ကျန်းမာရေးနဲ့ ညီညွတ်ဖို့ဆိုရင် ဟင်းသီးဟင်းရွက်၊ အသီးအနှံတွေများများ စားလို့ အလွယ်တကူ ပြောဆိုကြပါတယ်။ ဟင်းသီဟင်းရွက်၊ အသီးအနှံတွေ များများစားတဲ့အပြင် တခြား အချက်တွေလည်း ရှိနေသေးပါတယ်။
ကျန်းမာရေးနဲ့ ညီညွတ်တဲ့ဆီကို သုံးပါ
ဆီတိုင်းက မကောင်းတာမဟုတ်ပါဘူး။ သံလွင်ဆီလို Unsaturated ဆီတွေက ထောပတ်ဆီလို Over Saturated အဆီတွေထက် ပိုပြီး ကောင်းပါတယ်။ ဒါပေမယ့်လည်း ကယ်လိုရီဓာတ်တွေပါဝင်မှုများတာကြောင့် အနည်းငယ်ဘဲ စားသုံးသင့်ပါတယ်။
ကောက်ပဲသီးနှံတွေကို စားပါ
ကောက်ပဲသီးနှံတွေကို အရောင်ချွတ်ထားတာမဟုတ်တဲ့ ဒီအတိုင်း ပြုလုပ်ထားတာတွေစားသင့်ပါတယ်။ ဥပမာ ဆန်ဆိုရင်လည်း ဆန်အညိုက ဆန်အဖြူထက်ပိုကောင်းပါတယ်။ ဆန်အဖြူက ဆန်ကိုအရောင်ချွတ်ပြီးထုတ်လုပ်ထားတာကြောင့် ဆန်အညိုလောက် အာဟာရမပြည့်ဝပါဘူး။ ဒါကြောင့် အရောင်မချွတ်ထားတဲ့ ကောက်ပဲသီးနှံတွေက အမျှင်ဓာတ်၊ ဗီတာမင်ဘီ၊ မဂ္ဂနီဆီယမ်၊ ဇင့်ဂ် နဲ့ တခြား အာဟာရဓာတ်တွေ ပိုပါဝင်ပါတယ်။
ဟင်းသီးဟင်းရွက်နဲ့ အသီးအနှံတွေ ပိုစားပါ
တစ်နေ့ကို ဟင်းသီးဟင်းရွက်နဲ့ အသီးအနှံကို ၄ကြိမ်ကနေ ၁၃ ကြိမ်စားပေးပါ။ အသီးအရွက်တွေမှာ Antioxidants ဓာတ်နဲ့ ဗီတာမင်ဓာတ်တွေ ကြွယ်ဝစွာပါဝင်ပါတယ်။ ဟင်းသီးဟင်းရွက်နဲ့ အသီးအနှံ ဖျော်ရည် ကို တစ်နေ့ကို ၁ ခွက်သို့မဟုတ် တစ်ဝက်လောက် သောက်ပေးပါ။
အသားအနည်းငယ်လည်း စားပေးပါ
အသားမှာ ပရိုတင်းဓာတ်နဲ့ Saturated အဆီဓာတ် ကြွယ်ဝစွာပါဝင်ပါတယ်။ ဒါကြောင့် အသား၊ ငါး၊ ကြက်သား အနည်းငယ် စားပါ။ ဟင်းခွက်ထဲမှာ အသားအနည်းငယ်၊ အသီးအရွက်နဲ့ ကောက်ပဲသီးနှံ များများ စားပါ။
အဆီနည်းတဲ့ နို့ထွက် ပစ္စည်းတွေ စားပါ
နွားနို့ နဲ့ ဒိန်ချဉ် တို့မှာ ကယ်ဆီယမ်ဓာတ်တွေ ပါဝင်ပါတယ်။ ဒါကြောင့် နွားနို့ကို ဒီအတိုင်းသောက်မယ့်အစား အဆီထုတ်ထားတဲ့ နွားနို့ကို သောက်သင့်ပါတယ်။
ဆိုဒီယမ် ပမာဏကို ထိန်းစားပါ
ကိုယ့်မှာ သွေးတိုးရှိရှိ မရှိရှိ ဆိုဒီယမ် ပမာဏကို ထိန်းစားနိုင်ရင်ကောင်းပါတယ်။ ဆိုဒီယမ်ဓာတ်က ဆားထဲမှာ အများဆုံးပါဝင်ပါတယ်။
