လူတွေရဲ့ ကိုယ်ခန္ဓာဟာ စားထားတဲ့ အစာတွေကို မှန်မှန် ခြေဖျက်နိုင်မှသာ ကျန်းမာတဲ့ ဘဝကို ရရှိနိုင်မှာပါ။ အဲ့လိုမျိုး အစာခြေဖျက်ဖို့ဆိုရင် လူတိုင်းဟာ အမျှင်ဓာတ်တွေ လိုအပ်ပါတယ်။ အရွယ်ရောက်ပြီးသား အမျိုးစားတစ်ယောက်ဟာ တစ်နေ့မှာ အမျှင်ဓာတ် ၃၈ ဂရမ် လိုအပ်ပြီး အမျိုးသမီးတွေကတော့ အနည်းဆုံး ၃၀ ဂရမ် လိုအပ်ပါတယ်။

အမျှင်ဓာတ်ဟာ ဘယ်လို အလုပ်လုပ်ပေးသလဲဆိုရင်တော့ အူထဲက အစာတွေကို ကောင်းကောင်း စုပ်ယူပြီး အစာဟောင်းအဖြစ် ဝမ်းမှန်မှန် သွားစေပါတယ်။ ဒါဆိုရင် နေ့တိုင်း လိုအပ်နေတဲ့ အမျှင်ဓာတ်ကို ဘယ်လို အစားအစာတွေကနေ ရနိုင်ပါသလဲ။

အမျှင်ဓာတ် အများဆုံး ပါဝင်တဲ့ အသီးအနှံ ၇မျိုး ရှိပါတယ်။

၁။ သစ်တော်သီး

သစ်တော်သီး အရွယ်တော် တစ်လုံးမှာ အမျှင်ဓာတ် ၆ဂရမ် ပါဝင်ပါတယ်။ အခုဆိုရင် သစ်တော်သီး ပေါ်ချိန်လည်း ရောက်ပြီမို့ အဆင်ပြေပါတယ်။

၂။ ပန်းသီး

ပန်းသီး တစ်လုံးမှာ အမျှင်ဓာတ် ၄ဂရမ် ပါဝင်ပါတယ်။ ရာသီမရွေး ရနိုင်တဲ့ အသီးတစ်မျိုး ဖြစ်တာကြောင့် စားဖို့ မခက်ခဲလှပါဘူး။

၃။ ငှက်ပျောသီး

ငှက်ပျောသီး တစ်လုံးမှာ အမျှင်ဓာတ် ၃ဂရမ် ပါဝင်ပါတယ်။ အချိန်မရွေး ရနိုင်တဲ့ အသီးဖြစ်ပြီး ဈေးလည်း ချိုတာကြောင့် စားကြစို့နော်။

၄။ လိမ္မော်သီး

လိမ္မော်သီးမှာ အမျှင်ဓာတ် ၄ဂရမ် ပါဝင်ပါတယ်။ ဗီတာမင်စီလည်း ပေါကြွယ်တာကြောင့် လိမ္မော်သီးဟာ ကမ္ဘာ့ကျန်းမာရေးနဲ့ အညီညွှတ်ဆုံး အသီးစာရင်း ဝင်ဖြစ်ပါတယ်။

၅။ ဆီးသီးခြောက်/ဆီးသီး

သရေစာ အဖြစ်စားတဲ့ ဆီးသီးခြောက်မှာ အမျှင်ဓာတ်တွေ ပေါများစွာ ပါဝင်နေပါတယ်။  (ခွက်တစ်ဝက်စာ ပမာဏမှာ အမျှင်ဓာတ် ခြောက်ဂရမ်ပါဝင်တာကြောင့် သရေစာ အဖြစ် စားရင်း ကျန်းမာရေးနဲ့လည်း  ညီညွှတ်စေပါတယ်။

၆။ မက်မွန်သီးခြောက်/မက်မွန်သီး

သရေစာ အစားအစာ အဖြစ် အများဆုံး စားပါတယ်။ မက်မွန်သီးခြောက် ခွက်ရဲ့ လေးပုံတစ်ပုံမှာ အမျှင်ဓာတ် ၃ဂရမ် ပါဝင်ပါတယ်။

၇။ စပျစ်သီးခြောက်/စပျစ်သီး

အချို့ ဟင်းလျာတွေထဲ ထည့်ချက်စားသလို သရေစာ အဖြစ်လည်း စားကြပါတယ်။ ချိုချဉ်အရသာနဲ့ စပျစ်သီးခြောက် နှစ်အောင်စမှာ အမျှင်ဓာတ် ၂ဂရမ် ပါဝင်ပါတယ်။ စပျစ်သီးဟာလည်း အမျှင်ဓာတ် ၄ဂရမ် ပါဝင်တဲ့ အသီးတစ်မျိုးပါ။

အခြား အမျှင်ဓာတ် ကြွယ်ဝတဲ့ ဟင်းသီးဟင်းရွက်နဲ့ အသီးအနှံတွေ အကြောင်း ဆက်ပါဦးမည်။..

Credit: vazzel