ငါးပိချက်ကိုမှ ရိုးရိုးငါးနဲ့ မဟုတ်ဘဲ ငါးဆားနယ်ပြီးချက်ကြည့်ကြမယ်။ တစ်ခုတော့သတိထားရမှာက သွေးတိုးရှိတဲ့လူတွေဆိုရင်တော့ အများကြီးမစားဖို့ ကြိုပြောချင်ပါတယ်နော်။
ပါဝင်ပစ္စည်းများ
- ခရမ်းချဉ်းသီးခပ်လတ်လတ် – ငါးလုံး
- ဆီစားပွဲတင်ဇွန်း – ၂ဇွန်း
- ငရုတ်သီး – ၁၀တောင့်
- ငံပြာရည် – ၁ဇွန်း (စားပွဲတင်ဇွန်း)
- ဟင်းခတ်မှုန့် – အနည်းငယ်
- ကြက်သွန်နီ – ၃လုံး
- ကြက်သွန်ဖြူ – ၅မွှာ
- နံနံပင် – တစ်စည်း
- ဆနွင်းမှုန့် – အနည်းငယ်
ပြင်ဆင်ပြုလုပ်နည်း
- ငါးကိုဝယ် ရေစင်စင်ဆေး ရေစစ် ဆားများများနယ် ဇကာထဲထည့် အလေးတုံးနှင့်နေ့တဝက်ဖိထားပြီး ချက်ခါနီးမှရေဆေးချက်ပါ ။
- ကြက်သွန်ဖြူ ၊ ကြက်သွန်နီကို ဆီသတ်ပြီး ခရမ်းချဉ်သီးပါအနှစ်ကျအောင် ချက်ထားပါ ။
- ပြီးလျင် ရေဆေးထားသော ငါးထည့်ပါ ။ ငရုတ်သီးစိမ်းပါ ထက်ခြမ်းခွဲထည့်ပါ ။
- အထက်ပါ အရသာတွေအကုန်ရောပြီး ဆီပြန်လာသည်အထိ အိုးကိုလှုပ်လှုပ်ပြီး မွှေပေးပါ ။
- အိုးချခါနီးတွင် နံနံပင်များစင်စင်ဆေး၍ အုပ်ပြီး ပူပူနွေးနွေးသုံးဆောင်နိုင်ပါသည် ။
Credit: Myanmar Yummy Foods
