မျက်နှာပေါ်က မလိုအပ်တဲ့ အမွှေးအမျှင်တွေကို ကွေကာအုတ်လုပ်တဲ့ အမှုန့် (Oatmeal Power) ၊မုန့်ဖုတ်ဆိုဒါတို့နဲ့ ဖယ်ရှားမယ်

မျက်နှာပေါ်မှာ မလိုအပ်တဲ့ အမွှေးအမျှင်တွေ ရှိတတ်ပါတယ်။ လူဆိုတာ မျောက်ကနေ ဆင်းသက်လာတာလို့ ပြောကြတယ်မဟုတ်လား။ တချို့ဆိုရင် အမွှေးချွတ်ဆေးတွေတောင် အသုံးပြုကြပါတယ်။

ဒီနေ့မှာတော့ သဘာဝပစ္စည်းလေးတွေကို အသုံးပြုပြီး မျက်နှာပေါ်က မလိုအပ်တဲ့ အမွှေးအမျှင်တွေကို ဖယ်ရှားနိုင်မဲ့နည်းလမ်းကို ပြောပြပေးပါ့မယ်။

ပါဝင်ပစ္စည်း

ကွေကာအုတ်လုပ်တဲ့ အမှုန့် (Oatmeal Power) စားပွဲတင်ဇွန်း ၁ ဇွန်း

ပျားရည် စားပွဲတင်ဇွန်း ၂ ဇွန်း

သံပုယိုရည် စားပွဲတင်ဇွန်း ၂ ဇွန်း

ပြုလုပ်နည်း

ခွက်အသေးတစ်လုံးထဲမှာ ပါဝင်ပစ္စည်းတွေအားလုံးရောပြီး မွှေပေးပါ။

အဲဒီနောက် မျက်နှာပေါ်က အမွှေးအမျှင်တွေ ရှိတဲ့နေရာမှာ လိမ်းပေးပါ (ဥပမာ၊ နှုတ်ခမ်းအပေါ်၊ ပါးသိုင်းမွေး)။

အဲဒီနောက် ၁၅ မိနစ်လောက်ထားပါ။

အဲဒီနောက် အမွှေးပေါက်တာနဲ့ ဆန့်ကျင်ဖက်ကို ပွတ်တိုက်ပေးပြီး ရေနွေးနဲ့ မျက်နှာသစ်ပါ။

ပြီးရင်တော့ မိမိပုံမှန်သုံးနေတာ Moisturizer ကိုလိမ်းပေးပါ။

တစ်ပတ်ကို ၂ ကြိမ် ၃ ကြိမ်လောက် ပြုလုပ်ပေးပါ။ ၁ လလောက်ဆိုရင်တော့ ကိုယ်မလိုချင်တဲ့ အမွှေးအမျှင်တွေ ပျောက်သွားမှာဖြစ်ပါတယ်။

ဆားဝက်ခြံအတွက်

ကွေကာအုတ်လုပ်တဲ့အမှုန့် စားပွဲတင်ဇွန်း ၂ ဇွန်းကို ရေနွေးအနည်းငယ်နဲ့ရောပါ။

ဆားဝက်ခြံရှိတဲ့နေရာမှာ လိမ်းပေးပြီး ခြောက်တဲ့ထိထားကာ ရေဆေးချပါ။

မုန့်ဖုတ်ဆိုဒါ

ဒီနည်းလမ်းကိုတော့ အိပ်ယာမဝင်ခင်လုပ်ပေးရမှာပါ။

ရေနွေးပူပူ ၂၀၀ မီလီလီတာထဲကို မုန့်ဖုတ်ဆိုဒါ လက်ဖက်ရည်ဇွန်း ၁ ဇွန်းထည့်ပါ။ အဲဒီနောက် သေချာအောင်မွှေပေးပြီး အေးတဲ့ထိထားပါ။ ဝါဂွမ်းစကိုအဲဒီအရည်ထဲ အနည်းငယ်စိမ်ပေးပါ။ အဲဒီနောက် နည်းနည်းခြောက်သွားအောင်ထားပြီး မျက်နှာပေါ်က မလိုအပ်တဲ့အမွှေးအမျှင်ရှိတဲ့နေရာမှာ လိမ်းပေးပါ။

အဲဒီလိုလိမ်းပေးပြီးရင် တစ်ညလုံးသိပ်ထားပြီး မနက်မိုးလင်းတဲ့အခါ မျက်နှာသစ်ပါ။ ဒီနည်းလမ်းလေးနဲ့ ၂ ခါ ၃ ခါလောက်ပြုလုပ်ပြီးရင်တော့ အမွှေးအမျှင်တွေ သိသိသာသာ ကင်းစင်သွားပါလိမ့်မယ်။