ဟော့ဒေါ့ကို ချိစ်ပြားကပ်ပြီးအရသာပိုရှိအောင် အိမ်မှာပြန်ကြော်စားနိုင်မယ့်နည်းလမ်း

ဟော့ဒေါ့ကို ဒီတိုင်းပဲစားနေရတာ ရိုးလာရင် အိမ်မှာ တစ်မျိုးပြောင်းပြီး ထွင်စားကြည့်ပါ။ ဒီတစ်ခါမှာတော့ ချိစ်ကြိုက်တဲ့သူတွေအတွက် ဟော့ဒေါ့ကို ချိစ်ပြားကပ်ပြီး မုန့်နှစ်နဲ့ ပြန်ကြော်စားနိုင်မယ့် နည်းလမ်းလေးကို မျှဝေပေးလိုက်ပါတယ်။ လုပ်ရတာမခက်ခဲပါဘူးနော်။

ချိစ်အပြားတစ်ပြားကိုယူပြီး ဟော့ဒေါ့တစ်ချောင်းတင်ပါ။ ပြီးရင်တော့ လက်နဲ့လိပ်ပေးပြီး ဒုတ်ချောင်းထိုးပါ။ ကိုယ်စားချင်သလောက် အားလုံးလုပ်ပြီးရင်တော့ မိနစ် ၂၀ လောက် အအေးခံထားလိုက်ပါ။

ပန်းကန်လုံးအကြီးထဲကို ဂျုံမှုန့် – ခွက်သေး ၂ ခွက်စာထည့်ပါ။ ဆား – စားပွဲတင်ဇွန်း ၁ ဇွန်း၊ ငရုပ်ကောင်းမှုန့် – စားပွဲတင်ဇွန်း ၁ ဇွန်း၊ မုန့်ဖုတ်ဆိုဒါ – စားပွဲတင်ဇွန်း ၁ ဇွန်းထည့်ပြီး နွားနို့ – ခွက်တစ်ခွက်ခွဲစာ ထည့်ပါ။ ကြက်ဥ – ၂ လုံးလည်း ဖောက်ထည့်ပြီး သမအောင်မွှေပေးပါ။

သေချာသမအောင်မွှေပြီးရင် ပန်းကန်လုံးအရှည်ထဲ ပြောင်းထည့်လိုက်ပါ။ ဒါမှ လုပ်ရတာ ပိုလွယ်ကူမှာပါ။
ခုနကအအေးခံထားတဲ့ ဟော့ဒေါ့တွေကို တစ်ချောင်းချင်းယူပြီး ပန်းကန်လုံးထဲ နှစ်ထည့်ပါ။