ရုရှားစတိုင်လ် ကြက်သား ချိစ် ဟင်းလျာပြုလုပ်နည်း

အခုဖော်ပြပေးမယ့် ကြက်သား ချိစ် ဟင်းလျာလေးက ရုရှားနိုင်ငံနဲ့ သူတို့စားသောက်ဆိုင်မှာ လူကြိုက်များပြီး နာမည်ကြီးတဲ့ အစားအစာတစ်မျိုးပါ။ ရုရှားလူမျိုးတွေအနေနဲ့ အစားမစားခင်မှာ စားမြိန်စေဖို့အတွက် ဒီဟင်းလျာကို အရင်ဆုံး သုံးဆောင်လေ့ရှိပါတယ်။

MyFood Myanmar က Foodies လေးတွေလည်း ဒီဟင်းလျာကို အိမ်မှာ ပြင်ဆင်ပြီးလို့ စားသုံးကြည့်မယ်ဆိုရင်လည်း အကြိုက်တွေ့ကြမှာပါ။

ပါဝင်ပစ္စည်းများ

အရိုးမပါတဲ့ ကြက်ရင်အုံသား တစ်ခြမ်း

မှို ပန်းကန်လုံး ၃ ပုံ ၂ ပုံခန့်
ကြက်သွန်နီ တစ်ခြမ်း (ပါးပါးလှီးထားပါ)
အချောင်းလိုက်လှီးထားသော ချိစ် ပန်းကန်လုံး တစ်လုံးခန့်
ခရင်မ် စားပွဲတင်ဇွန်း ၂ ဇွန်း

နွားနို့ ဖန်ခွက် ၃ ပုံ ၂ ပုံခန့်
ထောပတ် စားပွဲတင်ဇွန်း ၂ ဇွန်း
ဂျုံမှုန့် စားပွဲတင်ဇွန်း ၂ ဇွန်း
သံလွင်ဆီ စားပွဲတင်ဇွန်း ၂ ဇွန်း

လှီးဖြတ်ထားသော နံနံပင်အရွက် လက်ဖက်ရည်ဇွန်း တစ်ဝက်ခန့်
ဆားအနည်းငယ်
ငရုတ်ကောင်းမှုန့် အနည်းငယ်

ပြုလုပ်နည်းအဆင့်ဆင့်

ကြက်သားတုံးကို တစ်လက်မစီ လှီးဖြတ်ထားလိုက်ပါ။ မှိုများကိုလည်း ကန့်လန့်လိုက်လှီးထားပြီး ကြက်သွန်နီကိုလည်း ပါးပါးလှီးထားပါ။

လက်ကိုင်ပါတဲ့ ဒယ်အိုးထဲမှ သံလွင်ဆီ စားပွဲတင်ဖွန်း တစ်ဇွန်းထည့်ပြီး အပူပေးလိုက်ပါ။ ထို့နောက် ကြက်သားများထည့်ပြီး ၅ မိနစ်ခန့် ကြော်ပေးပါ။ ကြက်သွန်နီထည့်ပြီး ၂ မိနစ်ခန့် ကြော်ပါ။ မှိုထည့်ပြီး ဆားနှင့် ငရုတ်ကောင်းအနည်းငယ်ထည့်ကာ ၁၀ မိနစ်ခန့် ကြော်ပေးလိုက်ပါ။

ခရင်မ်အရသာ ဆော့စ်ပြင်ဆင်ဖို့အတွက် ထောပတ် စားပွဲတင်ဇွန်း ၂ ဇွန်းကို အိုးအသေးလေးထဲထည့်ပြီး အရည်ပျော်အောင် ပြုလုပ်ပါ။ ဂျုံမှုန့်ထည့်ပြီး မွှေပေးပါ။ ထို့နောက် နွားနို့များကို တစ်ခါထည့်ရင် နည်းနည်းချင်းစီထည့်ပြီး မွှေပေးပါ။ အကုန်လုံးလောင်းထည့်လိုက်မယ်ဆိုရင် အတုံးအခဲတွေဖြစ်သွားပါလိမ့်မယ်။ နွားနို့အကုန်လောင်းထည့်လို့ ပြီးရင်တော့ ခရင်မ်ထည့်ပြီး ဆားနှင့် ငရုတ်ကောင်းအနည်းငယ်ထည့်ကာ မွှေပေးလိုက်ပါ။

Oven ကို အပူချိန် ၃၅၀ ဒီဂရီဖာရင်ဟိုက်နဲ့ ကြိုတင်အပူပေးထားလိုက်ပါ။ ဖန်ခွက်လုံး လေးလုံးထဲသို့ ကြော်ထားသော ကြက်ကြော်နဲ့မှိုများကို အညီအမျှခွဲထည့်လိုက်ပါ။