လူလေးယောက်စာ
ပါဝင်ပစ္စည်းများ
- အမဲသား – ၂၅၀ ဂရမ်
- သံလွင်ဆီ – စားပွဲတင်ဇွန်း ၂ ဇွန်း
- ဆား
- ငရုတ်ကောင်း
- ဟင်းချက်ခရင်မ် – ၂၅၀ မီလီလီတာ
- စပါကတီပါစတာ – ၅၀၀ ဂရမ်
- Parmesan ချိစ် – ၅၀ ဂရမ်
- နံနံပင်
ပြင်ဆင်ချက်ပြုတ်နည်း
အဆင့် ၁ – လက်ကိုင်တပ်ဒယ်အိုး ခပ်ကြီးကြီးကို မီးပြင်းပြင်းမှာ အပူပေးပါ။ ဆီထည့်ကာ အမဲသားတွေလည်း ထည့်လိုက်ပါ။
အမဲသားတွေ ကျက်သွားသည်အထိ မိနစ်အနည်းငယ်လောက် မွှေနေပေးပြီး ချက်ပါ။
အဆင့် ၂ – ခရင်မ်ထည့်ပါ။
ပွက်ပွက်ဆူအောင် တည်ပေးပြီး ၂ မိနစ်လောက်ထားပါ သို့မဟုတ် အတန်ငယ်ပျစ်လာသည်အထိ ထားပါ။
ထိုနောက် ဆား၊ ငရုတ်ကောင်းတို့ထည့်ကာ အရသာဖြည့်စွက်ပါ။
အဆင့် ၃ – ဆားထည့်ထားတဲ့ အိုးကြီးကြီးတစ်လုံးထဲက ရေနွေးထဲမှာ ပါစတာခေါက်ဆွဲတွေကို အထုပ်မှညွှန်ကြားချက်တွေအတိုင်း ချက်ပေးပါ။ (ပါစတာခေါက်ဆွဲတွေ တစ်မျှင်နဲ့တစ်မျှင် မကပ်စေဖိုအတွက် သံလွင်ဆီအတန်ငယ်ထည့်ပါ)
အဆင့် ၄- ခေါက်ဆွဲတွေနူးပြီဆိုပါက ပန်းကန်ပြားတစ်ခုထဲထည့်ကာ အပေါ်မှနေပြီး အမဲသား ကာဗိုနာရာဆော့စ်ကို လောင်းလိုက်ပါ။
ပြီးလျှင် အပေါ်မှ Parmesan ချိစ်ဖြူးပေးပါ။
နောက်ဆုံးအနေနဲ့ နံနံပင်ရွက်လေးတွေချွေပြီး အလှဆင်ပေးလိုက်ပါ။
