လွယ်ကူရိုးရှင်းတဲ့ အိမ်လုပ် ချိစ်ပီဇာ

အားလုံးပဲ မင်္ဂလာပါ။ ဒီတစ်ခါမှာတော့ ပြုလုပ်ရလွယ်ကူပြီး အရသာရှိတဲ့ ချိစ်ပီဇာ ပြင်ဆင်ပြုလုပ်နည်းကို ဝေမျှပေးချင်ပါတယ်။

ပါဝင်ပစ္စည်းများ

ပေါင်မုန့်ဂျုံမှုန့် ၄၀၀ ဂရမ်
ဆား လက်ဖ်ကရည်ဇွန်း ၂ ဇွန်း
တဆေး လက်ဖက်ရည်ဇွန်း ၁ ဇွန်း
ရေ စားပွဲတင်ဇွန်း ၁၉ ဇွန်း
သံလွင်ဆီ လက်ဖက်ရည်ဇွန်း ၂ ဇွန်း

ပီဇာဆော့စ် စားပွဲတင်ဇွန်း ၂၄ ဇွန်း
Mozzarella ချိစ် ၁၂ အောင်စ
အချောင်းလိုက် လှီးဖြတ်ထားသော Parmesan ချိစ် ၂ အောင်စ

ပြုလုပ်နည်း အဆင့်ဆင့်

၁။ ဇလုံအကြီးတစ်လုံးထဲတွင် ဂျုံမှုန့်၊ ဆား၊ တဆေး၊ ရေနှင့် ဆီတို့ကို သမအောင် ရောနယ်လိုက်ပါ။

၂။ ထို့နောက် ဇလုံကို ပလပ်စတစ်ဖြင့် ပိတ်လှောင်ပြီးနောက် ၈ နာရီမှ ၂၄ နာရီအထိ နှပ်ထာားလိုက်ပါ။

၃။ သတ်မှတ်ချိန်ပြည့်အောင် နှပ်ထားပြီးတဲ့အခါမှာတော့ ဂျုံလုံးက ပွလာပါလိမ့်မယ်။ ထိုအခါ ဂျုံလုံးမျက်နှာပြင်ကို ဂျုံမှုန့် အနည်းငယ်ဖြင့် ဖြူးပေးလိုက်ပါ။

ထို့နောက် ဂျုံလုံးကို ၂ ပိုင်း အညီအမျှ လှီးဖြတ်လိုက်ပါ။ ထို့နောက် ဂျုံလုံးက တင်းတင်းရင်းရင်းလေးနဲ့ လုံးလုံးလေးဖြစ်သွားသည်အထိ လှိမ့်ကာ လုံးပေးလိုက်ပါ။

၄။ ထို့နောက် ၁၀ လက်မအရွယ်အစားရှိ ဒယ်အိုးကို ဆီ စားပွဲတင်ဇွန်း ၂ ဇွန်းဖြင့် သုတ်လိမ်းလိုက်ပါ။ ထို့နောက် ဂျုံလုံး ၁ လုံးထည့်ကာ ပြားအောင် ဖိပေးလိုက်ပါ။

တစ်ဖန်ဒယ်အိုးကို ပလပ်စတစ်ဖြင့် အုပ်ပြီးနောက် ၂ နာရီခန့် ထားထားလိုက်ပါ။

(၁ နာရီပြည့်ပြီးနောက်မှာတော့ Oven ကို ၅၅၀ ဒီဂရီဖာရင်ဟိုက်ဖြင့် ကြိုတင်အပူပေးထားလိုက်ပါ)

၅။ ၂ နာရီပြည့်တဲ့အခါမှာတော့ ဂျုံပြားက ဒယ်အိုးအပြည့် ဖြစ်သွားအောင်လို့ လက်ချောင်းများဖြင့် ဖြန့်ကျက်ပေးလိုက်ပါ။

၆။ ထို့နောက် ဂျုံပြားမျက်နှာပြင်ပေါ်သို့ ပီဇာဆော့စ်များ ဆမ်းပေးလိုက်ပါ။ Mozzarella ချိစ်နှင့် ဆားတို့ ဖြူးထည့်ပေးလိုက်ပါ။ (မိမိကြိုက်နှစ်သက်ရာ အခြားသော Toppings များလည်း ထပ်ထည့်နိုင်ပါတယ်)