စစ်မထုတ်ရသေးတဲ့ အမှန်စင်စစ် ပန်းသီးရှာလကာရည်သည် ကျန်းမာရေးအတွက် သက်စောင့်ဆေးတစ်ခုဟုပင်ခေါ်နိုင်လောက်သည့် အစွမ်းထက်အမျိုးအမယ်တစ်ခုဖြစ်ပါတယ်။ အမျိုးမျိုးသောရောဂါများ၊ အခြေအနေများကို သဘာဝအတိုင်း ထိန်းချုပ်၊စီမံ၊ကုသပေးရန်အတွက်လည်း အသုံးပြုနိုင်ပါတယ်။
ဖျားနာခြင်းတို့ကို ကုသရန်သာမက စစ်မထုတ်ရသေးတဲ့ ပန်းသီးရှာလကာရည် လက်ဖက်ရည်ဇွန်း ၁ ဇွန်းကို ရေတစ်ခွက်နဲ့ရောပြီး နေ့စဉ်သောက်သုံးပေးခြင်းကလည်း ကိုယ်အလေးချိန်လျော့ကျစေပြီး တကိုယ်လုံးကျန်းမာရေးကို မြှင့်တင်ပေးပါတယ်။ ဒါ့အပြင် ကျော့ရှင်းလှပတဲ့ဆံကေသာ၊အသားအရေ အထူးသဖြင့် ဝက်ခြံဖယ်ရှားရန်အတွက် အသုံးပြုပေးနိုင်ပါတယ်။
ဒါကြောင့် ဒီလိုကောင်းကျိုးတွေ အလွန်များပြားတဲ့ ပန်းသီးရှာလကာရည်ကို ဈေးကွက်ထဲမှာ အလွယ်တကူရှာတွေ့နိုင်သော်လည်း အိမ်လုပ်ကယုံကြည်စိတ်ချရဆုံးမို့လို့ နည်းလမ်းလေးကို ဖော်ပြပေးလိုက်ရပါတယ်။
ပါဝင်ပစ္စည်းများ
ပန်းသီး – ၆ လုံး
သကြား – ခွက် လေးပုံတစ်ပုံ
ဇစ်ပိတ်အိတ် – ၁ လုံး
စစ်ပြီးသားရေ
အဝတ်ပါးအရှည်တစ်ထည်
ပြင်ဆင်ပုံများ
၁။ ပန်းသီးများကိုရေဆေးပြီး အနေတော်အရွယ်စားလှီးပေးပါ။
၂။ အဝကျယ် ကရားအကြီးတစ်လုံးထဲတွင် ပန်းသီးများကိုထည့်ပြီး နစ်သည်အထိ သကြားရည်လောင်းထည့်ပေးပါ။
၃။ ရေထည့်ထားတဲ့ ဇစ်ပိတ်အိတ်ကို ပန်းသီးများအပေါ်တွင်တင်ပေးပါ။
၄။ ကရားကို အဝတ်နှင့်ဖုံး၊ သရေပင်နှင့်စည်းပေးကာ အေးမြမှောင်မိုက်တဲ့နေရာမှာထားပြီး အချဉ်ဖောက်ပါ။
၅။ အချဉ်ဖောက်နေချိန်ကို ၁၄ ရက်တစ်ကြိမ်၊ ၂၈ ရက်ကြာတစ်ကြိမ် မှန်မှန်ကြည့်ရှုစစ်ဆေးပါ။
၆။ ရက်ပေါင်း ၇၀ ကြာမြင့်ပြီးရင် ကရားကိုသိမ်းထားရာမှထုတ်ပြီး ပန်းသီးစိတ်များ အောက်ခြေနစ်သွားပြီဆိုရင် အချဉ်ဖောက်တာပြည့်စုံသွားပါပြီ။
အဝတ်ကိုဖယ်လိုက်ပြီး အမြုပ်ထနေတယ်ဆိုရင် ရှာလကာရည်စစ်ထုတ်ရမှာပါ။ ညှပ်ဖြင့်ဇစ်ပိတ်အိတ်ကိုဖယ်လိုက်ပြီး နောက်ထပ်အဝတ်အုပ်ထားတဲ့ ကရားပေါ်သို့ဖြည်းဖြည်းချင်းလောင်းချပါ။
ပြီးရင် အဝတ်အသစ်နှင့်ဖုံးပေးပြီး ပန်းသီးရှာလကာရည်ပြုလုပ်ရန် အေးမြမှောင်မိုက်တဲ့နေရာမှာ သိမ်းဆည်းပေးပါ။
၇။ နောက်ထပ် ရက် ၆၀ ထပ်ထားပေးပြီး ထပ်မံစစ်ထုတ်ပြီး ပုလင်းထဲပြောင်းထည့်ပါ။
ကဲ ပန်းသီးရှာလကာရည်လုပ်ရမယ့် နည်းလမ်းလေးကိုသိသွားပြီဆိုတော့ လက်ဖက်ရည်ဇွန်း ၁ ဇွန်းခန့်ကို ရေနွေးတစ်ခွက်ထဲထည့်ပြီး နေ့စဉ်မနက်တိုင်းသောက်သုံးပြီး အစာခြေစနစ်ကောင်းမွန်၍ ကောင်းမွန်သောကျန်းမာရေးကို ရယူနိုင်ပါပြီ။
Credits : Health and Beauty Archives – Fab How
