ယနေ့ခေတ်မှာ Alkaline ဖျော်ရည်ကို သောက်သုံးပေးဖို့ အရေးကြီးလာပါပြီ။ ဘာလို့လဲဆိုတော့ ကျွန်မတို့ရဲ့ ခန္တာကိုယ်က ရေဓါတ်အများဆုံးနဲ့ ဖွဲ့စည်းထားတာဖြစ်ပြီး PH Balance မညီမျှတာရဲ့ ဆိုးကျိုးတွေကလည်း ကျန်းမာရေးကို ထိခိုက်စေလို့ပါ။
ကင်ဆာဆဲလ်တွေက Alkaline ဓါတ်ရှိတဲ့နေရာမှာ အသက်မရှင်နိုင်ပါဘူး။ အရေးကြီးဆုံးသိရမဲ့အချက်က ဦးနှောက်ဟာ ရေဓါတ် ၉၀ % နဲ့ အလုပ်လုပ်တယ်ဆိုတာပါပဲ။ ကျန်းမာရေးကိုအထူးဂရုစိုက်တယ် ကင်ဆာရောဂါနဲ့ ကင်းဝေးချင်တယ်ဆိုရင်တော့ ကင်ဆာတိုက်ဖျက်နိုင်တဲ့Alkaline ဖျော်ရည်ကိုအခုပဲ ပြုလုပ်လိုက်ကြရအောင်ပါ။
Alkaline ဖျော်ရည်ကိုဘယ်လိုလုပ်မလဲ
Alkaline လို့မှတ်ယူဖို့အတွက် ရေမှာ PH ၈ နဲ့ ၉ ကြား ရှိရမှာဖြစ်ပါတယ်။
PH Balance ညီမျှဖို့ဘာလို့အရေးကြီးသလဲ
ကျွန်မတို့တွေဟာ ခန္တာကိုယ်အတွက် အချည်ဓါတ် (Acid) များတဲ့ အစားအစားကို စားသုံးလာကြပါတယ်။ ဥပမာ အရက်သေစာသောက်သုံးတာ ၊ သကြားများများစားတာ ၊ ကဖိန်းဓါတ်ပါတဲ့အစားအစာနဲ့ အရည်သောက်တာ ၊ အသင့်စား အစားစာနဲ့ ဆားကို အများကြီးစားသုံးတာတွေပါ။ အဲဒီလိုစားသုံးတာဟာ ခန္တာကိုယ်အတွက် အချည်ဓါတ်များပြားစေပြီး ကိုယ်ခံအားနည်းလာတာ၊ ခေါင်းကိုက်တာ ၊ ပင်ပန်းနွမ်းနယ်တာ နဲ့ ဗိုက်နာတာအပါအဝင် ကျန်းမာရေးဆိုင်ရာ ပြဿနာတွေ ဖြစ်လာနိုင်ပါတယ်။
Acid ဓါတ်များတာ (သို့) Alkaline ဓါတ်များတာဟာ ကျန်းမာတဲ့ ဆဲလ်တွေက အဆိပ်အတောက်ဖြစ်စေနိုင်သလို ဆဲလ်တွေကို သေစေနိုင်ပါတယ်။ဒါ့ကြောင့် PH Balance ကို ညီမျှအောင်ထိန်းဖို့အရေးကြီးပါတယ်။
လက်ရှိကျွန်မတို့စားသုံးနေတဲ့စားအစာက Acid ဓါတ်များပြားတာကြောင့် Alkaline ဖျော်ရည်ကို သောက်သုံးပေးဖို့လိုအပ်လာပါတယ်။
ပါဝင်ပစ္စည်း
ဆား (Himalayan Salt) စားပွဲတင်ဇွန်း ၁ ဇွန်း (ကျန်းမာရေးဆေးဆိုင်တွေမှာ ဝယ်ယူနိုင်ပါတယ်)
သန့်ရှင်းတဲ့ရေ ၂ လီတာ
အော်ဂဲလ်နစ် သံပုယိုသီး ၁ လုံး (ဆေးပြီး အချပ်လိုက်လှီးထားပါ)
ပြင်ဆင်ခြင်း
ကရားတစ်လုံးထဲကို ရေထည့်လိုက်ပါ။ အဲဒီနောက် သံပုယိုသီး လှီးထားတာကိုထည့်ပါ။ သံပုယိုသီးကို အရည်ညစ်ပေးစရာမလိုပါဘူး။ ဆားထည့်ပြီး အဖုံးပိတ်ထားပါ။ တစ်ညလောက် (၈နာရီကနေ ၁၂ နာရီထိ) အိမ်ထဲမှာ သိပ်ထားပါ။ မနက်ဖက်မှာ အဲဒီအရည်ကို အိပ်ယာနိုးနိုးချင်း ၃ ခွက်သောက်ပေးပါ။
ကင်ဆာရောဂါကနေ ကင်းဝေးနိုင်ကြပါစေ။
