ကညွှတ်ကို မြန်မာလူမျိုးတွေ တော်တော်များများကြိုက်နှစ်သက်ကြပါတယ်။ အာဟာရဓါတ်ကြွယ်ဝပြီး အရသာရှိတဲ့အပြင် ကျန်းမာရေးနဲ့ညီညွှတ်တာကြောင့်လည်း စားသုံးသင့်ပါတယ်။ လေ့လာတွေ့ရှိမှုအရ ကညွှတ်မှာ အင်ဆူလင်ပမာဏကို ညီမျှစေပြီး ဆီးချိုဖြစ်ပွားမှုကနေ ကာကွယ်ပေးနိုင်ပါတယ်။
အင်ဆူလင်ပမာဏ ညီမျှခြင်းက ကျန်းမာရေးအတွက် တကယ်ကိုအရေးကြီးသလို သက်ရှည်ကျန်းမာတဲ့ ဘဝအတွက်လည်း တကယ်ကိုအရေးပါပါတယ်။
ဒီတော့ ကညွှတ်ပင်ကို အလွယ်တကူစိုက်ပျိုးလိုက်ကြရအောင်။
ကညွှတ်ပင်ကို အမြစ်နဲ့စိုက်ပျိုးနိုင်သလို အစေ့နဲ့လည်းစိုက်ပျိုးကြပါတယ်။ အဓိကအားဖြင့်တော့ အမြစ်ကိုယူပြီး စိုက်ပျိုးကြပါတယ်။ အစေ့ကိုစိုက်မယ်ဆိုရင်တော့ အညှေင့်ထွက်လာဖို့ ၃ ပတ်အချိန်ယူရပါတယ်။
ကညွှတ်ပင်ဟာ နေရောင်ချည်ကို ကြိုက်နှစ်သက်ပြီး ဘယ်နေရာဒေသမှာမဆို စိုက်ပျိုးနိုင်ပါတယ်။ စိုက်ပျိုးမယ်ဆိုရင် ကျယ်ပြန့်ပြီးမြေစီလွှာကောင်းတဲ့ မြေမျိုးဖြစ်ရမှာပါ။ ဘာလို့လဲဆိုတော့ ကညွှတ်ပင်ဟာ တစ်ခါစိုက်ပြီးရင် နှစ် ၂၀ လောက်စားသုံးနိုင်လို့ပါ။အရိပ်မကျဘဲ နေရောင်ချည်အပြည့်အဝရတဲ့နေရာကို ရွေးချယ်ရပါမယ်။
ဘယ်လိုစိုက်ပျိုးမလဲ
မြေကြီးကို ၁၂ လက်မအကျယ် ၆ လက်မအနက် တူးပေးပါ။ အမြစ်မှာ သေနေတဲ့အပိုင်းကိုဖယ်ပြီး အလယ်က ချိုင့်ထဲမှာ ထည့်ပေးပါ။ စိုက်ပျိုးတဲ့အခါ အပင်တစ်ခုနဲ့တစ်ခုကြား ၁၂ လက်မကနေ ၁၈ လက်မလောက်ခြားပြီးစိုက်ပေးပါ။ အဲဒီနောက် အမြစ်ကို မြေကြီး ၂ လက်မလောက် ဖုံးလိုက်ပြီး ရေလောင်းပေးပါ။
ထိန်းသိမ်းခြင်း
ရေစီးရေလာကောင်းတဲ့နေရာမှာ စိုက်ပျိုးရမှာဖြစ်သလို စိုက်ပြီးပြီးချင်း အပတ်တိုင်း နံနက်ကို ရေ အနည်းဆုံး ၁ ခါ (သို့) ၂ ခါ လောင်းပေးပါ။ မိုးရာသီမှာတော့ ရေမလောင်းပါနဲ့။ အပင်က ၄ နှစ်သားလောက်ရောက်လာပြီးဆိုရင် ၂ ပတ် (သို့) ၃ ပတ်မှာ မှ တစ်ခါ ရေလောင်းပါ။
ရိတ်သိမ်းခြင်း
အပင်က မြေကြီးပေါ်ကနေ ၈ လက်မ ၉ လက်မလောက် ရှည်လာမယ့် ၃ နှစ် သားအရွယ်လောက်ဆိုရင် စပြီး ခူးစွတ်နိုင်ပါပြီ။ အပင် အမြစ်ခိုင်စေဖို့ ပထမ ၂ နှစ် အတွင်းမှာ လုံး၀ ခူးလို့မရပါဘူး။ ဘာလို့လဲဆိုတော့ အမြစ်မခိုင်သေးလို့ပါ။ အပင်ကို ရိတ်သိမ်းတဲ့အခါ မြေစီလွှာရဲ့ အပေါ်ကနေ ဖြတ်ယူပေးရမှာဖြစ်ပါတယ်။ ကျန်တဲ့အပိုင်းတွေက ထပ်ပြီး ရှည်လာမှာပါ။
