အသီးအရွက်သုပ်ကတော့ နွေ၊ မိုး၊ ဆောင်း ရာသီမရွေး စားသုံးကြပါတယ်။ ထမင်းဝိုင်းမှာ အသုတ်လေးတစ်မျိုး ပါလိုက်မှ ထမင်းစားမှိန်တဲ့သူတွေလည်းရှိပါတယ်။ လတ်ဆတ်ပြီး ပြုလုပ်ရတာ လွယ်ကူ လျင်မြန်တဲ့အပြင် အရောင်အသွေးစုံလင်လို့ စားချင်စဖွယ်ကောင်းတဲ့ အသုပ် ၃ မျိုး သုပ်နည်းကို ပြောပြပေးပါ့မယ်။
ဂေါ်ဖီသုပ်
ပါဝင်ပစ္စည်း
ဂေါ်ဖီ
မုန်လာဥ
ကြက်သွန်နီ
သံလွင်ဆီ
နံနံပင်
သံပုရာသီး
ဆား
ဟင်းခတ်အမွှေးအကြိုင်
ပြုလုပ်နည်း
မုန်လာဥနီ ၂ လုံး နဲ့ ဂေါ်ဖီ (အနီ၊အဖြူ) တစ်ဝက်လောက်ကို ပါးပါးလှီးပြီး ပြုတ်ပေးပါ။ အဲဒီနောက် ကြက်သွန်နီကို ပါးပါးလှီးပြီးထည့်ပါ။ အဲဒီနောက် နံနံပင် အနည်းငယ်ထည့်ပါ။ ထောပတ်၊ ဆား တခြားဟင်းခတ်အမွှေးအကြိုင်တွေကို လိုသလို ထည့်ပါ။
အဲဒီနောက် သံပုရာသီး ညှစ်ထည့်ပေးပါ။ ကဲ စားသုံးနိုင်ပါပြီနော်။
ခေါက်ဆွဲသုပ်
အရသာရှိပြီး လွယ်လွယ်ကူကူပြုလုပ်လို့ရတဲ့ခေါက်ဆွဲသုပ်တစ်မျိုးကိုလည်း မိတ်ဆက်ပေးချင်ပါတယ်။
ပါဝင်ပစ္စည်း
ခေါက်ဆွဲ (မိမိနှစ်သက်ရာ)
သခွားသီး
မုန်လာဥနီ
ပဲငံပြာရည်
ဆား
ငရုတ်သီး
Balsamic Vinegar
ပြုလုပ်နည်း
ခေါက်ဆွဲကို ပွက်ပွက်ဆူနေတဲ့ရေနွေးထဲထည့်ပြီး ၅ မိနစ်လောက် ပြုပ်ထားပါ။အဲဒီလို ပြုပ်နေချိန်မှာ သခွားသီး နဲ့ မုန်လာဥနီကို ပါးပါးလှီးပြီး ထည့်ပါ။ အဲဒီနောက် ငံပြာရည်အနည်းငယ် ဆားအနည်းငယ် နဲ့ ငရုတ်သီးအနည်းငယ်ထည့်ပါ။
ဒီအချိန်လောက်ဆိုရင်တော့ ခေါက်ဆွဲက အနေတော်ဖြစ်နေလောက်ပြီဆိုတော့ခေါက်ဆွဲကို ရေဆစ်ပြီး အအေးခံပါ။ အဲဒီနောက် ပါဝင်ပစ္စည်းတွေ ရောပြီး သုပ်ပေးပါ။ သံလွင်ဆီအနည်းငယ်နဲ့ ရှလကာရည်ကိုလည်း ထပ်ထည့်နိုင်ပါတယ်။
ပန်းဂေါ်ဖီသုပ်
ပန်းဂေါ်ဖီ ( ၁/၄ ပုံအရွယ်အစား)
ပန်းသီး ၁/၂
Sour Cream စားပွဲတင်ဇွန်း ၁ ဇွန်း
Mayonnaise ( ဆီ၊ ကြက်ဥအနှစ်၊ ရှလကာရည် တို့ကို ပေါင်းစပ်ထားတဲ့ ခရင်မ်) စားပွဲတင်ဇွန်း ၁ ဇွန်း
သစ်ကြားသီး ၁၀ ဂရမ်
ဗာဒံသီး (Almond)
စပျစ်သီးခြောက် ၁၀ ဂရမ်
ပျားရည် လက်ဖက်ရည်ဇွန်း ၁/၂
ပြုလုပ်နည်း
ဂေါ်ဖီစိမ်းကို လှီးပေးပါ။ ပန်းသီးကို လေးထောက်တုံးသေးသေးလေး လှီးပေးပါ။
သစ်ကြားသီးနဲ့ ဗာဒံသီးကို ထုပေးပါ။
ခွက်တစ်လုံးထဲကို ပန်းဂေါ်ဖီ၊ Sour Cream၊ Mayonnaise ၊ ပန်းသီး၊ သစ်ကြားသီး၊ ဗာဒံသီး၊ ပျားရည်ကို ထည့်ပါ။ အဲဒီနောက် ဆား ငရုတ်သီးမူန့်ကိုထည့်ပြီး နှယ်ပေးပါ။ တကယ်လို့ Mayonnaise ရဲ့အရသာကို မကြိုက်ဘူးဆိုရင် Sour Cream ကို ပဲထည့်ပေးလို့ရပါတယ်။ အသုပ်ကို စားချင်စဖွယ်လေးဖြစ်နေစေဖို့ စက္ခုအာရုံကို ဖမ်းစားနိုင်ဖို့ အလှဆင်တဲ့အနေတဲ့ စပျစ်သီးခြောက်တွေကို ထည့်ပေးပါ။
