ကိုရီးယားအစားအစာတွေ ကြိုက်နှစ်သက်သူများအတွက် ကင်ချီထမင်းကြော်ကတော့ မဖြစ်မနေမြည်းစမ်းကြည့်သင့်တဲ့ အစားအစာတစ်ခုပဲဖြစ်ပါတယ်။ ကင်ချီထမင်းကြော် ကြော်စားတဲ့အခါ အမဲသား (သို့) ကြက်သား (သို့) တူနာငါး စတဲ့ အသားငါးတွေနဲ့ ကြော်လှော်စားသောက်နိုင်ပါတယ်။
စာရေးသူကတော့ အမဲသားကို ပိုကြိုက်တဲ့အတွက်ကြောင့် အမဲသားထည့်ကြော်ထားပါတယ်။
ပါဝင်ပစ္စည်းများ
- ကင်ချီ ၂၂၅ ဂရမ်
- ကြက်သွန်နီ တစ်ခြမ်း (နုပ်နုပ်စဉ်းထားပါ)
- ပါးပါးလှီးထားသော ကြက်သွန်ဖြူ စားပွဲတင်ဇွန်း ၁ ဇွန်း
- ပဲငံပြာရည် စားပွဲတင်ဇွန်း ၁ ဇွန်း
- ဆီ (သို့) ထောပတ် စားပွဲတင်ဇွန်း ၁ ဇွန်း
- အမဲသားအနည်းငယ် (ပါးပါးလှီးထားပါ)
- ထမင်း ပန်းကန်လုံး ၃ လုံးစာ
- ဆားအနည်းငယ်
- ကြက်ဥ Half-Fried ၄ လုံး
ပြုလုပ်နည်း အဆင့်ဆင့်
၁။ အရင်ဦးဆုံး ဒယ်အိုးကို အပူပေးပြီး ကင်ချီနဲ့ ကြက်သွန်ဖြူတို့ကို မိနစ်အနည်းငယ်ခန့် ကြော်ပေးလိုက်ပါ။
၂။ ပြီးရင်တော့ ကြက်သွန်ဖြူ၊ ပဲငံပြာရည်၊ ထောပတ် စားပွဲတင်ဇွန်း တစ်ဝက်တို့ထည့်ကာ ၂ မိနစ်၊ ၃ မိနစ်ခန့် မွှေကြော်ပေးလိုက်ပါ။
၃။ ထို့နောက် ပါးပါးလှီးထားသော အမဲသားထည့်ကာ အသားကျက်သွားသည်အထိ ကြော်ပေးရပါမယ်။
၄။ ထို့နောက် မီးပိတ်လိုက်ပါ။ ဒယ်အိုးထဲသို့ ထမင်းနှင့် ကျန်ရှိနေသော ထောပတ်တို့ထည့်ကာ မီးအပူရှိန်ဖြင့် သမအောင် ကြော်ပေးလိုက်ပါ။
၅။ ဆားအနည်းငယ်ထည့်ကာ အရသာအပေါ့အငန်းမြည်းကြည့်ပြီးတဲ့နောက်မှာတော့ အရသာရှိတဲ့ ကိုရီးယားကင်ချီ ထမင်းကြော်လေး ရရှိသွားပါပြီ။
ပန်းကန်လုံးထဲထည့်ကာ ကြက်ဥ Half-Fried နဲ့အတူတူ အရသာရှိရှိ သုံးဆောင်နိုင်ပါပြီ။
Source: Thespruceeats.com
