[Unicode]

အရသာ ချိုလွန်းလို့ တစ်ချို့ကတော့ သိပ်ကြိုက်လှပါဘူး။ အချိုဓာတ်ဟာ သဘာဝအတိုင်း အပြည့်အ၀ ပါဝင်တာကြောင့် ဟင်းခတ်မလိုတဲ့ ဟင်းသီးဟင်းရွက် တစ်မျိုးကတော့ ဂေါ်ရခါးသီး ခေါ် စူကာသီးပဲ ဖြစ်ပါတယ်။ အနွယ်ပင်တွေကနေ သီးလာတဲ့ ဆူးခပ်ပါးပါးနဲ့ အသီးဟာ စားတဲ့ အခါ အရသာ အလွန်ရှိလှတာ မငြင်းနိုင်ပါဘူး။ အနောက်နိုင်ငံတွေမှာ လူကြိုက်များတဲ့ အသီးဖြစ်ပြီး မြန်မာနိုင်ငံမှာလည်း အများစု စားကြပါတယ်။

အေးမြတဲ့ ဒေသတွေမှာ ဖြစ်ထွန်းတဲ့ ဂေါ်ရခါးသီးကို ရှမ်းပြည်ဘက်မှာ တစ်နှစ်ပေါက်လုံး ပေါက်ရောက်ပါတယ်။ ဂေါ်ရခါးညွှန့်ကိုလည်း ကြော်စား ချက်စား စားကြပြီး အသီးကတော့ ဈေးချိုလှပါတယ်။ အရည်ရွှမ်းတဲ့ စူကာသီးကို ကြက်ဥနဲ့ ရောမွှေကြော်စားလေ့ ရှိပြီး အခြား နှစ်သက်တဲ့ အသားတွေနဲ့လည်း ရောနှော ချက်ပြုတ်လေ့ ရှိကြပါတယ်။ ချဉ်ရည်ချက်စားကြသလို အတို့အမြုပ်အနေနဲ့လည်း စားကြပါသေးတယ်။

ဂေါ်ရခါးသီးမှာ ကစီဓာတ်၊ ပရိုတင်း၊ အဆီဓာတ်၊ အမျှင်ဓာတ်၊ ဖောလိပ်၊ နီအာစင်၊ ပန်တိုသနစ်၊ ဗီတာမင် စီ၊ အီး၊ကေနဲ့ ဆိုဒီယမ်၊ ပိုတက်ဆီယမ်၊ ကယ်လ်ဆီယမ်၊ သံဓာတ်နဲ့ အခြားအကျိုးပြုဓာတ်တွေ ပါဝင်ပါတယ်။ ဂေါ်ရခါးသီးမှာ ဖောလိပ်ဓာတ် ပါရှိတာကြောင့် ကိုယ်ဝန်ဆောင်တွေအနေနဲ့ မဖြစ်မနေ စားသုံးသင့်ပါတယ်။ မွေးလာတဲ့ ကလေးကို အာရုံကြောရောဂါတွေ ကင်းဝေစေပြီး ကျန်းမာစေပါတယ်။

အမျှင်ဓာတ်နဲ့ ရေဓာတ် စွမ်းအင်ပြည့်ပါဝင်တာကြောင့် ကိုယ်အလေးချိန် ထိန်းသူတွေ အတွက်တော့ လက်တွဲဖော်ပါပဲ။ ကင်ဆာကို ဆန့်ကျင်ပေးတဲ့ ဓာတ်တွေ စုဝေးထားတာကြောင့် အစာအိမ်၊ရင်သားနဲ့ အခြားကင်ဆာဆဲလ်တွေကို တားဆီးပေးပါတယ်။

အကျဉ်းချုပ်ပြီး ကောင်းကျိုးတွေကို ပြောရမယ်ဆိုရင်ကတော့

  • ကိုယ်အလေးချိန်ကို လျော့ကျဖို့ ကူညီနိုင်ပါတယ်။
  • ကျန်းမာတဲ့ ကလေးမွေးဖို့ ကူညီပါတယ်။
  • ကိုလက်စထရောကို ကျစေပါတယ်။
  • ကင်ဆာမဖြစ်စေပါဘူး
  • ရင့်ရော်ခြင်းကို တားဆီးပေးပါတယ်။

  • Antioxidants ရင်းမြစ်လို့တောင် ပြောလို့ရပါတယ်။
  • ကျောက်ကပ်ထဲ ကျောက်တည်ခြင်းကို ကုသနိုင်ပါတယ်။
  • သွေးပေါင်တက်ခြင်းကို ချပေးနိုင်ပါတယ်။
  •  နှလုံးရောဂါမဖြစ်အောင် တားဆီးပေးပါတယ်။

ကဲ ဈေးချိုပြီး အကျိုးများလှတဲ့ ဂေါ်ရခါးသီးအကြောင်း သိပြီမို့ ဟင်းတစ်ခွက် အမြန် ချက်လိုက်ကြစို့နော်။

Credit: vegetafruit

[Zawgyi]

အရသာ ခ်ိဳလြန္းလို႔ တစ္ခ်ိဳ႕ကေတာ့ သိပ္ႀကိဳက္လွပါဘူး။ အခ်ိဳဓာတ္ဟာ သဘာ၀အတိုင္း အျပည့္အ၀ ပါ၀င္တာေၾကာင့္ ဟင္းခတ္မလိုတဲ့ ဟင္းသီးဟင္းရြက္ တစ္မ်ိဳးကေတာ့ ေဂၚရခါးသီး ေခၚ စူကာသီးပဲ ျဖစ္ပါတယ္။ အႏြယ္ပင္ေတြကေန သီးလာတဲ့ ဆူးခပ္ပါးပါးနဲ႔ အသီးဟာ စားတဲ့ အခါ အရသာ အလြန္ရွိလွတာ မျငင္းႏုိင္ပါဘူး။ အေနာက္ႏုိင္ငံေတြမွာ လူႀကိဳက္မ်ားတဲ့ အသီးျဖစ္ၿပီး ျမန္မာႏုိင္ငံမွာလည္း အမ်ားစု စားၾကပါတယ္။

ေအးျမတဲ့ ေဒသေတြမွာ ျဖစ္ထြန္းတဲ့ ေဂၚရခါးသီးကို ရွမး္ျပည္ဘက္မွာ တစ္ႏွစ္ေပါက္လံုး ေပါက္ေရာက္ပါတယ္။ ေဂၚရခါးညႊန္႔ကိုလည္း ေၾကာ္စား ခ်က္စား စားၾကၿပီး အသီးကေတာ့ ေစ်းခ်ိဳလွပါတယ္။ အရည္ရႊမ္းတဲ့ စူကာသီးကို ၾကက္ဥနဲ႔ ေရာေမႊေၾကာ္စားေလ့ ရွိၿပီး အျခား ႏွစ္သက္တဲ့ အသားေတြနဲ႔လည္း ေရာေႏွာ ခ်က္ျပဳတ္ေလ့ ရွိၾကပါတယ္။ ခ်ဥ္ရည္ခ်က္စားၾကသလို အတို႔အျမဳပ္အေနနဲ႔လည္း စားၾကပါေသးတယ္။

ေဂၚရခါးသီးမွာ ကစီဓာတ္၊ ပရိုတင္း၊ အဆီဓာတ္၊ အမွ်င္ဓာတ္၊ ေဖာလိပ္၊ နီအာစင္၊ ပန္တိုသနစ္၊ ဗီတာမင္ စီ၊ အီး၊ေကနဲ႔ ဆိုဒီယမ္၊ ပိုတက္ဆီယမ္၊ ကယ္လ္ဆီယမ္၊ သံဓာတ္နဲ႔ အျခားအက်ိဳးျပဳဓာတ္ေတြ ပါ၀င္ပါတယ္။ ေဂၚရခါးသီးမွာ ေဖာလိပ္ဓာတ္ ပါရွိတာေၾကာင့္ ကိုယ္၀န္ေဆာင္ေတြအေနနဲ႔ မျဖစ္မေန စားသံုးသင့္ပါတယ္။ ေမြးလာတဲ့ ကေလးကို အာရံုေၾကာေရာဂါေတြ ကင္းေ၀ေစၿပီး က်န္းမာေစပါတယ္။

အမွ်င္ဓာတ္နဲ႔ ေရဓာတ္ စြမ္းအင္ျပည့္ပါ၀င္တာေၾကာင့္ ကိုယ္အေလးခ်ိန္ ထိန္းသူေတြ အတြက္ေတာ့ လက္တြဲေဖာ္ပါပဲ။ ကင္ဆာကို ဆန္႔က်င္ေပးတဲ့ ဓာတ္ေတြ စုေ၀းထားတာေၾကာင့္ အစာအိမ္၊ရင္သားနဲ႔ အျခားကင္ဆာဆဲလ္ေတြကို တားဆီးေပးပါတယ္။

အက်ဥ္းခ်ဳပ္ၿပီး ေကာင္းက်ိဳးေတြကို ေျပာရမယ္ဆိုရင္ကေတာ့

  • ကိုယ္အေလးခ်ိန္ကို ေလ်ာ့က်ဖို႔ ကူညီႏုိင္ပါတယ္။
  • က်န္းမာတဲ့ ကေလးေမြးဖို႔ ကူညီပါတယ္။
  • ကိုလက္စထေရာကို က်ေစပါတယ္။
  • ကင္ဆာမျဖစ္ေစပါဘူး
  • ရင့္ေရာ္ျခင္းကို တားဆီးေပးပါတယ္။

  • Antioxidants ရင္းျမစ္လို႔ေတာင္ ေျပာလို႔ရပါတယ္။
  • ေက်ာက္ကပ္ထဲ ေက်ာက္တည္ျခင္းကို ကုသႏုိင္ပါတယ္။
  • ေသြးေပါင္တက္ျခင္းကို ခ်ေပးႏုိင္ပါတယ္။
  •  ႏွလံုးေရာဂါမျဖစ္ေအာင္ တားဆီးေပးပါတယ္။

ကဲ ေစ်းခ်ိဳၿပီး အက်ိဳးမ်ားလွတဲ့ ေဂၚရခါးသီးအေၾကာင္း သိၿပီမို႔ ဟင္းတစ္ခြက္ အျမန္ ခ်က္လိုက္ၾကစို႔ေနာ္။

Credit: vegetafruit