ကိုယ်အလေးချိန် လျှော့ချဖို့က အချိန်ပေးဖို့လိုသလို စိတ်ရှည်ရပါတယ်။ ဒါ့ကြောင့်လည်း လူတွေက နောက်ဆုံးပန်းတိုင်ထိမရောက်နိုင်ကြသလို ရလဒ်တွေအပေါ်မှာလည်း စိတ်ကျေနပ်မှုမရှိကြပါဘူး။ ခေတ်ပေါ် အဆီကျဆေးတွေကလည်း ဈေးကြီးပေးဝယ်ရပြီး ဘေးထွက်ဆိုးကျိုးရှိလို့ စိတ်မချရပြန်ပါဘူး။ ဒါဆိုဘယ်လိုလုပ်ကြမလဲ။
မထူးတော့ပါဘူးဆိုပြီး ကျွန်မတို့ရဲ့ မကျေနပ်မှုတွေကို အစားများများစားပေးပြီး စိတ်ဖြေကြတော့ ဒီသံသရာကြီးကလည်း မဆုံးနိုင်တော့ပါဘူး။ ဒါပေမဲ့ ဒါဟာ အမှန်တကယ် ကိုယ်အလေးချိန်လျှော့ချမဲ့နည်းလမ်းမှန်ကို မသိကြသေးလို့ပါ။
အမှန်တကယ်လည်းထိရောက်ပြီး အချိန်တိုအတွင်း ကိုယ်အလေးချိန် ကျစေမဲ့ နည်းလမ်းကောင်းတစ်ခုကို မျှဝေပေးချင်ပါတယ်။ ပြုလုပ်ရလွယ်ကူပြီး ရလဒ်ကောင်းတွေရရှိစေနိုင်မဲ့ ပုံစံကို စာဖတ်သူတွေအတွက် ပြင်ဆင်ပေးထားပါတယ်။
ပါဝင်ပစ္စည်းများ
၁။ ရေ ၈ ခွက်
၂။ ခြစ်ထားတဲ့ဂျင်း စားပွဲတင်ဇွန်း ၁ ဇွန်း
၃။ သခွားသီး ၁ လုံး ( အခွံနွာပြီး အတုံးလိုက်လှီးပါ)
၄။ သံပုရာသီး
၅။ ပူစီနံ အရွက် ၁၂ ရွက်
ပြင်ဆင်ခြင်း
ခွက်တစ်လုံးထဲကို ပါဝင်ပစ္စည်းများအားလုံးကိုထည့်ပါ။ အဲဒီနောက် မွှေပေးပြီး ၁ ည သိပ်ထားပါ။ အဲဒီနောက် အဆီလောင်ကျွမ်းစေတဲ့ အဲဒီဖျော်ရည်ကို နောက်တစ်နေ့ အိပ်ယာနိုးနိုးချင်း (အစာမစားမီ) သောက်ပါ။ အဲဒီနည်းလမ်းအတိုင်း ၄ ရက်ဆက်တိုက်လုပ်ပေးပါ။ ရလဒ်ကောင်းတွေရရှိနိုင်မှာဖြစ်ပါတယ်။
