နှင်းခူဟာ အရေပြား ခြောက်သွေ့ ယားယံတဲ့ အရေးပြားရောဂါတစ်မျိုးဖြစ်ပါတယ်။ နှင်းခူဖြစ်ရင် မကုတ်ခြစ်မိဖို့ အထူးသတိထားရပါမယ်။

baby_skin_care_s6_dermatitis_eczema

အရေပြား ရောဂါတစ်မျိုးဖြစ်တဲ့နှင်းခူရဲ့ နောက်ဆုံးရလဒ်ကတော့ မျက်နှာ၊ လက် ခြေထောက် ၊ လက်ကောက်ဝတ် ၊ ခြေဆစ် ၊လည်ပင်း ၊ ဒူး စတဲ့ နေရာတွေမှာ မိတ်ထတာလိုမျိုး အဖုလေးတွေ ဖြစ်လာပြီး ယားယံလာတော့တာပါပဲ။ နှင်းခူဖြစ်ရတာဟာ Staphylococcus လို့ခေါ်တဲ့ ဘက်တီးရီးယားပိုး တစ်မျိုးကြောင့်ပါ။ အဲဒီ ဘက်တီးရီးယားကို တိုက်ဖျက်နိုင်ဖို့ အုန်းဆီလိုမျိုး သဘာဝနည်းလမ်းလေးတွေနဲ့ ကုသနိုင်ပါတယ်။

နှင်းခူက ကလေး ၅ ဦးမှာ ၁ ဦးနှုန်းနဲ့ လူကြီး ၁၀ ဦးမှာ ၁ ဦးနှုန်းဖြစ်တတ်ပါတယ်။

သန့်စင်တဲ့ အုန်းဆီရဲ့ အကျိုးကျေးဇူးများ

depositphotos_53411553_m-2015-1

အုန်းဆီဟာ နှင်းခူတွေကို သဘာဝအတိုင်း ကုသတဲ့နေရာမှာ ဆေးကောင်းတစ်မျိုးဖြစ်ပါတယ်။ အုန်းဆီမှာ ဘက်တီးရီးယားပိုးမွှားတွေကို သေစေနိုင်သလို အိုမင်ရင့်ရော်မှုကိုလည်း တားဆီးပေးနိုင်ပါတယ်။ အရေပြားယားယံမှုကို သက်သာစေသလို ရောင်ရမ်းတာတွေကိုလည်း သက်သာစေနိုင်ပါတယ်။ ဒါ့အပြင် အုန်းဆီမှာ ဗီတာမင်ဓါတ် ကြွယ်ဝစွာပါဝင်တာကြောင့် အသားအရေကို ကျန်းမာစေပါတယ်။ အရေပြားနဲ့ဆိုင်ရာ ကူးစက်ရောဂါကိုလည်း တားမြစ်ပေးနိုင်စွမ်းရှိပါတယ်။

ဘယ်လိုအသုံးပြုမလဲ

coconut-oil-to-treat-eczema

နှင်းခူဖြစ်နေတဲ့နေရာမှာ အုန်းဆီကို တစ်နေ့တည်းမှာပဲ အကြိမ်အရေအတွက် များများလိမ်းပေးရမှာပါ။ ညင်ညင်သာသာလေး ပွတ်လိမ်းပေးဖို့လိုပါတယ်။

တစ်နေ့ထဲမှာ အကြိမ်အရေအတွက် များများလုပ်ပေးဖို့ လိုအပ်သလို ညအိပ်ယာမဝင်ခင် လိမ်းပေးဖို့လည်းလိုပါတယ်။ အဲဒီလိုနည်းလမ်းအတိုင်း နှင်းခူတွေ မပျောက်မချင်းလုပ်ပေးနိုင်ပါတယ်။

အသုံးမပြုခင်မှာ ဆရာဝန်နဲ့ တိုင်ပင်သင့်သလို ပထမဆုံး မိမိအရေပြားနဲ့ ဓါတ်တည့်မတည့် အနည်းငယ်ပဲ စမ်းလိမ်းပေးသင့်ပါတယ်။ ဒါ့အပြင် သန့်စင်တဲ့ အုန်းဆီ ဖြစ်ဖို့ အထူးဂရုပြုရပါမယ်။