ကိုယ်အလေးချိန်လျှော့ချချင်သူတွေအတွက် ကိုယ်နဲ့ သင့်တော်မဲ့ နည်းလမ်း ရှာတွေ့ဖို့ သိပ်ကိုခက်ပါတယ်။
ကျွန်မတို့တွေက ဝိတ်ကျချင်ပေမဲ့လေ့ကျင့်ခန်းလုပ်ဖို့ ပျင်းရိကြပြီး အစားလည်း လျှော့မစားချင်ကြပါဘူး။ အရသာအရှိဆုံးနဲ့ ဝိတ်ကျစေမဲ့ အဆီကျ ဖျော်ရည်တွေ ဝယ်သောက်ပေမဲ့ ဘေးထွက်ဆိုးကျိုးက စိတ်မချရတဲ့အပြင် ငွေကြေးကုန်ကျများပေမဲ့ ကိုယ်ထင်ထားသလောက် ထိရောက်မှုမရှိတော့ စိတ်ညစ်ကြရပါတယ်။
အရသာလည်းရှိပြီး အဆီကျစေမဲ့ သဘာဝအဆီကျဖျော်ရည်ပြုလုပ်နည်းကို မျှဝေလိုက်ပါတယ်။
ပါဝင်ပစ္စည်း
ပန်းသီး ရှလကာရည် စားပွဲတင်ဇွန်း ၁ ဇွန်း
သံပုယိုသီး ၁ လုံး
ငရုတ်သီးစိမ်းမှုန့် အနည်းငယ်
ရေ ၂၅၀ မီလီလီတာ
ပြင်ဆင်ခြင်း
သံပုယိုသီးကိုအရည်ညစ်ပြီး အခွံကို ပါးပါးဖြစ်အောင်လှီးပေါ။ အဲဒီနောက် ရေကိုဆူအောင်သယ်ပြီး စောစောက လှီးထားတဲ့ သံပုယိုသီးအခွံကိုထည့်ပြီး ၁၀ မိနစ်လောက်ထားပါ။ အဲဒီနောက် ပန်းသီးရှလကာရည်ထည့်ပြီး သံပုယိုရည်ထည့်ပါ။ ပြီးရင် ငရုတ်သီးစိမ်းမှုန့်ထည့်ပါ။ အဲဒီနောက် ဇွန်းနဲ့ သေချာမွှေပြီး အအေးခံထားပါ။
အသုံးပြုခြင်း
ဒီဖျော်ရည်ကို အစားမစားခင်နဲ့ စားပြီးချိန်မှာ သောက်ပါ။ မသောက်ခင်မှာလည်း ထပ်မွှေပေးပါ။ အချိုကြိုက်တယ်ဆိုရင် ပျားရည် စားပွဲတင်ဇွန်း ၁ ဇွန်းထည့်ပြီး သုံးဆောင်နိုင်ပါတယ်။
