထည့်ကာ ပွက်သည်အထိထားပြီး အပူလျှော့လိုက်ကာ မီးအေးအေးနဲ့နှပ်ထားပါ။

ရွှေဖရုံသီးနူးသွားပြီး ဆော့စ်နည်းသွားသည်အထိ မိနစ် ၂၀ – ၂၅ မိနစ်ကြာချက်ပေးပါ။

မီးပိတ်လိုက်ပြီး ခြစ်ထားသည့် ဘူးသခွားကိုထည့်ကာ သမအောင်မွှေပေးပါ။ Curry အပူချိန်နဲ့ ကျက်သွားအောင် ထားပေး၍ အရသာမြည်းကြည့်ပြီး ငရုတ်ကောင်းတော်သင့်ရုံ ဖြူးပေးပါ။

ချက်ထားသည့်ထမင်းနှင့် ရောစပ်ပြီး နံနံပင်အနည်းငယ်၊ ငရုတ်သီးတို့ဖြူးပြီးရင် အရသာရှိရှိနဲ့ ပူပူလေးသုံးဆောင်နိုင်ပါပြီ။