အားလုံးပဲ မင်္ဂလာပါ။ အရသာအပေါ့အငန် အစပ်အဟပ်တည့်တဲ့ ထိုင်းစတိုင်လ် အမဲသားသုပ် အစပ်ဟင်းကို ဘယ်လိုပြင်ဆင်ချက်ပြုတ်နိုင်မလဲဆိုတာ ကို MyFood Myanmar ရဲ့အစားအသောက်ချစ်သူများအတွက် ဝေမျှပေးလိုက်ရပါတယ်။
ပါဝင်ပစ္စည်းများ
- အမဲသား ၃၀၀ ဂရမ်
- ခရမ်းချဉ်သီး ၂ လုံး (ပါးပါးလှီးထားပါ)
- သခွားသီး ၁ ဝက် (ပါးပါးလှီးထားပါ)
- ငရုတ်သီးထောင်း စားပွဲတင်ဇွန်း ၃ ဇွန်း
- ငရုတ်သီး ၃ တောင့် (ပါးပါးလှီးထားပါ)
- သကြား စားပွဲတင်ဇွန်း ၁ ဇွန်း
- စပါးလင် ၁ ပင် (ပါးပါးလှီးထားပါ)
- ခရုဆီ စားပွဲတင်ဇွန်း ၃ ဇွန်း နှင့် ငါးငံပြာရည် စားပွဲတင်ဇွန်း ၃ ဇွန်း
- သံပုယိုရည် စားပွဲတင်ဇွန်း ၃ ဇွန်း
- ပါးပါးလှီးထားသော ကြက်သွန်မြိတ် စားပွဲတင်ဇွန်း ၄ ဇွန်း
ပြုလုပ်နည်း အဆင့်ဆင့်
၁။ အမဲသားများကို ပါးပါးလှီးထားပါ။ ထို့နောက် ပန်းကန်လုံးအကြီးထဲထည့်ကာ ခရုဆီ စားပွဲတင်ဇွန်း ၃ ဇွန်းဖြင့် သမအောင် ရောနယ်ထားပါ။ ထို့နောက် ၁၀ မိနစ်ခန့် နှပ်ထားပါ။
၂။ ထို့နောက် ဒယ်အိုးကို အပူပေးပြီး ဆီထည့်ပါ။ ဆီပူလာပါက အမဲသားထည့်ကာ ၅ မိနစ်ခန့် မွှေကြော်ပါ။
၃။ သကြား စားပွဲတင်ဇွန်း ၁ ဇွန်းထည့်ကာ သမအောင် မွှေကြော်ပါ။ ရရှိလာတဲ့ အမဲသားကို ပန်းကန်လုံးထဲ ပြန်ထည့်ထားလိုက်ပါ။
၄။ တစ်ဖန် အမဲသားပန်းကန်လုံးထဲသို့ ငရုတ်သီးထောင်း၊ သံပုယိုရည် စားပွဲတင်ဇွန်း ၃ ဇွန်း၊ ငါးငံပြာရည် စားပွဲတင်ဇွန်း ၃ ဇွန်း၊ ငရုတ်သီးစိမ်း၊ စပါးလင်၊ သခွားသီးတို့ထည့်ကာ သမအောင် ရောနယ်လိုက်ပါ။
၅။ အားလုံးနယ်ပြီးသွားတဲ့အခါမှာတော့ ကြက်သွန်မြိတ်နှင့် နံနံပင်တို့ထည့်ကာ နောက်ဆုံးတစ်ကြိမ်ခန့် နယ်လိုက်ပါ။
အရသာအပေါ့အငန် အစပ်အဟပ် မြည်းစမ်းကြည့်ပြီးနောက်မှာတော့ အရသာရှိတဲ့ အမဲသားသုပ် အစပ်ဟင်းလျာတစ်ပွဲ ရရှိသွားပါပြီ။
Source: Siamsizzles.com
