သစ်တော်သီးဟာ ဈေးနှုန်းအသင့်အတင့်ရှိပြီး ကျန်းမာရေးနဲ့ ညီညွှတ်တဲ့ အာဟာရဓါတ်တွေ အများအပြားပါဝင်ပါတယ်။ သစ်တော်သီးဟာ ကျန်းမာရေးအတွက် အကောင်းဆုံး အသီးအနှံတစ်မျိုးပါ။
မိသားစုဝင်တွေနဲ့အတူ မနက်ခင်းမှာ သစ်တော်သီး ဖျော်ရည်တစ်ခွက်သောက်တာဟာ ကိုယ်ခံအားစနစ်ကို ကောင်းမွန်စေရုံသာမက ကျန်းမာရေး အကျိုးကျေးဇူး အများအပြားရှိနေပါတယ်။
အကျည်းချုပ်ပြောရရင်
သစ်တော်သီးဟာ ကင်ဆာဖြစ်ပွားမှုကိုလျှော့ချပေးတဲ့အပြင် အစာချေစနစ်ကိုကောင်းမွန်စေပါတယ်။ ဒါ့အပြင် သွေးလည်ပတ်မှု ကောင်းမွန်စေပြီး လေဖြတ်မှုအန္တရာယ်ကို လျှော့ချပေးနိုင်ပါတယ်။
ပါဝင်ပစ္စည်း
သစ်တော်သီး ၂ လုံး
ရေ ခွက် တစ်ဝက်
ပျားရည် လက်ဖက်ရည်ဇွန်း ၁ ဇွန်း
သံပုယိုရည် အနည်းငယ်
ပြင်ဆင်ခြင်း
ပထမဆုံး သစ်တော်သီး ၂ လုံးကို ရေဆေးပြီး အခွံ နွှာပါ။ ပြီးရင် ထက်ခြမ်းခြမ်းပြီး Blender (ဖျော်စက်) ထဲထည့်ပါ။ အဲဒီနောက် ရေရောလိုက်ပါ။ ပြီးရင် သံပုယိုရည် အနည်းငယ်ညစ်ထည့်ပြီး ပျားရည် လက်ဖက်ရည်ဇွန်း ၁ ဇွန်း ထည့်ပေးပါ။ ပြီး၇င်တော့ ရေခဲရေထည့်ပြီး အရသာရှိတဲ့ သစ်တော်သီး ဖျော်ရည်ကို သောက်သုံးနိုင်ပါပြီ။
